*At 5:00 Pm*
- ماما هي ما ح تطلع بالفستان دا
-- رؤوف للمرة المليون الجايين بنات بس
- اها ويعني تلبس كدا؟
نور: طيب ح اغيره ولى تعصب ولا حاجة
ماما:نور ما ح تغيريه استني.
عاينت بزهج قالت: رؤوف مشكلتك شنو انت
انا:ضيق وقصير.
كانت لابسة فستان زيتي بأكمام 3/4 وطوله 3/4 على جسمها وفيه خطوة وشعرها فاكي وكعب اسود كانت حلوة شديد شديد قالت: انا امها وحرة اخليها تلبس شنو
انا: انا راجلها والمسؤول عنها.
قالت: رؤوف بدون نقاش و بطل جوطة خلاص.
مسكتها وطلعوا خلوني واقف بعصبية زي 3 دقايق والباب فتح وجات نور بإبتسامة مسكت يدي وقالت: ايان ورام هنا؟
- في غرفتهم.
هزت راسها وابتسمت وقربت علي ولفت يدي عليها وختت يدها على خدي وقالت: اسفة اذا عايز ح اغير اقنعت ماما ريل
- همم خلاص.
باستني بعد بعدت عني كانت ماشة جريتها وقلت: استني استني
- رؤوف تحت مستنين
- تحبي تخليهم يعرفوا حصل شنو يعني؟.
بستها بسرعة وقلت: تعالي اظبط ليك روجك
- طيب سرعة.دخلنا الغرفة ظبطت ليها وقفت في التوليت وشالت العطر ختت منه ضميتها وجبت شعرها بالجنبة وبست رقبتها مسكت يدي ايان ورام جوا جارين وهم بضحكوا مسكوا على رجولي فكيتها وقلت
- ثقيلين زي ابوكم عارفين؟.
نور قعدت تضحك وقالت: يلا انا اتأخرت.بست خدها وحصنتها وقلت: ربنا يحفظك وخلي بالك من نفسك.
هزت راسها بطيب ونزلت شلت ايان ورام وقعدت العبهم واشتغل شوية
المساء ماما ونور واريام جوا طالعين قعدنا اتعشينا وكنا بنتونس عادي ماما واريام بعدها نزلوا نور مشت المطبخ تعمل حليب الاولاد شوية وجاتني قالت: رؤوف حليبهم خلص حسي عملت ليهم بس الصباح لم يصحوا ما ح يكون في
- همم طيب ح اقوم اجيب
-- طيب.بوستهم وطلعت اتأخرت شوية وانا بشوف في الصيدليات رجعت البيت وقلبي واجعني لقيت البيت هادي وايان ورام نايمين دخلت الغرفة شوية شوية لقيت نور بتبكي وبتبكي شديد قعدت جمبها وشلت راسها في حضني وما اتكلمت معاها مسكت يدي بقوة مشيت على شعرها وطلعت ليها الحلق قالت: رؤوف ممكن امشي لبابا شوية؟
- ﻷ ما ممكن
-- رؤوف وحب النبي عندك خليني امشي ليه
-نور وانا اضمن كيف انك ح تكوني كويسة؟ ها؟
-- مش انت بتحس بي؟ اول ما تحس اني ما كويسة تعال اخدني
- انتِ عايزة تخليني انا والاولاد برانا ليه؟
-- انا عالة عليك ما اكتر يا رؤوف
- نور انتِ جنيتي؟ ليه بتقولي كدا؟.
ما ردت قلت: نور قولي في شنو حبيبتي ما تبكي.
مسحت دموعها وقلت: همم مستنيك
#*Fla$ Back..*
اريام:نور تعالي معاي اشوف محمد اذا صحى
انا:طيب يلا.
قمنا طلعنا فوق لقيناه نايم ونحنا راجعين بنتونس سمعته ببكي اريام رجعت ليه وانا كملت طريقي كان فضل صحبتها واختها بس وماما ريل في الجنينة معاها وحدة صحبتها لم وصلت سمعتهم بتكلموا
صحبتها:ما شاء الله نور جميلة شديد وانثى بمعنى الكلمة.
اختها ضحكت وقالت: امم امم وانوثتها دي ما قادرة تكملها ليهم سنة الا وما قادرة تجيب ليه بيبي في حين سديم بالغلط وجاتو حامل ودي هو حتى ما اظن بقرب عليها
#*Back...*
كانت بتحكي لي وهي في الحمام قلت: وانتِ بتبكي علشان كلامها؟ نور انتِ شايفة نفسك كدا؟ نور انتي بتعملي كل مسؤلياتك وحتى اكتر انتِ ما شايفة نفسك بعيوني ليه؟ انا ما بقدر اعاين لغيرك وما لقيت غيرك فهمتي؟ ويلا اطلعي انا عايزك ثواني.
شوية وجات طالعة ووشها محمر من البكا مسحت ليها دموعها وبست عيونها قلت: ما عايز اشوفك بتبكي يا حبيبتي.
شلتها ونزلتها على السرير وضميتها قالت: ح تخليني ولى ﻷ
-طيب بس تاني يوم برجع اخدك
-- طيب خليهم يومين ي رؤوف انا اشتقت ليه شديد
- طيب بس اتأكدي اذا الوضع ما عجبني ح اخدك وارجع
-- طيب.
بستها قالت: ح اقوم اغير.
جريتها وقلت: خليك ياخ كفاية من الصباح مافي انتِ.
ضحكت وقالت: م ح اتأخر.
فكيتها قامت غيرت وجات ضميتها ونمنا صحينا بصوت رام بتبكي قالت: رؤوف قوم شوفها بسرعة.
قمت بسرعة لقيتها بتبكي لم محمرة وايان نايم شلتها قلت: في شنو ي بابا.
لقيت نور جاية علينا لم شافتها رفعت ايدينها ليها وقالت: ماما ماما.
نور شالتها وباستها قالت: رام بطنك واجعاك حبيبتي؟.
رام ختت راسها على رقبة نور وهزت راسها بﻷ نور اشرت ليها على راسها قالت ﻷ برضو وبوزت وشها نور باستها وقالت لي: رؤوف في حليب جاهز جيبه ليها
- طيب.
دخلوا الغرفة انا مشيت اتطمنت على ايان وجبت الحليب وجيت لقيتها في حضنها ونور بتمشي على بطنها مسكتها بزتها ونور غطتها كويس قالت
- شكلها جاعت ﻷنها ما اكلت كويس
-- امم.
باستها وقالت ليها: أمو عايزة تنومي؟.رام غمضت عيونها قلت: همم شكلها.
لعبت على شعرها لحد ما نامت ورجعنا نمنا
