مشيت ليها لقيتها ما قادرة تقعد كويس ساعدتها قعدت وشفت حرارتها ما كان في حرارة جسمها دافي جبت الضماد والمعقمات ومراهمها الخاصة وقعدت وراها مسكت فستانها قلت
فكيه لانو ممكن اشرطه عادي يعني وكفاية جنون ي سديم .
هزت راسها بﻷ قلت بخنقة
جروحك ح تلتهب ي غبية.
فكته شوية شوية نزلته ليها وبديت بضهرها ورقبتها بعد خلصت ليها كانت بردانة وما قادرة تستحمل اللحاف عليها قفلت التكييف وقمت ما لقيت ليها ملابس خفيفة مشيت جبت من تيشيرتاتي لبسته ليها وقلت
ح انزل اجهز ليك الفطور اذا حد جاك ما تردي ليه سامعاني؟.
هزت راسها طلعت من غرفتها ونزلت تحت جهزت فطور ليها وفتشت عسلها البتاخده الصباح ما كان في خليت الشغالة تطلع ليها الفطور وقلت ليها تمشي ليها بغرفتي وطلعت جبته ليها من الصيدلية ورجعت ما كان في زول صحى لسة طلعت ليها كانت متسطحة ومتغطية بوجع وما لمست الفطور ساعدتها قعدت واديتها من العسل وبديت افطرها هزت راسها بﻷ وابت تفتح خشمها قلت
سديم ما تجنيني وافتحي خشمك.
هزت راسها قلت
بطلي حركات الشفع كنت مفكرك كبرتي بس ﻷ انتي لسة زي ما انتي شافعة عنيدة.
عاينت لي وبوزت ومسكت يدي واكلت بعد خلصت ليها هي كانت ماسكة اللحاف لانها ما قادرة تتحمل لمسة عليها بعدته عنها وقمت قلت
اذا احتجتي حاجة اضربي لي ح اكون في البلكونة.
هزت راسها بطيب طلعت وخليت بابها فاتح علشان يدخل ليها هواء ادوشت وطلعت بالشورت وانا بنشف في شعري سمعت صوت حاجة اتكسرت رميت المنشفة وطلعت بسرعة الستارة كانت وقعت المزهرية اتنهدت براحة وعاينت ليها قالت
رؤوف انت كويس؟.
هزيت راسي وكنت طالع قالت
انا اسفة.
التفت ليها وقلت
- على؟
-- العملته
- وانا مالي؟ اعتذري من نفسك ما مني.
طلعت خليتها مشيت لبست وجبت ادوات النضافة والمعقم مشيت لميت شعرها ونضفت الدم من الارض وعملت شوية معطر وطلعت هي كانت شبه نايمة لم رجعت اشوفها كانت بتكح اديتها موية شربتها قالت
--ليه انت محمر كدا ي رؤوف؟
-همم؟
--شوف نفسك.
عاينت ليدي كان لوني محمر شديد قلت
-يمكن من الموية.
هزت راسها وقالت
-- كأنو دي اثار ضرب.
هزيت راسي بﻷ وقلت
- نومي بس.
قمت طلعت خليتها شوية وماما صحت جاتني قالت
-- صباح الخير💛.بست يدها وقلت
- صباح النور ي امي💛.
قالت
-- يلا انزل للفطور انا ح انادي سديم والحقك
- سديم فطرت ورجعت نامت
ابتسمت وهزت راسها قلت
- انا شبعان ح اكل بعدين
-- دا كلام شنو ي رؤوف لو ما اكلت ما ح اكل لإسبوع لانو انا عارفة انت ما شبعان انت بس ما عايز تاكل عايز تحرم نفسك من الاكل.
نزلت راسي وقلت
- خليني على راحتي ي امي م تخافي وعد ح اكل.
هزت راسها وقالت
طيب.
قامت طلعت اتسطحت بتعب كنت حاسي نفسي م كويس صحيت بعد فترة بصوت الموية فتحت عيوني بضيق سديم كانت بتخت في قطعة فيها موية باردة على راسي وبتمسح في حاجة على صدري انتبهت اني صحيت قالت
رؤوف حاسي بحاجة؟.هزيت راسي بﻷ قلت
في شنو؟.دموعها نزلت قالت
انت من امبارح الصباح نايم وما بتفتح وظهرت جروح عليك والدكتور جاء وما عرف سببها شنو وجوا دكاترة غيره وما عرفوا.
زحيت القطعة من راسي وقمت قعدت بوجع قلت
امي وين؟
بتتكلم مع الدكتور هي وضياء.
هزيت راسي قلت
انتي كويسة؟.فتحت ازرار التيشيرت بتاعي اللابساه علشان اشوف جروحها قالت
انا م عارفة.
مسحت ليها دموعها وقلت
قربي شوية ممكن.
عاينت لي بإستغراب قلت
اكتر.
قربت
تاني شوية.
قربت بست خدها وقلت
خلي بالك من نفسك
انت اللازم تخلي بالك مني.
ابتسمت بزعل وقلت
غريبة مش كنتي بتكرهيني؟ باست شفايفي وعاينت لي قلت
م تقربي علي ي سديم انا م عايز وحدي م بتثق فيني.
الباب فتح ودخلت ماما ومعاها ضياء
سديم مسحت دموعها بسرعة وقامت وقفت بعيد وما ركزت انو تقفل التيشيرت وصدرها كان مبين بالرغم من انو ضياء ما عاين ليها لكن انا اتضايقت امي كانت قاعدة جمبي وبتمشي على شعري قالت
انت كويس؟.
هزيت ليها راسي ضياء قال
شنو ياخ خوفتنا.
ابتسمت ليه وقلت لسديم
ممكن تمشي بعد كدا.
عاينت لي بزعل وطلعت ضياء عاين ليها ورجع عاين لي التفت لامي بإستغراب قالت
رؤوف حاسي بشنو؟.
هزيت راسي بﻷ لمست الجروح أنيت بوجع قالت
ابوك مشى يحجز للسفر كل الدكاترة الجوا م عرفوا حاجة والجروح الظهرت فجأة دي.
قلبي وجعني شديد قلت وانا مغمض عيوني بوجع
امشي شوفي سديم بسرعة.
عاينت لي بعدين هزت راسها وقامت طلعت ليها ضياء قعد جمبي وانا لسة موجوع قال
جروحك ليها علاقة بجروح سديم؟.
هزيت راسي بﻷ قال
طيب انت متأكد مافي حاجة بينكم؟.
قلت بعصبية
ضياء عايز تصل لشنو.
هز راسه بﻷ وفضلنا ساكتين ماما اتأخرت قلت
انت م عندك شغل؟
عندي بس م حبيت اخليك هنا لوحدك
انا كويس اذا عايز ممكن تمشي.
هز راسه وطلع وفهم انو م عايزه معاي قمت بوجع وطلعت لسديم عاينت من بعيد كانت بتبكي وامي بتهديها لاحظت انو في بقع دم على التيشيرت دخلت بسرعة وانا م قادر اتحرك كويس
