عشگ الضابط أمير

البارت الرابع والثلاثين

هوه حبيبي واني حبيبته ، هوه ابوي واني طفلته ، هوه حلو قلبي واني حلوته ، هوه ثالث والديني وانا كل اصحابه ،🖤♥️🤍.
🖤❤️🖤❤️🖤❤️🖤❤️🖤❤️

#عشگ الضابط أمير

#• َأُيْﮭ أُلَبّيْأُتٌيْ | ✨🇮🇶

روئ؛ من رجعنة من بيت نور ثاني يوم گعدت ب١٢ حتى ماداومت اخذتني نومة لان نمت متأخرة كلش من وره الهوسة.. نزلت جوه واني اتثاوب وكوشتي شكبره .. صباح الخير
ام دانيال؛ يا صباح هاذ الدنيا ظهر
روئ؛ نفس الشي وداعتج احجي واتثاوب
ام دانيال؛ ما شبعتي نوم
روئ؛ ماادري جسمي مكسر ونحلانة كلش
ام دانيال؛ دمشي غسلي الكراج ورشي الحديقة
روئ؛ اووو ماما كل يومية الكراج ليگول طابگة سيارتي بي
ام دانيال؛ روئ لاتشلعين گلبي وامشي شوفي شغلج
روئ؛ رايحة من عساني لا عطلت طلعت الصوندة وادردم لميت شعري ورفعتة ليفوگ وعدلت التراك وكفيت البجامة.. دخلت للكراج اله بابين واحد عل الطرمة واحد عل لشارع.. بلشت اغسل وادندن.. بعدين شفت جرادة مدري صرصرة واني گمزت لزمت الصوندة وارش عليه واتخيلو ماادري بنفسي فتحت باب الشارع وطلعتة بره.. گبر خرعتني وجعع اي والله.. رفعت رأسي عزاااا بسرعة طبگت الباب وخليت الصوندة عل تجري عل وجهي عزا عزا هذا منين طلع والله فشلة وانوب مفرعة شفت أحمد گاعد بالسيارة وصافن عليه يمةة وين انطي وجهي گبر يالثولة شلون افتح الباب أصلا همزين ماشافني دانيال ونبي يموتني خلصت بسرعة ودخلت... وره الغدا اخذت الجاي لدانيال ودرت وجهي اريد اصعد وهوه صاح عليه
دانيال؛ تعاي رئاوي اريد احجي وياج بموضوع
روئ؛ گول خوية
دانيال؛ روئ تدرين اني شگد احبج واعزج ومثل بنتي اني لربيتج عله أيدي وأعرف مصلحتج وأعرف منو الراح يسعدج ويقدرج
روئ؛ ليش تحجي هيج
دانيال؛ روئ بيوم العقد مالتي الشيخ طلبج مني گدام الكل واني استحيت ارده وهوه رجال چبير واله كلمتة بالديوان مايصير ازغرة گدام العالم وهوه قدرني وطلب نسبي..
روئ؛ ضليت صافنة علي ممستوعبة الكلام وهوه منو الطلبني... ضليت ساكتة ومدنگة راسي
دانيال؛ رئاوي أخذي وكتج وفكري بس اتمنى متفشليني وياهم وهمه ناس معروفين والنعم منهم..
روئ؛ الله كريم.. صعدت لغرفتي واني صافنة او ممستوعبة يعني هوه بااعتبار انطاني الهم بعد عله شنو يريد موافقتي.. بس اني مااريد ازوج وهوه حتى مكلف نفسة يگلي اسم الولد وحتئ لو اني مموافقة واكيد مراح يجبرني بس شلون هوه انطاهم كلمة ويگلي لاتفشليني وياهم اوووف راح يطگ راسي...
..
إيه؛ گاعدة بالغرفة وحدي اقرة لان باجر امتحانات الفاينل وطافرة روحي ومتوترة لان موادي صعبة ومنا هذا العلاج الصخام يخلي واحد يشتهي المخدة والنوم.. وأمير صارلة اسبوع ملتحق وفوگاه ميخلونه ينزل منطينة مهمة مدري شنو وراح يضل خمس أيام وأني ضايجةة كلش ممتعودة هل الگد يطول وطاگ گلبي علي... اغير شي گلت خل اخذ استراحة وأنزل جوه اشوف شكو ماكو.. نزلت ضليت افتر بالبيت اجة أحمد گلي..
أحمد؛ ايوو روحي صيحي نور دانيال بالاستقبال
إيه؛ اا صدك
احمد؛ اي صدگي اجانة توم كروز..
إيه؛ ههههه شبيك
احمد؛ هوه اني لو انتي عبالك مدري منو وممصدگة..
أيه؛ عاذرتك متوتر خاف مينطيه الك وصاير شاخط هل الايام
أحمد؛ امشي ولي شاخط ام حلگ
إيه؛ ههههههه روح ياأحمد كون يمرمرك ويشعوط گلبك يله ينطيه الك
أحمد؛ هيه عايزه تدعين عليه واني مسموط جدي امشي ولي لاابتلي بيج
إيه؛ ههههه عفته محترگ بااعصابة ورحت للشاخطة الثانية..نوووووووور
نور؛ وجعت نور طرشتي أذني
إيه؛ عندي خبر بشدة
نور؛ شكو
إيه؛ احجي واحرك بحواجبي...دانيال ابن ام دانيال ينتضرج بالاستقبال
نور؛ گمزت عليه.. شنو شنو تشاقين
إيه؛ اي والله شبيج
نور؛ يبوووو شجابة ولج اني اتصالات ماارد عليهن وانوب اشوفة.. مااريد مااريد
إيه؛ هوه شنو متردين بكيفج غير خطيبج واجة عليج
نور؛ افف شلون هسة
إيه؛ تصرفي طبيعي لاتتوترين يله اني نازلة.. شوية ونزلت...عزا ولج وين موليه هيج
نور؛ شبيج شكو
إيه؛ ولج اكو وحدة تشوف خطيبة بتراك البيت وشعفتج هاي ولج عل الأقل كحلة مرطب صخام بوجهج
نور؛ لا والله شرايج اروح للصالون فد مرة
إيه؛ ولج تردين تشردين الولد من اول شوفة
روحي لبسي شي مرتب وعدلي شعرج وخلي شي لوجهج..
نور؛ ايه تعرفيني من تجي الامتحانات تصير روحي بخشمي ومالي خلگ نفسي وانوب ترديني اطلع باربي لحضرت دانيال
إيه؛ لا انتي غبية وثولة رسمي ولج فهمي خطيبج واول مره يجيج طلعين هيج ونبي اذا مترحين تسوين لگتلج علي أصيح لعمتي عليج
نور؛ عابت والله.. صعدت فتحت الكنتور ودخلت ايه.. ها شكو
إيه؛ شو وخري اني اطلعلج ملابس
نور؛ تفضلي عيني..
إيه؛ هاج لبسي هاي
نور؛ يااا ولج شوفي دلعته
إيه؛ اهووو لادوخيني اصلا هوه شافج بيوم الخطبة وحفظ كلشي
نور؛ ياا شتحجين
إيه؛ قابل مجذبة ذولة بهيج سوالف كلشي مينسون ويضل مطبوع براسهم وسئليني اني.. يله امشي لبسي تأخرتي عل الولد صارلة ساعة من اجة..
نور؛ لبستة هيه گلبية الفتحة مالته سبعة ودلعة شوية وردانة كلوش وبيه خرطة من البطن ولونة زيتوني..
إيه؛ اي هسة اوك تعالي اسويلج شعرج
نور؛ فتحت شعري وأخذت خصل من گدام وخلتهن وره بماشة..
إيه؛ هاج خلي كحلة ومرطب
نور؛ها انزل لو نسيتي شي 😒
إيه؛ العطر ثولة
نور؛ سبحتني بالعطر ونزلت بس سحبت شال وخليتة عل رگبتي استحي من الدلعة ووصلت لباب بس شنو متوترة كلش وبطني مغصتني دگيت الباب عل كيف وفتحة أحمد..
أحمد؛ وين صرتي
نور؛ اووو جنت نايمة
احمد؛ ولج نصي صوتج منا الولد
نور؛ عزا نسيت والله
احمد؛ دتعاي فوتي قبل لاطلعين جويسم علينه
نور؛ شقصدك بجويسم شايفني ماعندي أنوثة
أحمد؛ لا يابه حشاج بس رحميني وفوتي ولج سودتي وجهي گدام الولد..
نور؛ دخلت ومنزلة راسي وگلت بصوت ناصي.. السلام عليكم وهوه رد السلام ضليت واگفة
دانيال؛ عرض چتافك أحمد
أحمد؛ استحي لك اخوه گدامك
دانيال؛ قابل شگايل اني علمودك خو متضل واگف تحرسنة مو زين عليك
احمد؛ ايباه خايف عله رجلي بس ميخالف أصير خوش نسيب وانطيك عشر دقايق وارجعلك سمعت ارجعلك
دانيال؛ دروح هسة
نور؛ طلع أحمد واني ضليت واگفة..
دانيال؛ يابه معاقبج اني ليش واگفة
نور؛ گعدت عل التخم وهوه گبالي
دانيال؛ ليش متردين عل الموبايل
نور؛ رفعت راسي وگتلة.. مفارغة عندي دراسة
دانيال؛ وشفتهم من هذا جوابج
نور؛ ماكو شي صعب عندي امتحانات ودا ادرس ومالحگ.. رفع تك حاجبة ومعاجبة كلامي هه عبالة انسه الشغلة واعديه..
دانيال؛ وليش تحجين من وره خشمج
نور؛ غلطان اني هذا حجيي
دانيال؛ يعني أربعة وعشرين ساعة تحجين هيج من وره خشمج ورافعة حاجبج
نور؛............
دانيال؛ جاوبي ليش ساكتة
نور؛ گتلك هذا حجيي
دانيال؛ اللهم طولج ياروح.. زين تعاي گعدي هنا محسستني راح آكلج
نور؛ لا مرتاحة هنا..
دانيال؛ استغفر الله..
نور؛ ضل ينافخ وقابض إيده.. نزلت راسي وهوه وگف باوعت علي اشو هذا اجة بتجاهي وگعد بصفي كلش بحيث جسمة يطخ بيه.. دار عليه وعيونة عليه ويباوع بتركيز واني نزلت راسي وتوترت منه كلش.. بعدين خله ايده جوه فكي ورفع راسي وضل مركز بعيوني...
دنگ عله عيوني وباسه لو صارت صعقة كهربائية بجسمي.. ضل يباوع عليه واني نزلت عيوني خجلت منه.. رفعت عيوني ردت احجي مااحس غير سحب شفتي بهدوء واخذ شفتي لفوگ وباس شامة اني جسمي خدر مااگدر حتى ادفعة نزل عل شفتي الجوه وعضه حيل واني طفرت وهوه رجع سحبني وگعت علي ضل يباوع عليه وابتسم بطرف شفته ودنگ عله رگبتي واخذ نفس منه واني صرت ارجف باسه قويي وكانو متعمد يترك أثر بعدين گلبني وصار فوگي وسحب الشال واني خليت ايدي عل صدري واباوعله بخوف بس هوه يبتسم بخباثة وخر أيدي ونزل راسه عل صدري وباس الوشم... خفت لايجي أحمد گتله خل اگوم عفية.. هوه بسرعة گام يمكن جان ناسي نفسه واني بسرعة اخذت الشال ودا اطلع وهوه صاح وراي
دانيال؛ ياويلج اذا ماارديتي عل موبايلج
نور؛ درت علي ورفعت حاجبي هوه ابتسم وغمزلي وگال
دانيال؛ اذا مرديتي نعيد جلسة اليوم
نور؛ فتحت عيوني ودرت وجهي وطلعت ركض.. لاگتني ايه
إيه؛ ههههههه اخذتي القاسمة الله مو 😉
نور؛ شنو
إيه؛ روحي صعدي قبل لايشوفج احد وتفضحينة هههه
نور؛ صعدت بس ماافتهمت عليه بعدين من شفت نفسي بالمراية شهگت عزا شفتي حمرة كلش ورگبتي بيه آثار حمرة.. يمة همزين محد شافني جان انفضحت..بس اني الغبية شلون مصديته لو دفعتة بالعكس ذبت بأايده اخخخ شگد ثولة..
......
إيه؛ بلشت الإمتحانات وأني مگابلة الكتاب من ارجع لحد بليل حتى اكل بالگوة اكل مسدودة شهيتي وهذا العلاج دمرني دمر بس يخليني انعس ونحول ومااشتهي اكل حتى شكلي تغير فجأة وضعفت وخدودي فشن ومقهورة عليهن اكثر شي ياهو اليشوفني يگلي ليش هيج ضعفانة وخدودج ماكو واني انقهر بالزايد وامي تگلي خلصي امتحانات وروحي للدكتور شوفي شيگلج وأمير خلصن لخمس إيام وهم مراح ينزل لان مهمته مطولة وميعرف يشوكت تخلص واني ضجت كلش وذبيت جهدي بالقراية بقالي امتحانين وأخلص..
.....
علي؛ يمعودة اول تالي اگلج گومي أقري شبيج صارلج يومين بس نوم
فاطمة؛ مااعرف بس انعس شگد ماانام ابقى منعسة ونحلانة
علي؛ دگومي غسلي وجهج وصحصحي
فاطمة؛ اممم هسة
علي؛ ياهسة هم راح ترجعين تنامين
فاطمة؛ سحبني من أيدي وگومني غسل وجهي ونگعني ماعوز بس يسبحني بالمي رجعت اخذت الكتب وگعدت اقرة وبالگوة أستوعب جوعانة بس مااشتهي اكل ماعرف شلون دبرته بس هذا حالي خلصت ب ٢ بليل وعلي كلما اريد أسد الكتاب يزمخ بيه.. كملت والله
علي؛ اي تعاي لازمج
فاطمة؛ ها لعد منو قبل شوية يزمخ وميقبل أسد الكتاب
علي؛ تعاي نامي سهرتيني وياج
فاطمة؛زوجي وتتحملني ورحت نمت عله ايده
علي؛ نتحملج ليش لا ولو اني مشتعل من وراج
فاطمة؛ أصبر مبقئ شي وأخلص امتحانات
علي؛ هوه شصبر كلما اتقرب يمج تگمزين.. وراي قراية من شتعلت القراية
فاطمة؛ ههههه شلون لعد غير مستقبلي
علي؛ ومستقبلج يضيع من اتقربلج مو
فاطمة؛ اي لان اني دارستك وحافضتك مثل الكتاب
علي؛ دنامي لاتخليني افتح الكتاب
فاطمة؛ ههههه تصبح على خير علوشي وبستة بشفته.... وگعدت الصبح گوة يعني نمت ب٢ گعدت ٦ شنو هاي شوية والله غسلت وبدلت حتى مدري شلبست مطفية من الرئيس اخذت الكتب ونزلت لگيت ايه گاعدة تراجع ومندمجة وتفتر بالصالة... مشاءالله شنو هل النشاط
إيه؛ أي مثل وجهي
فاطمة؛ وشبي وجهج
إيه؛ لاتحاولين ترفعين معنوياتي
فاطمة؛ لا جديات وشبيه يعني اذا ضعفتي
إيه؛ دشوفي شصاير بيه عبالك هيكل وين جنت وين صرت هيج فجأة أضعف سترك ربي وشوفي خدودي نمسحن😢وأمير يحبهن
فاطمة؛ ههههه يعني هسه انتي ضايجةة لان أمير يحبهن.. عادي حبي يرجعن من ترتاحين
إيه؛ الله كريم
نور؛ صباح الخير
إيه؛ صباح النور يله الخط وصل.. خلصت الامتحان وطلعت للخط بس ملگيت ابو الخط والسيارة مقفولة فه ضليت واگفة والبنات هم بعدهن مجايات.. رفعت راسي شفت شباب اثنين يباوعون عليه ويضحكون نزلت راسي بس ضلو يذبون حجي واني طنشتهم سويت نفسي مااسمع بس طوخوه ضلو يتغزلون بعيوني ومدري شنو استغفرالله گبر والله موت الكرفكم رفعت راسي وانطيتهم خزرة وهمه ضلو مستمرين.. اجة ابو الخط فتحلي السيارة وصعدت وبعدين اجن البنات وفاطمة بس تبجي... ولج كافي موتى نفسج شبيج
فاطمة؛ لج كلشي مجاوبت انطيت الورقة شخابيط بس الاسم صح😢شلون هسه اووف
إيه؛ لج محسستني نهاية العالم شبيج عود امتحني دور ثاني
فاطمة؛ لا هاي هيه معولت تخلص السنة انوب يطلعلي دور ثاني خرب حضي الاعوج
إيه؛ ضليت اهدي بيه لان هيه شاطرة وتقره بس هل الفترة تعبانة وصلنة دخلت للمطبخ گعدت عل الطاولة اشرب مي دخل احمد هستوه جاي من الجامعة
احمد؛ ها ولج بشري حمامة غراب
إيه؛ نحن لها اغاتي
احمد؛ اي عفية بالعودة
إيه؛ هاي عليمن عودة وضليت افر براسي
احمد؛ اكو غيرج هنا
إيه؛ ياا احمد شنو عودة.. عود صدك تحجي
احمد؛ ههههه اشاقة وياج لاتبجين
إيه؛ بعديش شلتني ورگعتني بهاي حجايتك
احمد؛ هههههه قابل مجذب اشو رايحة روحج وين ايه الباندا
إيه؛ حبجي والله اصلا من غير شي طافرة روحي وانوب زيدته عليه 🥺
احمد؛ كافي ولج هسة تخلص الامتحانات وترجعين فيل
إيه؛ لك انته شنو من بشر ماعندك ذرة رحمة بالموساة ساعة عودة ساعة فيل اسكت احسن... عفتة وصعدت وصدك ضايجة من روحي سبحت وصليت وگعدت أقره حتى غدا مااريد ضليت اقرة بعدين نمت گعدت ب٨ دخلت للحمام غسلت واتوضيت سمعت الباب نفتح گلت وحدة من البنات.. طلعت شفت أمير باوعلي وفتح عيونة بصدمة گلت شبي شايف گدامة بعدين تذكرت صايرة سعلوة😊.. اووف شگد مشتاقتلة ركضت حضنتة بس شو جامد.. أمير بيك شي
أمير؛ شو باوعيلي
أيه؛ وخرت وباوعتلة.. يحجي ويتلمس بيه مثل المتفاجئ
أمير؛ ايه حبيبي شبيج ليش هيج ضعفانة
إيه؛ ماأعرف وزني ينزل يوم وره يوم
أمير؛ من شوكت
إيه؛ تقريبا أسبوعين
أمير؛ ليش مارحتي للدكتور لو گلتيلي
إيه؛ ملحگت امتحانات ماما گلتلي اخذج وره الامتحانات
أمير؛ اني اخذج باجر
إيه؛ ماشي.. بس صايرة مو حلوة موو🥺
أمير؛ اي
إيه؛ ااا صدك اصلا أحمد هم يضحك عليه ويگلي عودة 🥺😭..
أمير؛ واني هم اضحك عليج اصلا انتي حلوة بكل حالتج وباجر نروح للدكتور وتصيرين احسن من قبل
إيه؛ وخدودي 🥺
أمير؛ هههههه هسة عفتي كلشي وركضتي عله خدودج
إيه؛ اي مو انته تحبهن 😢🥺
أمير؛ بس احبج أكثر..
إيه؛ واني هم ومشتاقتلك كوومة ليش طولت
أمير؛ شسوي بنيتي شغل...
إيه؛ اي بس مو هلگد أطول اسبوعين هواي والله
أمير؛ وعد ماطول بعد هلگد بعد شتردين
إيه؛ بستة بخده فديتك يبو عيون عسلل
أمير؛ حلو يعني جاي تتغزلين
إيه؛ هههههه اي بس قبل لاتتعمق خل انزل وانته أرتاح
أمير؛ ليش لا.. ليل طويل گدامنة
إيه؛ تو تو حب عندي إمتحان باجر.. عفته ونزلت لگيت أحمد گاعد ويه فهد بالصالة شافني وضحك
احمد؛ بس لا زعلتي ولج
إيه؛ اي وبعد لاتحجي وياي
فهد؛ افه انتم الزوج متزاعلين
إيه؛ اي لان يعيب عليه وعله شكلي ويگلي عودة ترضاه
احمد؛ يابه اشاقة وياج والله أصلا صايرة ابو بريص
إيه؛ اهئئ اني ياقرد اصلا غيران لان احلئ منك
أحمد؛ هسة تصالحنة لو لا
إيه؛ بشرط
أحمد؛ اهووو بدت المصلحة بس لاتحجين ادري شتردين
إيه؛ اي عفية ولاتنسى نبر وان واصلا جيب شكو شي بالأسواق ساعته عود نتصالح..
علي؛ اي احمد وياك لفاطمة هم
احمد؛ اي ورق واني اجيب لو تريد تقطني.. اشو مهندس وتكرف كرف لحگتني اني المگرود الطالب
علي؛ هاك يابه بس اسكت
احمد؛ لك عار مجدي وتشمر عليه الفلوس بس مقبولة منك اصلا خمسة هواي عود الفين الي
علي؛ لا ترجع الباقي غصبا عليك
احمد؛ هوه انته بخيل شيطلع منك
علي؛ هسه صرت بخيل لعد منو ذاك اليوم عزمك عل العشا ونزلك المطعم كله بس مو وجهه نعمة انته
احمد؛ يمعود نشاقة وين اكو بكرمك انته سبورتي بس عود عيدهه العزيمة
فهد؛ اني اعزمك ولايهمك
احمد؛ اي عفية عزموني ودللوني وارجعة الكم من اتوضف هذا ابوي جويسم ما ورا شي الله وكيلكم ميگول إبني الزغير خل اداري وادلله قحط كلما احجي معيرني بالسيارة عله يوم ادعمه واخلص منه
علي؛ ههههههههاي دباوع وراك
إيه؛ يمةةة فطست من الضحك جنت اباوع عليهم وهوه مندمج ويحجي وعمي واگف ورا وسطرة بالعگال وهوه طفر موتنة من الضحك😂😂😂خو علي وفهد صارو حمر من الضحك...
أحمد؛ صدك جذب بوية عگالك يرگص رگص
ابو أمير؛ ولك ناكر المعروف اني اعيرك بالسيارة
أحمد؛ جا مجذب شو كلما أجيك وگتلي السيارة
ابو أمير؛ خوش يصير خير حميد طلعت كلشي ماكو حتى الشهرية لنطيه الك بعد ماكو حتى تعرف قيمتي
أحمد؛ يابه بداعت أمي شگد تنطيني احجي گدامهم
ابو أمير؛ ٣٠ الف
احمد؛ ها سمعتو ٣٠ الف.. ولكم ٣٠ الف مااشتري بيه قميص مو انوب اعيش بيه شهر كامل الله لايعوزني لحد مشتغل بكرامتي أحسن..
ابو أمير؛ خوش بعد حتى ٣٠ الف ماكو طلعت مو خوش
أحمد؛ اخذهن يابة مااريدهن
علي؛ يهمس ل أحمد.. لك لعد منين تجيب الفلوس إذا عمي ينطيك ٣٠ الف ومسوي فضل عليك
أحمد؛ أشتغل
علي؛ من شوكت وشتشتغل
أحمد؛ أشتغل ويه صاحبي عنده محل ملابس بالمول
علي؛ هسة عرفت منين تجيب الملابس كل يومية شكل
أحمد؛ يابه بفلوس اشتريهن والله
علي؛ بس عفية عليك عجبتني معتمد عله نفسك واني جنت ضان السوء بيك واگول مرتاح ويكرف بالفلوس
احمد؛ هوه وين أكرف ورحيم وجويسم واگفين بالبلعوم...
علي؛ عمي يدري بيك تشتغل
أحمد؛ جا شلون متشوفة لازم ايدة ومجلب ب٣٠ يگلك هذا يشتغل شعندي منطي وكلما احاجي يگلي أريدك تعتمد عله نفسك...
....
نور؛ دا اقرأ ودگ الموبايل اخذتة واني عيني بالكتاب فتحت الخط وگلت.. الوو منو
دانيال؛ بعدج محافضة رقمي
نور؛ ها لاموهيج مسجلته بس فتحت الخط بدون مااشوف الأسم
دانيال؛ وشنو مسميتني
نور؛ هوه غير إسمك..شو ذب حسرة ليش
دانيال؛ بله گولي اسمي خل اسمعة منج
نور؛ دانيال
دانيال؛ اووف عله اسمي طلع حلو
نور؛ ليش اصلا هوه حلو من زمان منو سماك
دانيال؛ خالي
نور؛ امم حلوو تره
دانيال؛ يعني عاجبج
نور؛ أي من زمان.. عزا شحجيت اني.. احم قصدي سامعتة وعاجبني
دانيال؛ نور تحبيني
نور؛ تفاجئت بسواله وماعرفت أجاوب گتله.. انته تحبني
دانيال؛ اي ومن اول مره شفتج بيه دخلتي گلبي
نور؛ ضليت ساكتة بس جواي سؤال وأريد اسئلة اخير شي گلت خل اسئلة ولايضل ياكل بگلبي.. يعني نسيته
دانيال؛ منو هيه
نور؛ خطيبتك السابقة
دانيال؛ ومنين عرفتي بيه
نور؛ يعني بعدك مناسيه مو
دانيال؛ لاتحجين بكيفج
نور؛ لعد ليش منكرت وگلت نسيته
دانيال؛ نور احجي انتي شعرفج وشنو سمعتي
نور؛ مع السلامة عندي امتحان.. ضل يصيح واني سديته أكيد بعدهه يحبة ليش منكر الموضوع وليش ربطني بي إذا هيج ضليت ابجي عله حضي....
......
فاطمة؛ الكتب گدامي وبأايدي ببسي وأكل كيك ونساتل خبط وكل ماا اتذكر الامتحان ومجاوبت بي ازيد بالأكل من القهر وعلي دا يشتغل بس عينه عليه خطية يگول منين هاي المفجوعة أجت.. انوب جبت جلي واگرط بي وحدة وره الثانية خلصت ضليت ابحوش بالعلاگة وطلعت قطع ككو بطنة عسل هم اكلتهن بس انسحنت روحي ضليت اشرب سفن يعني مثل هل الفجاعة والخبط ماشفت أحمد ممخلي شي مجايبة واني اگرط ومملحگة رفعت رأسي شفت علي يباوعلي.... اكو شي حبيبي
علي؛ لا سلامتج كملي أكل
فاطمة؛ لا مااريد بعد حنزل أجيب لفة تريد
علي؛ انتي تعشيتي
فاطمة؛ اي تعشيت بس جعت.. شو هذا كاتم ضحكتة ويباوعلي..
علي؛ روحي أكلي مااريد اني..
فاطمة؛ نزلت سويت لفة دجاج وصعدت واني أكل بيه يعني صارلي ساعتين بس اكل وماقريت شي شبيه انسردت دخلت للغرفة.. ضليت واگفة وأكل وبيدي الكتاب..
علي؛ گعدي وأكلي لاتغصين
فاطمة؛ احجي وللگمة بحلگي..لا لا لازم اقرة
علي؛ حبيبي بيج شي شتحسين
فاطمة؛ أحس جوعانة
علي؛ مو بيدج الفة
فاطمة؛ ها اي صدك نسيت ضل يضحك عليه واني طنگرت خلصت الفه وگعدت يمة بس شنو أحس معدتي تگلب ولعبانة نفسي ضليت اشرب مي بعدين ماسيطرت عله نفسي وركضت للحمام وذبيت من راسي وطلعت شكو شي أكلته..
علي؛ طبعا يصير هيج اذا خبطتي خبط
فاطمة؛ يعني تحاسبني عل لگمة
علي؛ بابا منو محاسبج بس شجاج انهديتي بالاكل وتجيبين وتخبطين
فاطمة؛ شمدريني اكل ومااشبع
علي؛ دتعاي گعدي وشربي مي..
فاطمة؛ احم علي جيبلي لبن اشتهيته
علي؛ صدك تحجين لو تشاقين
فاطمة؛ اي والله شبيك احجي صدك
علي؛ ولج مو هستوج شربتي ببسي وسفن
فاطمة؛ خلص مااريد.. ضليت أقره همزين باجر اخير امتحان علمود اضل نايمة واشبع نوم وأكل هم😁..
.......
إيه؛ رحنه امتحنة اخر إمتحان وأخيرا كملنة ورجعنة واحنة نگمز ونور بس تهلهل هههه..
نور؛ هسة ارتاح گلبي واندليت دربي كللللوش
فاطمة؛ هههههه لازم نسوي حفلة اليوم
نور؛ اصلا نذرت اخر يوم إمتحان أسوي سهرة وحتئ حخابر هباوي علمود تحلو السهرة
فاطمة ؛ ههههه اي خوش بس دارينة بالاكل والحبشكلات
نور؛ انتي شبيج صاير همج الأكل
فاطمة؛ هوه اكو احلى من الاكل..
....
إيه؛ كملت الغداء وسبحت وبدلت حرورح للدكتور بس ضايجة من هذا وضعي وصلنة للدكتور وحتئ هوه استغرب من شكلي..
..... بابا من شوكت بديتي تخسرين وزنج
إيه؛ دكتور من اسبوعين يعني دااحس كل يوم افقد أكثر من كيلو وردت اثبت هل الشي وقست وزني وثاني يوم لگيتة نازل تقريبا كيلو
... حسب فحوصاتج العلاج صاير تأثيرة قوي للذلك راح نرجع عله علاجنة القديم وهذا الشي زين لأن ملتزمة بالعلاج وهسه جاي تصعدين خطوة خطوة وانشاءالله تتشافين بأسرع وقت
إيه؛ فرحت شكرا دكتور
.... بنتي أنتي من شوكت مزوجة
إيه؛ تقريبا اكثر من ٨اشهر
....زين بنتي صار عندج حمل او اسقاط
إيه؛ لا دكتور وأصلا ردت اراجع دكتورة نسائية
.... بنتي علاجج هوه مآثر عليج للذلك ميصير عندج حمل
إيه؛ يعني دكتور ابد ميصير عندي بعد
.... لابنتي بس اذا تشافيتي ونضفت معدتج من العلاج انشاءالله الله يرزقج للذلك بابا التزمي بالعلاج وبغضون أشهر انشاءالله النتائج تكون حلوة وعالية
إيه؛ انشاءالله.. طلعت واني معنوياتي عاليه وانشاءالله اتشافه واخلص ويصير عندي أطفال.. وأمير جان موجود بس محجة شي بس فرح بحجي الدكتور ورفع من معنوياتي..
......
هبة؛ دا اجهز نفسي اروح لبيت جدو البنات خابرني واصلا اني ضايجة وأريد اغير جو وأطلع من جو الامتحانات الكئيب لبست بنطرون ٩٠ ثلجي وقميص مخطط أبيض وأسود يصير ويه الخصر وحذاء أسود رياضي وحجل وكفيت الردان واكسسوارات ومكياج خفيف.. اني اهتم باأدق التفاصيل واهتم بشكلي كلش والي خلگ طويل بهيج سوالف اخذت الجنطة كتافيه سودة وخليت بيه ملابس لان مااعرف شگد ابقى وأخذت الفون ونزلت.. لاگتني ماما باوعت من فوگ لجوه واني وگفت وافتر واگلله.. شلوني كشخة
ام هبة؛ يادوب تضلين هيج تلبسين يايمة
هبة؛ شبي حتى مراضية علي
ام هبة؛ يمة شوفي شلون حاصرج وشوفي جسمج مبين ذاك هوه..
هبة؛ ماما مااعرف البس غير هيج متعودة وبعدين مو كل وحدة لبست ملابس مستورة معناه شريفة وماكو منه.. الشريفة بأخلاقة وشخصيتة... يله حب بيبااي وطلعت ركض حتى لاتفتح المحاضرة مالت كل يوم..وصلنة وبابا نزل قبلي ودخل اني ضليت بالسيارة لان صديقتي خابرتني خلصت ونزلت طبگت السيارة ودرت وجهي وشفتة طلع من الديوان هوه ضل يباوع من فوگ لجوه اني دخلت قبل لايوصل يمي ضليت امشي دخلت للمطبخ وسلمت ضليت واگفة احجي ويه ام ايه..ودخل فهد للمطبخ بس اني مباوعت علي اتجاهلتة..
ام إيه؛ محتاج شي يمة
هبة؛ شو هذا ضل صافن عليه وأم ايه انتبهت وگلتلي صعدي للبنات واني مشيت وهوه عيونة ليزر...
ام إيه؛ ليش تباوع يمة
فهد؛ خالتي مشفتي لبسه تره عيب والله عمتي متحاجية متفهمة يعني الرايح والجاي يباوع وهيه ممقصرة
ام ايه؛ يمة امه ماله شغل هوه ابوه ديمقراطي وهوه منطيه حريته ومايحجي شي وياه ومحد يدخل بيه غيره وهوه يحبة لان الزغيرة وروحة بيه وحتئ إخوانه مالهم سلطة عليه وأمه كلما تحاجية تگلله ابوية قابل للذلك متگدر تحجي شي وابوه رجال عصبي ميتحاجة..
....
نور؛ شنو هاي عيني طالعة حاته ولج
هبة؛ من يومي حاته
نور؛ عزا ولج شلون تمشين هيج بشارع والله اني أموت وماالبس هيج گدام أخواني
هبة؛ اهووو حتى انتي حتنطيني محاضرة.. والله العضيم متعودة مااعرف ألبس غير شي يعني جبت عمري البس براحتي ومحد يحاسبني وترديني هسه من كبرت اغير لبسي مااگدر..
نور؛ اممم كلامج هم صح يعني انتي طول عمرج لبسج بكيفج مو هسة ترحين تغيري
هبة؛ مو لو مو مو
نور؛ مو ههههههه..
هبة؛ صدك وين هذني
نور؛ وحدة بالدكتور وحدة مخمودة
هبة؛ لعد خل نطلع نتمشى بالحديقة.. نزلنة بالحديقة وضلينة نتمشى ونسولف
نور؛ ابقي هنا حجيب مي واجي
هبة؛ ماشي لزمت غصن بأايدي واگطع بي وافتر.. شفت فهد واگف يخابر درت وجهي ورجعت بس هوه صاح وراي..
فهد؛ اوگفي لحضة
هبة؛ نعم
فهد؛ منورة اليوم
هبة؛ شكراً
فهد؛ اني گلت بعد ماحجيت وياج راح تلتزمين
هبة؛ التزم بشنو
فهد؛ بملابسج
هبة؛ أريد اعرف ليش مغثوث من ملابسي
فهد؛ تردين تعرفين
هبة؛ ياريت والله.. رجع ليورة وباوع من فوگ لجوة وگلي
فهد؛ فهمتي نضرتي الج لو بعدج
هبة؛ لا
فهد؛ بابا فهمي تره الشباب لاعبالج بس يباوعون ولج يفصلوج تفصل ويتخيلوج بأشكال وألوان الأفكار الطايح حضه..
هبة؛ خجلت كلش من كلامة بس اني عنودية واكابر وگتلة... ميهموني سمعت ميهموني.. تقرب عليه ولزم أيدي قوي ويحجي وراص سنونة وبعصبية...
فهد؛ قسم بالله اذا مبطلتي هذا لبسج وطولت لسانج اسوي شي ميعجبج..
هبة؛ عوفني انتة معليك بيه ولاتدخل انته منو حتى تحاسبني أني أخواني محد حاسبني منهم..
فهد؛ لانهم عار وماعدهم غيرة عله عرضهم
هبة؛ مااسمحلك تحجي عله أخواني فهمت
فهد؛ وشسوين بله خوفتيني والله
هبة؛ فهد لاتدخل بيه يااخي شعليك البس بكيفي وأسوي ليعجبني انته ماالك سلطة عليه احجي بعصبية ومنفعله
فهد؛ حلو أسمي منج
هبة؛ لاناوي يجلطني اني وين احجي وشوف هوه يستفزني.. عوفني لايجي احد
فهد؛ شوفي راح اگلج شغلة زغيرة واذا انتي ذكية وتردين روحج سويهه احسلج..
هبة؛ استغفرالله وتالي يااخي
فهد؛ هه دخلين هسة تبدلين هذا لابسته لاقسم بالله تشوفين شي بعمرج كله مشايفتة..
هبة؛ ترك أيدي وأني دخلت جوه بس ليموت مااسوي ليريده لو اني لو هوه.. گعدنة بغرفة بيبي واجن البنات وسولفنة وبعدين كل وحدة گعدت عله صفحة وتلعب بموبايله واني دا ارزل ولد بالانستا اكل گلبي انطي بلوك ويرجعلي بغير حساب.. أنوب كلنه فزينة من صاحت بيبي علينه..
زهرة؛ ولجن مهجومات ما مليتن من هذا ليل نهار مخليات روسجن بي عوفنه گومن سولجن شغلة مشغلة لو اله اگوم اكسرهن براسجن
إيه؛ كل احنة ذبينة الموبايلات لان تسويهه اذا عوجيته شطولة وترگعة وتكسرة بمكانة وعله گولته كل وحدة گامت تسويله شغلة...
فاطمة؛ اليوم صديقتي شافتني تعبانة واگلله عله أعراضي هاي الفترة وهيه گمزت وگلتلي خاف حامل الصراحة اني أبد مفكرت بهاي السالفة بس نبهتني عليه وگلتلي حللي بالبيت وشوفي مخسرانة شي.. وهسة حايرة منو يجيبة الي مااريد اگول لحد ومااريد علي يعرف خاف يطلع ماكو حمل ويضوج.. بعدين اجتني فكرة اكو سوبر ماركت فتح برأس الشارع هاي الفترة گلت خل اگله وياخذني واشتري شغلات والگة حجة وأمر عل الصيدلية لان بصفه.. من اجة گلت خل احاجي.. علوش طلب زغيرون
علي؛ شنو
فاطمة؛ البنات يردن شغلات من السوبر ماركت هذا لهنا وگلتهلن اني احاجي علي وياخذني فدوة والله ضايجة ومختنگة
علي؛ ولج هوه براس الشارع ششوفين بهل الليل
فاطمة؛ عادي المهم أطلع ونروح مشي فدوة علوش عفية واني واعدت البنات
علي؛ الله يصبرني امشي لبسي عباية وتعاي
فاطمة؛ ياااي فديتك وضليت ابوس بي وبعدين رحت لبست شال وعباية عل السريع لان گال دقيقتين اذا متنزلين أبطل عاد اني بدقيقة كملت ونزلت ورا وأخذت طلبات البنات وطلعنة تمشينةاحنة شارعنة حلو بي أشجار وحدايق وهوه يرد الروح.. صدك علي وأريد امر للصيدلية ايه وصتني عله علاج اله
علي؛ انطينيا اني ادخل اجيبة
فاطمة؛ لا لا مو هوه نوعين وانته متعرف منو منهن
علي؛ وشبيج طفرتي
فاطمة؛ لا حبيبي متوهم... دخلنة وضليت افتر وأخذ بهل الحلويات ومملحگة
علي؛ يله فضيه تأخرنه
فاطمة؛ هاي خلصت.. بعدين رحنة للصيدلية اوف همزين اكو بنية موجودة نقذتني رحت يمه بس شو هاي تباوع وراي درت راسي شفته تباوع ل علي درت عليه گلتله.. عفوا
.... نعم تفضلي
فاطمة؛ أريد أختبار حمل.. راحت جابته واجت أخذت نوعين خاف واحد منهن غلط بعدين انطيتة الفلوس وهمستله... عيونج نزلية ولاتباوعين استحي هيه وجهه گام ينطي ألوان وبعدين جاوبتني وهيه رافعة حاجبة
.... عفواً وانتي شعليج
فاطمة؛ لا والله خاف متقبلين هذا زوجي اذا رفعتي عينج بعد افگسه الج..
.... هييي احترمي نفسج
فاطمة؛ ضربت الميز بأيدي وگلتلة هيي بعينج لاتخليني أمسح بيج الگاع.. اجة علي يركض لان صوته عله...
علي؛ فاطمة شكو
.... لو سمحت گول لزوجتك خل تحترم نفسه
فاطمة؛ انتي لحترمي نفسج ياممحترمة.. علي سحبني وطلعني وأني ارافس اريد اكفش شعفتة الصخلة احتريت كلش
علي؛ شبيج شهل التصرف فضحتينة گدام الناس
فاطمة؛ اسفة استاذ علي خربنة برستيجك
علي؛ مو هنا حسابج امشي يله صوجي اني مطلعج
فاطمة؛ ها صرت الغلطانة هسة موو
علي؛ صوتج لااكص لسانج
فاطمة؛ عفتة ومشيت قبلة والشارع فارغ محد بي واني أمشي سريع أريد أوصل حتى اكمل عركتي ويا واحلل هم بعدين فجأة طلعلي جلب من وره الشجرة ونبح بصوت عالي واني صرخت عااااااااا وضليت واگفة بمكاني حتى اخاف احرك راسي وهوه واگف گدامي وفاتح حلگة...صحت عليييي علييي فدوة وخرة راح ياكلني
علي؛ خليج حتى تتأدبين
فاطمة؛ عليييي وخرة والله راح اتخربط شوف شكلة يمةةةة... اجة علي وخله ايدة عله رأسه ويلعب بشعرة وشمرلة نستلة بعيد وهوه راح يركض وراه... درت عله علي وگتلة بسيطة هيج تسوي بيه يعني لو هاجم عليه شسوي
علي؛ لاتخافين ميهجم عليج مياكل بشر
فاطمة؛ باوعتلة بطرف عيني ومشيت دخلت للبيت انطيت العلاگة للبنات وصعدت نزعت الشال ودخل علي..
علي؛ تره لاعبالج نسيت شسويتي
فاطمة؛ يعني شنو تريدني اسكت وهيه تباوع عليك اكلتك بعيونة وفوگاه تتجاوز عليه يعني شنو قابل اصفگلة طبعا اسوي هيج وأكثر هم انته بس لو منطيني مجال جان سحلت الصيدلية بيه والله.. غثتني الحقيرة..... هوه يباوع وكاتم ضحكتة گتلة بعصبية اضحك ليش ضامة طبعاً عاجبك تباوع عليك ومرتك تتعارك علمودك موو... تقرب وحجة
علي؛ لهل الدرجة تغارين
فاطمة؛ وأكثر هم وأي وحده تخلي عينة عليك اخنگة بأيدي..
علي؛ اووف گلبي بس مو چنچ صايرة قاسية وشرسة..
فاطمة؛ رفعت حاجبي وگتلة هذا الموجود.. ودخلت للحمام قفلتة وراي وسحبت الأول وضليت انتضر وأروح منا وأرجع منا طلع الخط الأول طوخ والثاني فاتح ضليت شاكة سويت الثاني هم طلع الأول طوخ والثاني شوية شوية يطوخ منا لمن صارن اثنيهن طوخ كلش ضليت أضحك يعني حامل ضليت اگمز بعدين وگفت وگلت الحمدللة والشكر اووف شعور يجنن ياااي يعني حامل تذكرت ايه ودعيتلة من گلبي تعيش نفس هذا الشعور.. طلعت واني شاگة الوجهه وأضحك.. علي باوعلي بااستغراب وگلي
علي؛ هستوج تردين تخنگين أحد شبسرعة تغير مزاجج..
فاطمة؛ ضليت أضحك وگلبي يرگص من الفرح وگفت يمه وگتله.. احم عندي مفاجأة الك
علي؛ مفاجأة شنو
فاطمة؛ انييي
علي؛ احجي شبيج
فاطمة؛ گلت بسرعة.. علي اني حاملل..ضل يباوع بوجهي وبعدين ضحك وگلي
علي؛ متأكدة
فاطمة؛ اي اي متأكدة.. حضني وضل يبوس بيه..
علي؛ الحمدللة والشكر يعني راح اصير اب
فاطمة؛ اي واني أم
علي؛ ههههه احلئ خبر جنت منتضرة
فاطمة؛ يعني فرحان مو
علي؛ شلون لعد اكو واحد ميفرح بهذا الخبر
فاطمة؛ علي بس مااريد أحد يعرف
علي؛ ليش
فاطمة؛ ايه خطية أكيد تنقهر وهيه منتضرة تحبل من زمان واني مااريد هسه اگول خل يمر كم شهر يله بلكت الله يرزقة..
علي؛ فديت گلبج مثل متردين وانشاءالله الله يفرحة.. بس انتي ديربالج عله نفسج ماكو داعي أوصي..
فاطمة؛ إنشاءالله... نزلت جوه واني الفرحة بگلبي شعور حلو أنو اكو بطنج روح وعايشة جواج ولازم تعتنين بيه..
هبة؛ يله گايز خل نبلش السهرة
نور؛ يهووووو عاش
إيه؛ لاتنسن اهم شي الأغاني
هبة؛ أكيد حب.. صعدنة بالمقر مالتنة غرفة نور وفرشنة الأكل بالگاع وشغلنة الأغاني ونرگص ونصور ونأكل..
نور؛ يهووووو تعيش العزوبية والحرية
هبة؛ لاتكيفين بعد كم يوم تنكبسين وتطير العزوبية والحرية
نور؛ لعد خل اتونس هسة بحياة العزوبية..
هبة؛ هز بوية هز هلالالالا
نور؛ تعاي شبيج واگفة
فاطمة؛ لا لا مابيه حيلل اگوم خلني گاعدة واصورجن شتردن بعد
إيه؛ اي عفية خوش مهنة... ولج هبة بدلي ملابسج
هبة؛ مو هسة خل اخذ صور وارگص يله ولجن اني راحتي بالعشق البنطرون... هلا عمي 💃🏻
إيه؛ ههههههه خبالووو.. هلكنة من التگمز والهز وگعدنة ناكل ونسولف او نحش 😊
نور؛ نزلي هباوي جيبيلنة مي
هبة؛ ايبااه خاف مترضين مو بيتج گومي انتي جيبي
نور؛ والنبي رجلي توجعني ومابيه أنزل حبابة لخاطري عمي مو الخاطري لخاطر مكياجج اي شي عزيز عليج
هبة؛ مو علمودج حنزل لا.. لأن ذكرتي رفيق دربي وحبيبي المكياج 🥺
نور؛ 👏👏الللله اتأثرت بالمشهد
إيه؛ ههههههه كافي خبال
هبة؛ طلعت من الغرفة وأني ادندن واهز بجسمي بعدين وگفت وهزيت چتف واغني عروسة ومندمجة وصرت اسراء الأصيل... ومااحس اله صفگة وراي درت وجهي بسرعةة وصرت هل الگدوتني من الفشلة.. احم من انته شوكت هنا
فهد؛ من تمنيته رجل بيتي... هذا منو التتمنينه بله
هبة؛ هيج اغنية مو شرط لازم اكو شي
فهد؛ ليش مابدلتي
هبة؛ بكيفي.. اجة بسرعة عليه وسحب ايدي وجرني ورا واني ادفع بي وماكو دخلني لغرفته وقفل الباب اني صوفرت... فهد شبيك افتح الباب خل اطلع..
فهد؛ انتي جبتية لنفسج اني حذرتج وگتلج لاتتحديني بس انتي عنودية وتكابرين واني راح اكسرلج هذا العناد والكبريا الزايد..
هبة؛ فهد شبيك افتح الباب عفية لايجي أحد وتصير فضحية.. لاتتقرب فهد گتلك لاتتقرب
فهد؛ هه مااسمع شي
هبة؛ دموعي تجمعت بعيني واني اشوفة يتقرب عليه وبعيونة نضرة استهزاء واستحقار وعيونة تتجول عله جسمي... فهد عفية حباب خل اطلع.. شمرني عل الفراش وصار فوگي ويحجي بستهزاء..
فهد؛ بس اني مو حباب
هبة؛ انته شتريد مني وخر
فهد؛ أريد أكسر غرورج وعنادج
هبة؛ فهد فدوة وخر نزلن دموعي بس هوه ولااهتز أبد.. فهد إذا متوخر راح أصيح وألم البيت..
فهد؛ متگدرين
هبة؛ خلة ايدة عله حلگي قوي اريد اوخرة مااگدر سحب الشال وشمره وبأايده الثانية لزم أيدي وخلاهن فوگ راسي والثانية عله حلگي اني ابجي اصرخ جوه ايده اهز بجسمي أريد افك نفسي مااگدر اقوء مني... دنگ عليه ويباوع بعيوني وخله راسه برگبتي ويشم بيه اني زدت بالبجي والصريخ واحرك براسي....بعدين باسه قووي اني ضليت ارافس بقوة جوا وابجي واناشغ.. رفع راسه وباوع بعيوني واني اشوفه مغوش من البجي گمت اتوسله بنضراتي بس هوه رغم هذا تقرب عليه وجر إيده من حلگي واني گمت اناشغ واحاجي... فهد فدوة خل اروح عووفني الله يخليك
فهد؛ اذا سمعت عله صوتج وصيحتي الوف الشغلة براسج
هبة؛ فهد شبيك انته فدوة عوفني والله والله مااحجي لحد والله بس عوفني
فهد؛ هه اصلا متگدرين تحجين وهسة اذا سمعت صوتج اسوي أكثر..
هبة؛ دنگ عله وجهي واني مستمرة اناشغ وبالگوة اتنفس خله ايده عل القميص وبده يفتح بالدگم واني اتخبلت.. هئئ كافي فهد عوفني ابوس ايدك عوفني.. خله صبعة عله شفتي ويگلي اشش اني غمضت عيوني مااريد اشوف وجهه...
فهد؛ فتحي عيونج
هبة؛ فتحتهن گتلة عوفني فدوة كافي حرام عليك
فهد؛ولتسوينة مو حرام هذا درس الج حتى بعد توبين تلبسين هذا لبسج يعني افترضي واحد غيري وبهذا الموقف يعوفج لا طبعا ياخذ ليريده ويذبج باب اهلج بس البنية لساترة نفسه محد يتقربله ويطخة وقسم بالله اذا لمحت هذا لبسج بعد لاتلومين نفسج ارجع اكمل عليج بس المرة الجاية مااعوفج قبل ماأخذ لريده فهمتتتي..
هبة؛ هزيت راسي واني دموعي ماوگفت ابد وخر مني واني بسرعة گمت سحبت شالي وگتلة واني اباوع بعيونة... اكرهك ياحقير اكرهك وعمري مراح انسى هذا الموقف ولسويته بيه راح يضل طول عمري اتذكرة ويزيد كرهي الك.. طلعت بسرعة وگعدت وخليت راسي بين رجلي وابجي واناشغ واتذكر نضراته وكلامة وشلون تقرب مني وباسني الحقير لوثني 🥺😢😭.. مسحت دموعي وگمت دخلت للغرفة البنات رادن يفتهمن شبيه اني بس ابجي ومغطية رگبتي بالشال دخلت للحمام سبحت واني افرك برگبتي أريد اوخر الأثر ودموعي تنزل ويه المي نضراتة وشكلة ابد ميروح مني طلعت وبسرعة نمت...
..
روئ؛ بعد ماحجة وياي دانيال بالموضوع ضليت أفكر وقررت اردله خبر انو مموافقة بس هوه بعد مفتح وياي الموضوع لان فترة امتحانات ومشغولة بعد ماخلصت امتحانات ثاني يوم صاحني وگعدت يمه وگلي
دانيال؛ شوفي اني مافتحت الموضوع بعد گلت خاف يتشوش عقلة وعدهه امتحانات للذلك هسه اريد قرارج..
روئ؛ دانيال انته ربيتني عل الصراحة واگلك شنو المضوجني والمضايقني وشنو لريده ومااريده فه اني مااريد ازوج هسة وخاصة بهاي الطريقة وبدون حتى متاخذ رائي ومااعرف اسم الولد ولاهوه شنو ولاشايفته يعني هذا يسمونه بيع..
دانيال؛ روئ والله اني ماردت بهاي الطريقة بس اني انحرجت گدام الشيخ وماگدرت ارده واذا عل الولد تره اعرفة أحمد خوش ولد وتربية أمير وعلي العتماد
روئ؛ فتحت عيوني من گال أحمد.. گتلة أحمد
دانيال؛ اي رئاوي الشيخ طلبج ل أحمد واني اعرفهم واعرف اخلاقهم وشنو همه فه اريد يومين وترجعين الخبر عيب منهم صار هوايي من طلبوج واني ممرجعلهم خبر ورئاوي اريدج تفكرين زين ولاتنزلين رأسي گدام الناس..
روئ؛ گمت منه واني احجي ويه روحي أحمد يعني اني موافقت علي گام سوه هيج واني صح عندي مشاعر تجاهه بس مو ثابتة ساعة اگول احبة وساعة لا واني لهسة خايفة منه ومن علاقاتة وحياتة اني مااريد اورط روحي ويه واحد ابو بنات واتعذب طول عمري واعيش بالقهر ولااگدر هم انزل راس أخوي گدام الناس ويحجون علي ويگولون ماعندهه كلمة.. خلص اليوم واني طول الوقت فكرة تجبني وفكرة توديني ومنا امي تلح عليه وتگلي وافقي خوش ناس ولاتنزلين راس أخوج بس همه ميدرون شنو لبگلبي بس من حجي أمي اخوية مثل لنطاني بس هوه حس بالذنب واجة سئلني يعني اذا موافقت راح يحجون علي وعله سمعتة ويگولون مو رجال من حرگت روحي رحت خابرت نور... الوو
نور؛ هلا حبي شلونج
روئ؛ مو زينة نور انتي تدرين بالموضوع
نور؛ ياموضوع
روئ؛ مال أخوج وشلون طالبني بنص الديوان وگدام الكل ودانيال منطي كلمة واجاني يريد رائي واني مااگدر ارده لان كرامت اخوي راح تنهان.. نور ليش أخوج سوه هيج لان رفضتة يريد ينتقم مني تره الزواج مو إجبار
نور؛ لااجبار صار مو هل اني گدامج نجبرت عله أخوج
روئ؛ شنو نور شهل الحجي
نور؛ اي دا احجي الصدك اني هم اهلي جبروني عل أخوج وياما رفضت بس محد عبرني واحمد بعدين عرف واتعارك ويه أمير وگله تطلب اختة الي قبل لايعقد اريد اشوف هم يجبرهه مثلك بس الفرق احمد لهسة يحبج ويريدج اله ومايوم نساج ولازم ترضين بالامر الواقع لان بالاخير احنة ماالنه غير اهلنة فه انتي ارضي بقسمتج ولاتنزلين راس أخوج..
روئ؛ سديت الخط وضليت مصدومة من كلامة يعني طلعت مجبورة وأحمد سوه هيج كرد اعتبار اله ول اختة بس بعد مااگدر أرفض لان دانيال منطي حجايه گدام الكل ثاني يوم أمي هم بعدهه تگلي وافقي وافقي اخير شي گلتله موافقة بس خلصوني وصعدت ابجي ابد ماردت هيج يصير زواجي وخاصة من شخص لهسة مااعرف احبة او لا ولاواثقة بي ولااعرف اذا جان هوه الاختيار الصح الي ماادري ماادري هواي أفكار براسي وافكار مو زينة وماعرف شلون راح ادبرهه واخلص..

للقصة تكملة....
وشدعوه هلكد خصرچ يهد حيل"،🤍♥️
❤️❤️❤️🖤🖤🖤