«Ու կոտրել ես ինձ»
Լանա
-Ես չեմ ուզում լսել:
Ես արագ և կտրուկ քայլերով շրջանցում եմ սեղանը և նստում համակարգչի առաջ՝ միացնելով այն և արհամարհելով գրասենյակ ներխուժող և դուռը փակող շիկահերին:
-Ի՞նչ ա նշանակում՝ չես ուզում լսել:
Արտյոմը տեղադրում է ձեռքերը տաբատի գրպաններում և դեմքի բարկացած արտահայտությամբ սպասում հարցի պատասխանին:Ատում եմ արդարանալ այն ամենի համար, ինչը վերաբերում է միայն ինձ և իմ կյանքին:
-Նշանակում ա, որ ես պետք ա աշխատեմ, իսկ դու խանգարում ես ինձ:
Նա ինձ հանգիստ չի թողնի:Եթե Արտյոմը ունի որոշակի զգացմունքներ, ապա դա իմ խնդիրը չէ:Ես պարտավոր չեմ բացատրություն տալ անձնավորությանը, ով միայն աշխատում է ինձ հետ նույն վայրում և ոչ մի առնչություն չունի անձնական կյանքիս հետ:
-Մինչև Արեգին տեսնելը դու քեզ դրսևորում էիր բավականին լավ ու հավասարակշռված:
Ե՞վ:Արեգը ոչ մի դեր չի խաղում իմ վերաբերմունքի կամ պահելաձևի մեջ, բայց ես, իհարկե, չեմ պատրաստվում հայտնել Արտյոմին և ինչ-որ դատարկ, սուտ հնարավորության միտք տալ:
-Ես փորձում եմ կենտրոնանալ ու աշխատել, եթե չես տեսնում, Արտյո՛մ:
-Դու փորձում ես անուշադրության մատնել Արեգի դուդուկի տակ պարելու փաստը, Լանա՛:
Շիկահերը նետում է քսանչորս տարիներիս ընթացքում լսած ամենահիմար բառերը և ազատում գրասենյակս իր ներկայությունից:Բոլորը կարծում են, որ ես կարող եմ կախվածություն ունենալ սևաչյա, ինքնահավան երիտասարդից, գրո՛ղը տանի։
Ես նույնիսկ չէի պատկերացնում, որ Արեգի՝ ինձ տուն ճանապարհելու հանգամանքը կնյարդայնացնի ընկերներիս:Անին և Եվան զանգահարել են առավոտյան՝ իմանալու, թե ինչու ես և Արեգը հանկարծակիորեն անհետացանք փաբից:Խոստովանում եմ՝ վարվել եմ անպատասխանատու երեխայի պես, սակայն գտնվելով նրա կողքին՝ մոռանում եմ յուրաքանչյուր ոքու և յուրաքանչյուր բանի մասին, ինչպես այժմ աշխատանքի:Մտքերս կրկին լցվում են ոչ անհրաժեշտ պատկերներով, զրույցներով, հպումներով:Մի՞թե սիրահարվել եմ:Կարող եմ վստահությամբ ասել՝ այո, բայց մի՞թե նա ճիշտ ընտրություն է:
YOU ARE READING
Միասին Միայնակ
RomanceԵրբ նա հեռացավ, չհասցրի տալ սրտիցս բխող միակ հարցը:Եվ այժմ ես գրում եմ այն թղթի վրա փետուրե թանաքով և հանձնում րոպեների ընթացքում իրենց փիրուզե գույնը կապույտի փոխած ալիքներին:Խնդրում եմ, ալիքնե՛ր, պատասխանեք հարցիս. «Մի՞թե մենք չենք հանդիպի»: