// Unicode //
~~~~~~~~~~
ပြောစရာရှိတယ်ဆိုပြီး အိမ်ကိုရောက်လာသော မေမေက ဘာစကားမှမပြောဘဲ ဧည့်ခန်းမှာခေါက်တုံ့ခေါက်ပြန်လျှောက်နေတာ မိနစ်ပိုင်းမျှကြာပြီဖြစ်သည်။ မေမေ့ပုံစံက ပြောသင့်၊ မပြောသင့် စဉ်းစားနေဟန်။
" ထွဋ်ခေါင် အလုပ်သွားတယ်မလား "
" ဟုတ်တယ် "
ခေါင်းကွဲပြီးနှစ်ယောက်သား အချုပ်ခန်းရောက်တဲ့ကိစ္စကိုလည်း အတော်လေးအဆူခံရပြီးပြီကို အခုရောက်နေတာက ဘာပြောချင်လို့လဲ။ ဘာကိစ္စမို့လို့ ဒီလိုအချိန်ဆွဲနေရတာလဲ။
" ဘာပြောစရာရှိလို့လဲ မေမေ "
ရူပါ မေးလိုက်တော့ မေမေကသက်ပြင်းရှည်ကြီးချကာ မျက်နှာချင်းဆိုင်နေရာတွင် ဝင်ထိုင်သည်။
" မေမေပြောတာကို အလောတကြီးမဆုံးဖြတ်ဘဲ သေချာနားထောင်နော် "
ရူပါ ခေါင်းညိတ်လိုက်ပေမယ့် မေမေကတော့ ပြောရမှာကို တွေဝေနေသေး၏။ မဟုတ်မှ...
" မေမေ.. နောက်အိမ်ထောင်ပြုချင်လို့လား "
သိချင်စိတ်ဖြင့်မေးလိုက်တော့ မေမေ့ဆီက မျက်စောင်းတစ်ချက်သာပြန်ရသည်။
" မဟုတ်ရင်.. ဖေဖေ နောက်မိန်းမယူသွားပြီလား "
" ပေါက်ကရတွေ ရူပါရယ်.. "
" မသိဘူးလေ၊ မေမေကအချိန်ဆွဲနေတော့ အဲ့လိုကိစ္စတွေပဲထင်တာပေါ့ "
" အချိန်ဆွဲနေတာ မဟုတ်ပါဘူးကွယ်၊ မင်းငြင်းလိုက်ရင် ဘယ်လိုပြန်ပြောရမလဲဆိုတာ ကြိုစဉ်းစားနေတာ "
ဧည့်ခန်းအတွင်း တိတ်ဆိတ်မှုက ပြန်လည်နေရာယူသွားပြန်သည်။ ထိုသို့ဖြင့် ၁၀ မိနစ်လောက်ကြာသွားသည့်အခါမှ မေမေ့ဆီက စကားထွက်လာသည်။
" မကြည်ပြာတို့က ကလေးတစ်ယောက်လောက် လိုချင်ကြတယ် ရူပါ "
" အဲ့ဒီတော့.. "
" သားနဲ့ ထွဋ်ခေါင်ကို ကလေးယူစေချင်နေတာ "
" ဗျာ !! "
ရူပါ ကိုယ့်နားကိုပင် မယုံနိုင်ဖြစ်သွားသည်။ ကိုကို့ အမေက ရူပါတို့ကို ကလေးယူစေချင်သည်တဲ့။
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။
