The Long Lost Legendary Princess

Chapter 39

SECOND DAY

Isang araw na kaming naghahanap sa mga kaibigan ko at napakarami na rin naming nakasagupa na mga kakaibigang hayop sa kagubatan na ito,

"Sa himpapawid ko lang nakita ang malaki at mapanganib na hayop na iyon" Habang naglalakad napagkwentuhan namin ni Defian ang tungkol sa halimaw na umaalingid dito sa kagubatan dahilan kung bakit halos lahat ng pumapasok dito ay hindi na nakakalabas,

"Ano namang itsura nito?"

"Sa aking pagkakatanda, may mga malalaki at malalapad na pakpak ito. Mahaba  din ang kanyang buntot at ang apat na paa nito ay sapat na upang durugin ang malaking bato. Ang mukha nito ay nakakatakot dahil sa puting mga mata nito idagdag pa ang kanyang bunganga na nagbubuga ng apoy, minsan naman tubig o kaya hangin o kaya naman matutulis na halaman!" Napapailing na lang ako sa pagdedetalye ni Defian na may halong pag aksiyon,

"Nakakatakot talaga ito sa aking pagkakatanda din lahat ng tumitingin sakanyang mata ay nagigung bato tulad nito!" Agad niyang hinila ang mga halaman na nakatakip sa kung ano man dahilan ng aking pagkasigaw at pagkatumba,

"Aaaahhh" Pamilyar ang itsura nito,

"Nagiging puting bato ang kung sino mang mangahas na tumitig sa mga mata nito" Tumayo ako at naglakad dahan dahan sa pigurang tuluyan ng naging bato,

Pamilyar talaga ito

"Sa pagkakaalam ko tanging dugo lang ng isang Dyosa ang makakapagpabalik sa dating anyo ng taong naging bato dahil sa halimaw na iyon" Saan ko nga ba ito nakita?

"Lyla Wilty" I remembered. She's Lyla Wilty from Fyr Kingdom! Napaupo ako't napahilamos sa aking mukha tiyaka tinignan ang kasama, wag naman sana

"Hindi naman siguro mangyayari yung nasa isip ko ano?" Tanong ko sa kasama,

"Kaibigan mo sila paniguradong malalakas din sila kagaya mo" tumabi ito sa akin at nanatiling nakatingin kami sa dalagang tuluyan ng naging bato,

"May naaamoy ako binibini" Tumayo si Defian tiyaka sinundan ang kanyang naaamoy,

"Ano naman iyon?"

"Amoy dugo ng isang Robbefliogan" Napatayo na din ako at sinundan siya,

"Ano naman iyon?" Tumingin ito sa akin at nagkibit balikat na ikinataas ng kilay ko,

"Mukhang koneho na may mga pakpak ng isang paro-paro. Iba iba ang kulay ng pakpak ng mga Robbefliogan o kaya naman Flio, gaya naming mga Ros may mga kulay Pula, Asul, Abo, Berde, Puti at itim. Bihira lang ang mga kulay Puti at Itim" Paliwanag niya na ikinatigil ko,

"Delikado ang mga uring iyon hindi ba?" Tumawa naman ito dahilan ng aking pagtataka,

"Ang mga Flio ay ang pinakamababait na hayop dito sa kagubatan wag mo lang itong gagamitan ng iyong abilidad dahil magiging halimaw ito" Kaya naman pala,

"Ayon!" Agad tumakbo si Defian na sinundan ko naman,

"Isang puting Flio!" Sigaw niya habang buhat buhat ang duguan na Flio,

"Ibaba mo siya Defian" agad naman niyang sinunod ang aking utos at agad ko namang nilapitan ang duguang Flio,

"Kahinaan ng mga puting Flio ay ang apoy, bumabagal ang kanilang paggaling dahil dito" Nang tanggalin ko ang aking palad sa Flio wala na ang sugat nito,

"Ggrr!" Napatingin kami sa isang Flio na mukhang halimaw,

"Wag kang tatakbo Sam, kalma ka lang dapat" hindi ko pinansin ang sinasabi ni Defian at masuyong binuhat ang Flio na nakatingin sa akin,