MY JOURNEY OF LOVE START WITH A DEAL - NO ORDINARY LOVE

NOL - CHAPTER 38

LAREEN'S POV

Pinatawag ako sa office ni Mrs. Paras kasi tumawag pala si Mommy at binalitang medyo stable na ang Daddy. Successful naman daw ang operation pero matagal tagalan pa sila sa Manila. Hindi pa din nagigising ang Daddy.

"Are you okay, Ms. Castillo?" tanong ni Mrs. Paras habang nakaupo ako sa upuan na malapit sa mesa niya. Andon kasi ang landline kung saan tumawag si Mommy. Iniiwan ko kasi ang cellphone ko sa locker dahil bawal naman kami magdala nito sa selling area.

Tumango ako. "Successful naman daw po ang operation ng Dad kaso hindi pa po siya nagigising" sabi ko sa kanya.

Napahawak siya sa may kaliwa niyang dibdib at humingang malalim. "Salamat naman sa Diyos" sabi niya. "sana maging okay na ang Chairman" sabi nito. Tumango lang ako at tumayo na rin. "Salamat po sa pagpapagamit ng telepono" sabi ko at lumabas na din. Dumirecho na ako sa locker dahil ilang minuto na lang din naman at balik trabaho na kami. Papasok na ko ng locker ng hinarang ako ni Jericho.

"Okay ka lang? Mukha kang umiyak. Pinagalitan ka ba?" sunod-sunod niyang tanong.

Umiling ako.

"Bat parang namumula yang mata mo? Anong nangyari sa loob?"

"Ah e sinabi lang ni Mrs. Paras na okay naman daw ang performance ko kaya baka yung 3 months kong training, maextend na at maregular na din" sagot ko sa kanya. Tumango tango syia. Mukha namang convinced.

"E di magandang balita yan. Marami dito ang hindi nareregular kaya kung sinabihan ka, magandang balita yan" sabi niya at hinawakan niya ako sa buhok. "Ahem" nagulat kami sa pagsulpot nila Betty at Janine.

"Ano yan ha?" dagdag pa ni Betty. "Umiyak ka?" biglang singit ni Janine. "Anong nangyari?" nagaalalang tanong pa niya.

"Ah e wala naman. Mamaya ko na ikukwento at baka maabutan pa tayo dito" sabi ko at nagmadali kaming pumasok sa quarters. After naming makapagpowder man lang ay lumabas na kami para magtrabaho.

Nagaayos kami ng stocks sa shelves ng lumapit si Betty bigla sa amin ni Janine. "Huy, amgpogi nun a, boyfriend mo yun?" pasimple niyang tanong dahil pagnahuli kaming nagkukwentuhan ay pagagalitan na naman kami.

"Shhh. Bumalik ka na nga sa area mo. May makakita sayo dito. Yari tayo" nagaalala kong sabi.

Inirapan niya ako. "Nakakacurious kasi e" sabi niya sa akin. "Janine, kwento mo bukas yan a sa lunch break para madaming oras" baling niya kay Janine.

Naiilang na ngiti ni Janine at umalis na rin si Betty. "Pagpasensyahan mo na yan si Betty. Bored lang yan" sabi ko sa kanya.

"Okay lang naman" sagot ni Janine. "Sayang nga at hindi ko kayo napakilala sa kanya" sabi pa nito.

"Bakit kaano-ano mo ba yon?" sagot ko.

"Boyfriend. Ata" natawa siya sa sinabi niya. Kinikilig? Hindi ko alam pero mukhang masaya naman siya. "Hindi mo sure na boyfriend mo siya?"

"Hindi ko maangkin e. Pero, oo, may relasyon kami"

Tumango tango lang ako. "Ikaw, wala ka ba talagang boyfriend?"

"Wala nga pero may tao naman akong gusto" sabi ko. Ngumiti siya. "Why are you smiling?" tanong ko sa kanya. "Hindi ka din sure?" she added.

Nagkatinginan kami at nagtawanan.

"Trabaho hindi chikahan" nagulat kami sa pagsulpot ng isa naming supervisor. Yumuko lang kami tas inintay naming makalagpas siya sa amin. "Hayaan mo, Lareen, ipapakilala ko sa'yo si Karlos" sabi niya.

"O sige" sagot ko.

"Malapit na yung birthday ko. Invited ko kayo nila Betty" sabi pa nito.

"Kelan ba?"