Downfall of the Ace (Series of Epitome 1) : COMPLETED

10

Kabanata 10

Dinner

"So ano? MU na kayo ngayon?" nang-uuyam na tanong ni Solaire sa akin. "O landian lang, ganon?"

Muntik ko nang maibuga ang tubig na iniinom. Sinamaan ko siya ng tingin. "Hindi ba pwedeng friends lang? I mean, okay lang naman sa'kin na friends kami. Walang malisya."

"Walang malisya pero ilang buwan na palaging kayo ang magkasama tuwing may free time," tumawa siya. "Ano? Magpapaka-martyr ka na ngayon? Hahayaan mong lumalim 'yang feelings mo para sa kaniya tapos siya, kaibigan pa rin ang tingin sa'yo?"

Napangiwi ako sa sinabi niya. Hindi ko maiwasang mag-assume sa mga mixed signals ni Cali. For the past months na magkasama kami, lagi siyang nagpapakita ng sweet gestures sa akin at paminsan-minsang bumabanat ng mga jokes. I don't even know if those were jokes or if he means it. Pero kapag naman may makakakita sa aming mga kakilala niya, palaging sinasabi niya na "friends lang" kaya 'yon na rin ang sinasabi ko sa mga kakilala ko.

"Matatapos din ito. Besides, magkakahiwalay naman kami ng school for college. Malilimutan ko rin 'tong feelings ko sa kaniya," pangungumbinsi ko kay Solaire pati na rin sa aking sarili. Ayokong masayang ang pagkakaibigan namin, lalo na't komportable ako sa kaniya.

Nagpatuloy kami sa mga ginagawa namin sa clubroom. Inaayos na kasi ang mga dyaryo na ipapasa para sa RSPC. Two weeks from now, we'll travel to the venue in Rizal. Ang alam ko ay sa Antipolo gaganapin ang event at limang araw kaming mag-stay doon.

"Saan tayo for Christmas?" tanong ni Isaiah sa amin. Nasa coffee shop ulit kami para makapag-catch up sa mga buhay-buhay namin.

"'Yong isa r'yan may iba yatang kasama sa Pasko," nagkunwari si Solaire na umuubo. "Nako, Creed. Ehem Creed."

Binato ni Creed ng tissue si Solaire. Nagtawanan silang tatlo pero naguluhan naman ako. Napansin ni Isaiah ang pagtataka ko kaya ako naman ang tinukso niya.

"'Yan, sige! Date pa kayo ni Cali! Nale-late ka tuloy sa mga chismis," ani Isaiah.

"Hindi naman 'yon date e. Bakit? May feelings ba 'yon sa'kin?" umirap ako sa kaniya bago Tumingin kay Creed. "Ikaw naman? Anong nangyayari sa'yo?"

"Wala, pupunta lang sa paskuhan sa USTe," simpleng sagot ni Creed sa'kin.

"Oo, Jaide! Kasama niya 'yong rebound–" agad na tinakpan ni Creed ang bibig ni Isaiah.

Sinamaan ko sila pareho ng tingin. Mukhang wala namang balak magkuwento si Creed ngayon, sa susunod ko na lang tatanungin.

"Let's go to Pangasinan. Hundred Islands tayo sa Christmas break," suggestion ko sa kanila. I've been wanting to go there since nakita ko 'yong isang travel brochure.

"Ano, guys? Pangasinan ang request ni Ace. Carps na ba?" si Isaiah.