ميلاء شافتني جاتني جارية بخوف وطلعت في حضني ومسكت وشي قالت
- بابا رؤوف مالك؟ في شنو بوجعك؟.
نزلت وهي بتبكي ومسكت يدي
- يلا المستشفى يلا.
مسكتها
-- استني يا حبيبتي انا كويس دي الوان.
عاينت لي وقالت
- ﻷ دي ما الوان ما ممكن نعمل الوان جوة عيونا ابتسمت
-- ما تخافي ما في حاجة يلا انا ماشي الحمام خليك مع ماما.
هزت راسها بطيب قمت طلعت غرفتي دخلت الحمام غسلت وشي والصداع كان بدا يخف وعيوني محمرة حسيت بحرق على بطني طلعت القميص لقيت في اثر جرح جديد ظهر مع باقي الجروح الاستمرت تظهر من 7 سنة ضربت لغنوة قلت
- غنوة تعالي لي بس بدون الاولاد
-- طيب جاية.
قفلت منها شوية وجاتني طلعت ليها لم شافت شهقت وغمضت عيونها
-- دا شنو!.
هزيت راسي بما عارف لمسته زحيت يدها بوجع
-- ثواني اشوف دكتور م ينفع كدا
- ما ح يعمل حاجة نحنا لفينا العالم وما عرفنا حل
يمكن كلام الهندي صح.
هزيت راسي
- دي خرافة يمكن الحصل كان مجرد صدفة
-- بس يا رؤوف يمكن كلامه صح انت الجروح بتطلع فجأة وما بترجع تختفي ومن شهر وبقيت تبكي دم.
هزيت راسي بﻷ
- يمكن اكون بتحسس من حاجة؟ يمكن في حاجة جينية؟.
ميلاء كانت بتناديها
- امشي ليها سرعة ما تخليها تجيني انتِ عارفاها بتخاف كيف.
هزت راسها وطلعت شلت التيشيرت البنكهة سديم ضميته واتسطحت وانا بتجاهل كل الألام نمت بدون ما احس دا كان دواء كل نوبة بتجيني صحيت بيدين ميلاء الصغيرة على وشي ابتسمت ليها وقلت
- مساء النور ي سكرة.
ضحكت
-- بقيت كويس يا بابا؟.
هزيت ليها راسي
-- طيب يلا نتعشى علشان ماما قالت مواعيد الطيارة قربت
- طيب يا ميمو انتي انزلي وانا ح الحقك
-- طيب ما تتأخر.
هزيت ليها راسي ابتسمت ونزلت قمت ادوشت وفعلا كان باقي زي ساعتين لطلعة المطار نزلت ليهم كانوا مستنيني سلمت عليهم
نادر: شنو ح تسرق مننا المنكوشة دي
ميلاء:على فكرة ي بابا انا شعري ما منكوش شعري كيرلي.
قعدت اضحك وجريت ليها خدودها
نادر:محدد ح تعمل شنو لم ترجع؟
انا:امممم اول لازم اصالحها.
نادر بضحك : دي بعيدة شوية.
ضحكت
انا ادعي غنوة ما تكون عضتها وتقوم تموتني
غنوة:هيي.
قعدنا نضحك قلت لميلاء
- يلا ي منكوشة قومي اجهزي
* ح تلبس شنو يا بابا رؤوف.
- هزيت راسي بما عارف.
* اعرف ياخ.
قعدت اضحك
- يمكن بنطلون رمادي وتيشيرت ابيض.
هزت راسها بطيب وقامت جارية طلعت كنت عارفها علشان تجهز عايزة ساعة وحاجة علشان كدا خليتها تطلع قعدنا نضحك عليها شوية وبقت تنادي غنوة قامت ليها وهي بتضحك قمت كمان انا اجهز نزلت وهي لسة ما كان خلصت وغنوة معاها انا ونادر كنا بنتونس شوية وجات نازلة لابسة شورت رمادي وتيشيرت ابيض صفرت ليها وقلت
- اوبا شنو الحلاوة دي يا ميلاء
.قعدت تضحك لفيتها
- السودانين ح يسرقوك خليك هنا احسن.
قعدنا نضحك ودعت امها وهي مبسوطة ومشت حضنت ابوها غنوة جات حضنتني وقالت
-- خلي بالك من نفسك فاهم؟ واكل كويس واذا سديم زعلانة منك راضيها ما تزعل انت كمان نفسك..قاطعتها
- اشش اسكتي وصيني على ميلاء خلاص علشان نتخارج.
ضربتني
-- قليل ادب.قعدت اضحك
-- م ح اوصيك عليها ﻷنك اساسا خاتيها في اضانك.
قعدت اضحك
- غنوة انتي البيبي الجديد دا اثر معاك؟.
قعدت تضحك
-- ح تجي قبل ولادتي والا انا ما ح اولد سامعني؟
- انت تأمر ي حلو.
حضنتني
-- يلا ما تتأخروا.
هزيت راسي بست راسها وبوست زميد وودعت نادر ومسكت ميلاء وطلعنا في الطيارة ميلاء نامت وانا فتحت صوري مع سديم وصور عقدنا ابتسمت وضميت التلفون وانا بفكر كيف ح الاقيها لحد ما وصلنا صحيت ميلاء ونزلنا طلبت تكسي ومشينا البيت كان فاضي ميلاء كانت شبه نايمة شلتها طلعتها غرفتي قلت
- امشي ادوشي صحصحي وانا ح اجهز ليك احلى عشاء طيب؟.
هزت راسها بستها وطلعت جيت ماري بغرفة سديم مع انها مافي طريقي بس رجولي ودتني ليها الباب كان نص مفتوح شفت ابشع منظر اشوفه في حياتي ي ريت لو مت وم شفته💔 ضياء اخوي كان على سديم مرتي!💔
قالت:
ضياء شكلو في زول جاء خليني اشوف.
بعد عنها قامت وهي بتربط في فستانها لقتني في وشها عاينت لي بطريقة غريبة كنت بعاين ليها بحب وبكره بقرف بإحباط بانكسار ليه عملتي كدا ي حبيبتي ليه!💔
مشيت خليتها قفلت الباب علي وقعدت على الارض وانا برجف وما قادر اتنفس ميلاء جات مسكت يدي وقالت
- بابا رؤوف في شنو؟.
حضنتها وبقيت ببكي سديم جات داخلة بالبلكونة ميلاء بعدت عني ومشت ليها بعصبية
-- انتِ منو؟ ابعدي عن هنا.
سديم لزتها وميلاء ضربت يدها ودموعها نزلت قمت بسرعة ليها شلتها ومسكت يدها قلت
- اشش واجعاك؟.
هزت راسها بأي
- نمشي الدكتور؟
سديم:رؤوف خلينا نتكلم.
مسكت يدي الماسك بيها يد ميلاء
ميلاء بدموع: انا كويسة ي بابا.
هزيت ليها راسي ونزلتها
انا: امشي الحمام غسلي.
هزت راسها بطيب ومشت دخلت
