بعد الحفلة خلصت اخدت رام كانت نعسانة حممتها ونومتها قبل ما تنوم نهائي ابتسمت وقالت
: بابا بحبك💚.
بست راسها وخدودها وقلت: وانا بحبك اكتر ي قلب باباك💛 ،، يلا نومي.
غمضت عيونها ورجعت نامت قمت نزلت اشوف ايان كانوا بلعبوا وبجروا وطلعوا الجنينة ابتسمت ليهم وقعدت مع ناس امي شوية و جاني جاري وهو ببكي: بابا بابا غصون.
شلته لحضني وقلت: في شنو ي بابا.
نزل ومسك يدي قال: غصون ما بتتكلم معانا تعال بسرعة.
مسكني مشيت لحقته وانا ما فاهم حاجة وصلت لقيت غصون دايخة على الارض وهم حولها بحاولوا يصحوها شلتها بسرعة وطلعت نور جات وانا ماشي وهي خايفة وبتنده ليها قلت: نور جيبي لي مفتاحي بسرعة.
قالت: غغصصون كويسة؟
- ح تكون كويسة اذا لحقناها سرعة.
مشت بسرعة وانا طلعت جمب العربية جات ومعاها امي مشينا المستشفى بسرعة دخلوها الفحص شوية والدكتور جاء طالع قال: وين ابوها؟.
كنت ح اتكلم نور قالت: ابوها ما هنا انا امها اتفضل يا دكتور بتي كويسة؟.
عاين لي وعاين ليها وقال: هي حاليا في غيبوبة انا شاكي في فشل في وظائف الكلى شوية والفحوصات تطلع ونشوف.
نور وقفت متجمدة ودموعها نازلة امي مسكتها قعدتها وهي بتستغفر مشيت الغرفة الدخلوها ليها الدكاترة كانوا معاها فضلت واقف برا وبعاين ليها جسمها كله اجهزة ومغمضة عيونها بتعب كأنها كانت شايلة كل هموم الدنيا على اكتافها💔.
الدكاترة اتكلموا وطلعوا خلوا الممرضة بتغير ليها في المغذي شوية والدكتور جاء ماري من عندي علشان يمشي ليهم لحقته بسرعة قال لنور
يا مدام المرض انتقل ليها وراثيا عندها في العيلة حد مريض بيه؟.
نور قالت بخنقة: ايوا انتقل ليها من ابوها وحاليا عمها معاه.
قلت: دكتور في شنو؟
الدكتور:للأسف طلع شكي مظبوط ومحتاجين متبرع لانو في وحدة بس الفشل و التانية بدت تتأثر جدا
انا:بس هي لسة صغيرة يا دكتور.
قال: زي ما قلت للمدام انتقل ليها جينيا
نور:دكتور عايزة افحص اذا في تطابق بيناتنا انا ح اتبرع ليها
امي:وانا كمان يا دكتور
الدكتور:طيب ي مدام نور اتفضلي معانا بس.
اشر لماما وقال: انتِ ما ممكن نسبة انو عمرك فوق المطلوب.
نور مشت معاه وامي لحقتها علشان ما تضيع شوية واريام وخالد جوا جارين انا ما كنت قادر اوقف على طولي ما عارف حصل لي شنو كنت ببرر انو دا احساس نور بس كأنه انا موجوع على غصون اكتر اريام قالت: رؤوف غصون صحت؟ طلع معاها شنو؟.
عاينت ليها بدموع وقلت: فشل في وظائف الكلى.
قعدت وهي بتسترجع
خالد:كيف يعني؟.بعدين عاين لاريام وعاينت ليه وهزت ليه راسها قال: الدكتور وين؟ ونور؟.
قلت بعد فترة وانا بقاوم: مشت الفحص لازم متبرع بسرعة.
مسك اريام من يدها وقال: طيب نحنا ح نمشي نجرب وح اشوف بنوك الاعضاء.
هزيت ليه راسي ومشوا طلعت تلفوني بسرعة وضربت لأي حد بعرفه وشفت الفحص في ملفاتها بس طلع صح فكرت ممكن اشتري بس ما لقيت حد اتطابق معاها مروا يومين على الحالة دي وما حد فينا نام نور حالتها كانت سيئة شديد وغصون ما صحت وحالتها كانت ماشة لأسوء وما لاقين متبرع ونور ما حصل معاها تطابق جهزت رام وايان الكانوا مصرين يمشوا معاي يشوفوها اخدتهم وطلعت نزلنا محل ورد اخدوا ليها ومشينا المستشفى لقيت الدكتور طالع من الغرفة قلت: دكتور كيفها الليلة؟.
هز راسه بﻷ وقال: فتحت عيونها بس لسة في حالة لا وعي واذا ما لقينا متبرع خلال يومين ما ح تكون حاجة كويسة.
الدكتور مشى دقيت الباب ودخلنا كانت نور قاعدة جمبها وبتحاول تتماسك قدامها ومعاها امي ايان ورام مشوا بسرعة وقفوا جنبها ابتسمت ليهم بدون ما تتكلم ختيت الورود وسلمت على امي ونور كالعادة ما اتكلمت معاي مشيت بست راسها ومسكت يدها قلت: شنو يا غصون بتخوفينا كدا.
قالت بتعب: عمو المخيف.
ابتسمت ليها نور قالت: غغغصصون اخيرا سمعتيني صوتك؟.
عاينت ليها وابتسمت قلت: انا ح اطلع ارجع رام وايان وراجع.
رام وايان باسوا يدها وقالوا: غصون ابقي كويسة بسرعة علشان اشتقنا ليك وعايزين ناخدك معانا روسيا.
ما فهمتهم قلت ليها قالوا شنو ابتسمت وهزت راسها بتعب ابتسموا وطلعوا قدامي بست راسها وقمت طلعت وصلت ايان ورام واريام كانت مستنية علشان تمشي معاي مشينا المستشفى لقينا غنوة ونادر هناك سلمت عليهم ونور جات طالعة وهي ماسكة نفسها بالقوة سلمت عليهم وغصون كانت نايمة غنوة قالت: رؤوف تعال معاي.
جرتني وطلعنا الجنينة قالت: ما لقيتوا متبرع لسة؟.
هزيت راسي بأسف قالت: نور ما طابقت؟
- امم ﻷ
-- وانت؟
- ما جربت اذا امها ما طابقت انا ما لي علاقة بيها ح اطابقها كيف؟
-- كيف يعني رؤوف جرب يمكن تكون متطابق ما معروف شنو البحصل
- غنوة..قاطعتني
-- دي حياتها وكل ذرة امل بتفرق ما ح تخسر حاجة انت يلا اطلع قدامي ما حاسي بوجعها؟ ولى ما شايف حالة امها؟.
ضحكت بوجع وطلعت خليتها
