// Unicode //
~~~~~~~~~~
" အချစ်လေးကို လွမ်းနေတာ.. "
လင်းရူပါသွင် ပြောပြီး တူနဲ့ညှပ်ထားသောအသားပြားအား ပါးစပ်ထဲထည့်ကာ အားရပါးရဝါးလိုက်သည်။ မျက်နှာကိုလည်းအမျိုးမျိုးလုပ်နေ၏။
" ကိုကြီးရဲ့အသည်းလေး "
" ကိုကြီးရဲ့နှလုံးသားလေး "
" ကိုကြီးရဲ့ အချစ်လေး "
ဟော့ပေါ့အိုးထဲက စားစရာများအား သူပေးထားတဲ့ ကိုယ်ပိုင် nickname များခေါ်ကာ ပါးစပ်ထဲတစ်ခုပြီးတစ်ခုထည့်နေတဲ့ လင်းရူပါသွင်။ ရန်ငြိမ်းဝေ မျက်စိနောက်လာသည်။ ဖြူကောင်လေး အကြောင်းသိချင်၍သာ သကောင့်သားကိုဟော့ပေါ့ဆိုင်ခေါ်လာရခြင်းဖြစ်သည်။
" ဖြည်းဖြည်းစား ညီလေး၊ မဟုတ်ရင် အသားပြားနင်ပြီးကြွသွားမှ မင်းရဲ့ချစ်လင်ကြီးက ငါ့ကိုထောင်ထဲပို့နေမယ် "
" ဘာချစ်လင်ကြီးတုန်း၊ မပြောစမ်းပါနဲ့ ကိုရန်ငြိမ်းရာ၊ ကျွန်တော့်ကိုစားမဝင်အောင် "
ပြောပြီး အကင်ဗန်းထဲကကျက်နေပြီဖြစ်သော အသားကိုယူကာ ဆလပ်ရွက်ထဲထည့်၊ ဆော့စ်တို့ပြီးပါးစပ်ထဲထည့်လိုက်သည့် ရူပါ။ စကားပြောချင်လို့ခေါ်လာသော်လည်း ဟော့ပေါ့လောက်တောင် အာရုံစိုက်မခံရတော့ ရန်ငြိမ်းစိတ်ညစ်သွား၏။ တကယ်ဆို သူ့အမှားပါပဲ။ လင်းရူပါသွင်ဆိုတာအစားသောက်နှင့်တွေ့လျှင် ဘာမှအာရုံမရတော့တာကို သူမေ့သွားခဲ့သည်။
" ငါနဲ့စကားပြောဦးမှာလား ရူပါ "
" ပြောလေ၊ ကျွန်တော်နားထောင်နေတယ် "
" ဒါဆို အရင်ဆုံးသိချင်တာမေးမယ်နော် "
" အင်း "
ရူပါ ပြန်ဖြေရင်း အိုးထဲကကျက်သွားသည့် ပုစွန်ရဲရဲကို ဆယ်ယူကာ ပန်းကန်လုံးထဲထည့်လိုက်သည်။ ထို့နောက် ပူပူနွေးနွေးပုစွန်ကို လက်ညှိုးနှင့်လက်မသုံးကာ အခွံနွှာနေသည်။
" ပြောလေ ကိုရန်ငြိမ်း "
" အင်း.. ဟိုဟာ.. ချိုသာ့ဆိုင်မှာအလုပ်လုပ်နေတဲ့ မင်းသူငယ်ချင်းဆိုတဲ့ ဖြူဖြူသေးသေးကောင်လေးလေ "
YOU ARE READING
𝙸𝚝'𝚜 𝙾𝚔, 𝚃𝚑𝚊𝚝'𝚜 𝙻𝚘𝚟𝚎〖 Completed 〗
Romanceပထမဆုံးအရေးသားမို့ လိုအပ်ချက်တွေများပြီး ဇာတ်အိမ်ပေါ့ပါတယ်။
