.بعد اتغدينا قمت طلعت بلكونتي انا وهي كانت قاعدة بتقرا هزيت ليها راسي بإبتسامة عادية ودخلت رسلت ليها الركوردات وطفيت الاضوية وعملت المنبه علشان يصحيني بس صحيت بصوتها فتحت عيوني كانت واقفة بعيد قالت
رؤوف يلا اصحى من فترة المنبه قفل وانت ما صحيت.
هزيت راسي بتثاقل وقمت قعدت وهي لسة واقفة بتوتر ابتسمت وقلت
اتفضلي ممكن تمشي.
ما ردت ونزلت راسها قلت
صح واقفة قريب لسة ممكن تبعدي اكتر بالقرب دا انا بقدر اوصلك بعدين انتي صح خايفة اقرب عليك وارميك؟ علشان كدا واقفة بعيد؟.
قمت مسكتها من اكتافها بكت بوجع وما ردت قلت
طيب يا سديم طيب.
دخلت الحمام ادوشت وانا معصب وطلعت كانت مافي رجعت شعري من عيوني واخدت بندول ونزلت بابا كان قاعد قعدت جمبه وقلت
بابا انا عايز امشي بيتي الجديد ممكن؟
ليه ي رؤوف؟ وسديم صحبتك ح تخليها؟ بعدين هنا مالو؟
عايز اركز وبعدين سديم تخصصها ما نفس تخصصي ونحنا بدينا نتونس ف أحسن نتفصل.
هز راسه وقال
بس اختك تمشي معاك
طيب ح اخد معاي اريام غنوة راجلها كم يوم ويكون هنا.
هز راسه بطيب ماما قالت
تاخدها وين هو انت ماشي وين؟.
اتنهدت وقعدتها وقعدت على رجولي ومسكت يدها قلت
يا ماما انا ح امشي بيتي فترة مؤقته
وهنا مالو ي رؤوف
مافي حاجة يا امي لكن عايز اقعد براي فترة
طيب انا ح امشي معاك.
هزيت راسي بﻷ وقلت
سديم ح تخليها لمنو؟
طيب توعدني انو كل يوم تتكلم معاي وتطمني؟.
بست يدها وقلت
وعد.
مشت على شعري استأذنت وقمت طلعت جهزت حاجاتي وقلت لأريام تلحقني الصباح ودعتهم وطلعت بدون ما سديم تكون عارفة عدت فترة الامتحانات بدون ما نتكلم انا وهي ابدا رجعت البيت وانا مقرر اقرا الجامعة في روسيا واعقد على سديم على بال امشي وارجع وانا ما ح ارجع قبل 8 سنة بس ما عندي استعداد اخليها لغيري سلمت عليهم وكانوا عاملين لينا بارتي مع بعض شلت بت غنوة وبقيت بلعبها وهي بتضحك غنوة قالت لسديم
سوسة ح اعذبك شوية جيبي حليب المنكوشة دي من التلاجة خلي رؤوف يديه ليها.
هزت راسها وقامت تجيبه شوية ومدته لي شلته منها وبوست ميلاء وقلت
حبيبة خالو جاعت صح؟.
جرت لي انفي وقعدت تضحك شلتها وطلعت الجنينة اديتها حليبها لقيت بابا بتكلم في التلفون مبسوط شوية وقفل وجاني قعد معاي كنا بنتكلم عادي وبنشاغل ميلاء قلت
بابا فكرت في الانا قلته ليك؟
انا موافق ما عندي مشكلة وانت راجل وزي ما قلت لازم تبني نفسك بنفسك بس امك هي المشكلة واقناعها علي لو وافقت بشروطي
شروطك؟
ح تسمعني بدون مقاطعة.
هزيت راسي قال
ح تعقد انت وسديم دا واحد
بس..قاطعني
اتنين ي رؤوف ح تاخدها معاك
بابا هي مخططة تقرا الجامعة مع اهلها في تركيا انا ما ح اخدها معاي
يعني موافق انك تتزوجها؟
ما عندي مشكلة اذا هي وافقت
طيب تمام.
قام وانا قمت دخلت ميلاء ﻷمها واستأذنت وطلعت لقيتها داخلة على غرفتها لم شافتني دخلت بسرعة اتنهدت ودموعي نزلت مسحتها بسرعة ودخلت طلعت البلكونة كانت واقفة على حافتها زي ما بتحب عاينت لي والتفتت قالت
امتحنت كيف
همم كويس وانتِ
الحمد لله.
هزيت راسي وقلت
بقيتي كيف.
سكتت مسافة بعدين قالت
كويسة.
نزلت وقالت
عن اذنك.كانت ح تمشي جريتها من يدها وقلت
انتي لسة مصرة انو انا ح اتخلى عنك؟.
ام ردت قلت بزعل وانا ضاغط على اسناني
مصرة يعني؟.
برضو ما ردت فكيتها بقوة وقلت وانا عروقي ظهرت من العصبية
لم كنا هنا وبديت اتلمسك واكشف عن جسمك ولم دخلنا جوة واتماديت.
جريتها علي وختيت يدي على بطنها وقلت
ولم زرعت طفلي في بطنك وفي رحمك بالضبط ،، كانت وين فكرتك دي؟ همم كانت وين؟ ولا انتِ موافقة اني اتخلى عنك؟ .
نزلت عيونها وفضلت تبكي فكيتها وقلت
ادخلي غرفتك قبل افقد اعصابي.
ما ردت صرخت عليها
قلت ليك ادخلي.
قامت بخوف بس اتماسكت وقالت
انت ما رؤوف الانا بعرفه انت انسان تاني انت اتغيرت يا رؤوف ما نفس الانا حبيته انا بقيت ما قادرة اعرف انت بتفكر في شنو ولا ح تعمل شنو وعملت القلته بالظبط اتخليت عني بمجرد كلمة اتقالت وحصل بالظبط يعني لو كان البيبي دا لسة في كنت ح تفضل؟ ما كنت ح تفضل بطريقتك دي رؤوف انت اخر مرة سألت علي متين قبل شهر؟ وانا الكنت حامل بولدك ي رؤوف؟.
مسحت دموعها وقالت
انا بكرهك ي رؤوف بكرهك.
دخلت غرفتها بسرعة وهي بتبكي كلامها فضل يتردد لي في راسي صرخت بوجع واترميت على الارض حسيت بحد خت يده على كتفي وقعد جمبي التفت كانت امي ختيت راسي على كتفها وقلت
انا تعبان تعبان يا امي.
مشت على راسي وقالت
استعين بالله ي رؤوف استعين بالله
سكتت مسافة وانا بقاوم دموعي وقالت
سديم ما نفسها سديم الانت بتعرفها لانك شفت جانبها الانثوي الرقيق انت ما شفت قوتها غير لم غلطت عليها يا رؤوف
