نزلنا دخلنا البيت فتحت لي اريام ادتني ضهرها وقالت وهي بتضحك: ماما غصون نسيتي شنو كمان.
قلت: اريام حبيبتي!
عاينت لي بخلعة وهي بتبكي حضنتها علي شديد وبست راسها محمد ومزن جوا جارين مفكرني خالد سلمت عليهم وطبعا رام استلمتهم طوالي كنت بسأل اريام عنها وماما وخالد
قالت بتردد: ماما ح تجي بعد شوية مع نور من اسبوع وغصون علشان امبارح الخميس كانت هنا.
هزيت راسي بطيب عاينت لايان كان واقف ساي مشت بوسته وسلمت عليهم بعدين قالت: شنو انتوا احلويتوا كدا💚.
قعدنا نضحك رام قالت: ماما اريام وين غرفتنا انا عايزة ارتاح.
ضحكت وقلت: براك تعبتي نفسك يا بابا على كل يلا انا ح اوصلك.
هزت راسها وايان جاء معانا وصلتهم غرفة سديم والعامل جاب ليهم حاجاتهم وانا مشيت غرفتي ادوشت وطلعت سمعت صوت رام بتبكي من البلكونة مشيت ليهم لقيت ايان حاضنها وبهديها قلت بخوف بعد ضميتها علي: في شنو يا بابا.
مسكت علي وهي بتبكي زيادة ايان قال وعيونه مرقرقة: دخلت استحمت بعدين طلعت لم شافت صورك انت وماما بقت بتبكي من تاني
ضميتها زيادة وشلتها وقمت ومسكت يده معاي كيف نسيت انو الغرفة كلها صورنا وانا عارف رام لم تلاحظ بس شبهها بأمها بتبكي ومزاجها بتقلب لحزين اخدتهم غرفتي خليتها في حضني وهي بدت تهدا بست راسها ومشيت على شعرها وفضلت حاضنها بس ما وقفت بكى شلتها ونزلت مع ايان للمطبخ عادة لم تشرب حليب بالفراولة والبطيخ بتهدا لقيت الشغالة بتجهز في الغداء قالت
- عايز حاجة حضرتك؟
-- لا شكرا ح اعمل براي رام ما بتحب حاجاتها يعملها غيري.
ابتسمت وهزت راسها بطيب.
نزلت رام على الرخام وطلعت ايان جمبها وقطعت الفراولة والبطيخ وخلطتهم رام قالت بخنقة: بابا شيلني.
ابتسمت ليها وشلتها دست راسها على صدري كبيت ليها في الكباية هي وايان ودخلت الباقي التلاجة ايان اخد بتاعه بس ما شربه منتظر رام كانت لسة بتبكي مسحت ليها دموعها وسمعت صوت ماما من وراي التفت كانت جاية المطبخ دموعي نزلت و لم شافتني عاينت لي بدموع نزلت راسي منها وصلتني رفعت لي راسي وباستني قالت: كيفك يا رؤوف؟
- الحمدلله يا امي انتِ كيفك؟
-- بعد شفتك بقيت كويسة عارف؟.
عاينت لرام الكانت لسة شبه بتبكي وبدت تغفى ورجعت عاينت لي قلت: دخلتهم غرفة سديم بالغلط.
هزت راسها بحزن باست يدها وقالت: طيب نومها احسن ترتاح.
هزيت راسي وحاولت شربتها جزء من حليبها والتفت لايان لقيت ماما خلته يشربه وكان بعاين ليها بإبتسامة قلت: يلا يا بابا النوم
امي:رؤوف غديتهم؟
- اكلوا كيك في الطيارة كتير وما اظن ياكلوا تاني.
عاينت لأيان قالت: ايان ما عايز تاكل؟.
هز راسه بﻷ وقال: انا شبعان.
هزت راسها وباسته قالت: رؤوف نومهم وتعالي لي بعد ترتاح شوية.
هزيت راسي بطيب طلعنا غرفتي خليت رام في نصنا ايان بحب ينوم جمب رام حتى اكتر مني💛 فضلت امشي على وشها لحد ما نومتها وايان نام طوالي بوستهم ونمت معاهم صحيت المساء خليتهم نايمين استحميت ونزلت كانوا متلمين بتونسوا وبضحكوا مع مزن بتحكي غصون عملت شنو في المدرسة قعدت بإنتباه معاهم مع انو كنت متضايق كانت بتحكي وبنضحك غصون كانت مرحة ومشاغبة شديد زي رام بالظبط ومن حكاوي مزن اتشوقت اتعرف عليها💚!.
استأذنت وطلعت ﻷيان ورام لقيت رام في الحمام وايان بختار ليها في هدومها ابتسمت ليه وبوسته شوية ورام طلعت وهي بتنشف في شعرها جاتني جارية طلعت في حضني بوستها وقلت ﻷيان: يلا يا بابا ما تتأخر.
هز راسه ودخل الحمام كنت بنشف لرام في شعرها جاء طالع بمنشفته رام قامت تجيب ليه هدومه وانا نشفت ليه شعره وسرحته قلت: الحلق بوجعك؟.ابتسم وقال: شوية بس.
ابتسمت ليه لبس واخد رام ونزلوا قدامي غنوة ضربت لي اتكلمت معاها شوية وقفلت ونزلت كانوا مستنيني للعشاء قعدت اتعشينا وخليت الاولاد مع مزن ومحمد و مرام اولاد اريام وطلعت مع امي لغرفتها كان فيها لوحات حلوة شديد عاينت للتوقيع لقيتها نور قالت: همم كيف لقيتها.
هزيت راسي بمعنى حلوة قالت: ما نفسك تعتذر منها؟
- اعتذر منها؟ ليه انا الخنتها يا ربي؟
-- رءوف انت وصلت 34 سنة بس لسة ما عقلت ليه كدا يا ولدي؟.
ابتسمت وقلت: دا ما موضوع في حاجة مهمة؟.
هزت راسها وقالت: اطلع ارتاح.
بست راسها وقمت طلعت لرام وايان لقيتهم بتكلموا مع اريام عربي بس مكسر قعدت معاهم وبقيت بساعدهم تاني يوم صحيت لقيت ما حد صحى غيري بوست رام وايان وطلعت المقابر لبابا ربنا يرحمه
