نزلت لتحت وفضلت اضرب فيه لحد ما وعيت بصوت ميلاء جارية علي وبتبكي ضمتني وقالت: بابا بابا رؤوف.
قعدت ابكي قلت: ميلاء ادخلي جوة.
هزت راسها : طلعني من هنا ما عايزة اقعد هنا😭.
عاينت لنادر شالها مني ايديني وكلي كنت ملطخ بدمه قمت طلعت بسرعة ومشيت وين ما عارف بس بالليل وقفت جمب البحر غمضت عيوني بتعب في شافع دق لي قزاز العربية نزلته ليه طلع من جيبه حبوب قال: عايز؟
- دي شنو؟.
ضحك : يعني ما عارف؟.
هزيت راسي : خلصني وقول انا ما فاضي ليك.
ضحك : دي اصلية ومريحة جدا وعليها خصم الليلة
#after 7 months..*
حياتي كلها بقت عبارة عن تعاطي كل انواع الممنوعات حبوب حقن بدر كل الانواع كلها حتى الكحول بقيت مدمنها بس كله ما كان بنسيني العمله فيها ولى حتى بنسيني ريحتها وما بوديني ليها كنت قافل علي طول الفترة دي ما عارف حولي في شنو لا عارف نهار لا عارف ليل
سمعت صوت الجرس برن صرخت للشغالة جات جارية بخوف فتحته وانا ماسك قزازتي وقاعد جاء داخل ابوي ونادر ابوي عاين لي بوجع وقعد بتعب : رؤوف انت نفسك ولدي؟.
ضحكت : اي انا نفسو رؤوف ولدك مافي حاجة اتغيرت.
نادر تلفونه ضرب شربت من المشروب وقلت
جايين فجأة غريبة يعني في حاجة؟.
نادر همس ليه بحاجة وطلع ندهت للشغالة
جيبي احلى ضيافة للحاج ابوي.
عاين لي بغضب وقال: انت بتعمل كدا ليه؟.
ضحكت ليه وقف على طوله وقال: اها وبعد سديم ما ماتت اها في شنو؟ الدنيا وقفت؟ البنات خلصوا؟.
ضحكت وقلت: ما كان في غيرها اساسا يعني اي خلصوا.
شال مني القزازة ورماها ضحكت وندهت للشغالة تجيب لي غيرها صرخ علي وقال: رؤوف اوعى اوعى
- اوعى كيف بدونها كيف يا ابوي
-- تعال معاي ح اساعدك.
مسكني من يدي وطلعني وانا بحاول اتفك منه لقيته جابني لمستشفى لعلاج الادمان و المشاكل النفسية عاينت ليه وقلت: منو القال ليك انا عايز اتعالج؟ انا عايز افضل متورط فيها كدا لحد ما اموت زيها
- وتمشي لربك كافر؟ هي مشت نضيفة انت تمشي وسخان؟ اولادك لا ام يلقوا لا ابو؟.
لم قال اولادك قلبي طعني وبكيت بكيت بوجع انا يادوب اتذكرتهم اتذكرت انها خلتهم لي ربت علي وقال: انت لازم تتعالج علشانهم علشان رام بالذات لانها عيانة يا رؤوف.
قلت بخنقة: بس بس هم هم لسة صغار
- فقدوا حليب الام الطبيعي الواقي ليهم + انهم اتولدي مبكرا
-- عايز اشوفهم عايز اتطمن عليهم.
ابتسم لي وضرب لنادر قال: رام بقت كيف يا نادر
-- لسة في وضعها والله مافي تحسن بس حالتها مستقرة.
قلت: انا عايز اشوفها
نادر:ما ح يدخلوك ي رؤوف وانت بالعامله في نفسك اذا قربت عليها ح تأثر عليها زيادة.
مسحت دموعي وقلت: نادر افتح الكاميرا عايز اشوف بتي من بعيد على الاقل.
اتنهد وفتحها كان واقف مع الممرضة البتغير ليها حفاضها وهي ماسكة اصبعه كانت صغيرة شديد والاجهزة حولها قعدت ابكي بوجع متضاعف نادر فك اصبعه شوية شوية وقال: ايان مع غنوة بترضعه بعدين بصوره ليك.
هزيت راسي الممرضة قالت ليه: كفاية اطلع بالتلفون علشان ما بتستحمل.
ابوي قفل منه وقال: علشانهم لازم تتعالج يا رؤوف انت ما لازم تظلمهم زي ما ظلمت نفسك.
هزيت راسي دخلني معاه وكان متفق مع الدكاترة بعد الدكاترة طلعوا مني باس راسي وقال: استودعك الله صاحب الودائع الذي لا ينسى شيئا ولا يضر بعد اسمه شيء وهو العلي الحفيظ.
اتحرك مني لم رفعت راسي كان وصل الباب قلت: ابوي شكرا.
عاين لي وقال: شكرا انك انت ولدي ي رؤوف الحنين.
طلع خلاني ببكي بوجع
الزيارة الكانت مسموحة ليه مرة كل اسبوع ما زي باقي المرضى كل شهر مرة كان مر اسبوع من انا دخلت المستشفى كان ما بدوا في العلاج كانوا بقيموا في مرحلتي عن طريق ردات فعلي كنت طول الوقت بصرخ عايز حتى لو ذرة لانو اتعودت عليهم وبقيت معروف المريض الخطير رقم 147 ابوي جاء داخل كنت قاعد ماسك راسي وما متحمل حاجة ابتسم لي وقعد جمبي قال: كيفك يا رؤوف
- ما قادر ما قادر طلعني من هنا ما عايز اتعالج خلاص طلعني
-- اصبر يا حبيبي اصبر الله ح يساعدك لو صبرت
- انا عايز اطلع من هنا كفاية خلاص
-- انت نسيت انك عايز تتعالج علشان اولادكم؟
- ما نسيت ما نسيت لكن ما قادر تعبت تعبت.
ربت علي وانا نمت من التعب صحيت بعد يوم لقيته مخلي لي رسالة فتحتها بخوف
" رؤوف ان شاء الله ح تبقى كويس وتلحقنا يا ولدي نادر اتشتت معانا بين شغله ومرته واولاده وضياء وابو سديم العيان" . عيوني اتملت غضب صرخت
- لسة عايش يعني.
كرفست الرسالة ورميتها وبقيت ما قادر اقعد بقيت بصرخ وبضرب الحيط لحد ما الممرضة ادتني مهدئ ونمت صحيت بعد فترة لقيت الرسالة مرمية على الارض مسكتها وعايز اكملها
