*الى ضبابي كوني قوية ف الحياة كالبحر لا تنتظري الموج ليحملك كوني موجة شاهقة كالجبال اصدمي وتبعثري حيثما شئتي ف انتي حرة...*
*after 7 years*
غنوة كانت بتنادي
- رؤوف يلا انزل الاكل برد
-- نازل يا غنوة اصبري
- انت بتقول كدا ليك قريب نص ساعة.
قعدت اضحك وفتحت الباب لقيت ميلاء في وشي قالت بهمس
* بابا رؤوف ماما ح تموتنا انا وانت يلا نهرب.
قعدت اضحك
-- حتى انتِ ح تموتك؟.
هزت راسها غنوة نادت
- ميلاء.
التفتت لي بخوف وقالت قلت ليك ي بابا رءوف😨.
قامت جارية لحقتها
-- يا بت انتِ ح تضيعي الفطور كدا والله فطور امك ما بتفوت يلا.
نطت في السرير
* ﻷ ﻷ ما عايزة.
ضربت راسي ومشيت شلتها
-- ح نتأخر وح تجينا هي احسن ننزل برانا.
هزت راسها بطيب نزلنا قعدتها في كرسيها وبوست زميد غنوة جات طالعة قالت
- مسخنة الاكل مرتين انا بسببكم الجوز
-- مفروض تشكري ربك انو بتك طالعة لخالها
- ﻷ انا مفروض ابكي علشان طالعة شبهك
ميلاء:هيي ماما بابا رؤوف ماله معاك
قعدت اضحك غنوة ضربت يدها في راسها وقالت
- شايف؟
زميد:ميلاء ما تقولي لماما هيي.
بقوا بحمروا لبعض طول الفطور وانا بضحك عليهم غنوة قالت
- انت وميلاء اتأخرتوا يلا اتخارجوا يلا.
شلتها وقلت
-- يلا يلا كلام ماما صح.
شلت شنطتها وبست غنوة وقلت
- ح اوصلها وارجع عايزك.
هزت راسها بطيب طلعنا وصلتها مدرستها ورجعت البيت غنوة كانت شغالة في اللابتوب وزميد بلعب بالايباد قالت
- همم في شنو خوفتني.
قعدت ومسكت نضارتي في يدي
-- عايز ارجع.
ضحكت
- وصلت اعلى حاجة خلاص وما قادر تستحمل السنة الباقية؟.
هزيت راسي ضحكت وقامت حضنتني قالت
- كان على الاقل تستنى ولادتي ي رؤوف
-- انتِ باقي ليك 4 شهور ياخ
- ﻷ انت شكلك مستعجل شديد.
حمرت ليها
- على كل بالسلامة ان شاء الله بس كان نفسي امشي معاك💔
-- ما تخافي انا ح ارجع قبل ولادتك يا غنوة💚.
ضميتها
- انا ح اسافر بالليل.
قالت بزعل ليه بالسرعة دي
- علشان اجي بسرعة.
تلفوني ضرب كانت ميلاء رديت ليها قالت
* بابا رؤوف الاستاذة غايبة ينفع تجي تاخدني؟
- ينفع ونص يحبيبتي ثواني واكون معاك.
غنوة عاينت لي بإستغراب قفلت منها وقلت
- دي المنكوشة ح امشي اخدها استاذتها غايبة.
هزت راسها بطيب قلت لزميد
- رايك شنو يا زيزو نمشي نجيب ميلاء.
هز راسه بأي وقام جاري ضحكت وطلعت وراه مشينا جبناها ورجعنا البيت غنوة كانت بتجهز لي في حاجاتي شلت من يدها وقلت
- انتِ ارتاحي نسيتي الدكتورة قالت ليك ما تتحركي كتير؟.
ابتسمت لي
-- انت جاهز؟.
هزيت راسي
-- قصدي انت ح تقدر تلاقيها جاهز ليها؟.
ما رديت
-- خليك مستعد للأسوء سديم مليانة عتاب ليك يا رؤوف
- عارفة يا غنوة من 7 سنة انا ما شفتها وما اتكلمت معاها بس لسة متذكر ابسط تفاصيلها كله محفور هنا في نص قلبي بالضبط ي غنوة.
ختت يدها على خدي ودموعها نازلة
- انا بحبها بحبها اكتر ما تتصوري.
هزت راسها بعارفة.. نزلت راسي علشان ما تشوف دموعي رفعت لي راسي
-- ماف داعي تخبيهم انا بسمع كل يوم وانت بتنادي بإسمها يا رؤوف من وانت مراهق من 7 سنة لحد ما بقيت راجل يا رؤوف.حضنتها
- ح اشتاق ليكم.
قاطعنا صوت ميلاء
* بابا رؤوف انت ماشي وين؟
غنوة:مسافر يا ماما.
عيونها اتملت دموع وقالت
* ﻷ م تمشي.
ابتسمت وقعدت على الارض
- كم اسبوع وبرجع.
هزت راسها بﻷ
* ما تمشي ما تمشي.حضنتها
- اشش اهدي يا حبيبتي.
بكت زيادة
* بابا رؤوف ما تمشي.
فكيتها
- رأيك شنو تمشي معاي طيب؟.
عاينت ﻷمها
- خليك من ماما انتِ عايزة تمشي معاي لماما ريل؟.
هزت راسها بأي التفت لغنوة
* همم ي ماما موافقة ولا ﻷ؟.
ابتسمت وقالت
-- طيب بس شوفوا نادر على كل هي ما شغالة مدرسة خلال الشهر دا.
- ونادر م ح يعترض انا عارف.
ميلاء قعدت تنطط وترقص ضحكت
- يلا غرفتك وح اجي اساعدك تجهزي حاجاتك.
هزت راسها وقامت جارية غنوة قعدت جمبي وانا بجهز في حاجاتي بعد ما خلصت ضربت لنادر كان في الشغل ووافق على انو ميلاء تمشي معاي غنوة نزلت توري الطباخ يجهز الغداء شنو وانا مشيت لميلاء جهزت ليها شنطتها وحجزت ليها معاي كانت مبسوطة وبتضرب لصحباتها وهي بتنطط وبتضحك ضحكت معاها واخدتها ونزلنا تحت قعدنا نتونس كلنا غنوة قالت
-- انت مقفل المختبر الليلة؟.
هزيت راسي
- همم وعندي صحبي ح يمر كل يوم ويسجل التطورات في العينات.
هزت راسها
-- ربنا يوفقك.
مسكت راسي بوجع فظيع نزلت راسي شوية وفي دمعة دم نزلت غنوة جات قعدت جمبي بسرعة ورفعت راسي قالت بخوف
-- رؤوف انت بتبكي دم ككيف؟ في شنو؟ حاسي بشنو يا رؤوف.
هزيت راسي بﻷ
- دي نفس الحالة ي غنوة ما تخافي مافي حاجة بتبكي
-- كيف ما اخاف يا رؤوف وما اتعرف عندك شنو والسبب شنو.
نضفت لي عيوني
-- قوم غسل.هزيت ليها راسي وقمت
