مشيت شوية شوية الوقت كان بدري وداب الشمس بتطلع عاينت من بعيد نور كانت واقفة مشيت وانا متجاهلها كانت مدياني ضهرها وكالعادة مضوية وجنبها غصون غصون كانت بتشبهها شديد حتى طريقة قعدتها ورفعتها ﻹيدينها كانت مغمضة عيونها ملامحها كأنو شفتها قبل كدا بس ما حصل شفتها غير لم اتولدت كان اي صورة هي فيها بتخطاها بدون ما افتحها قعدت زي 25 دقيقة بدعي فتحت عيوني لقيتها بتعاين لي بإندماج بعدين ابتسمت كنت ح اتكلم اشرت لي علشان ما اتكلم رفعت ليها حواجبي قالت بحركة شفايفها: ما صح ماما بتدعي.
ابتسمت ليها ومديت ليها يدي وعاينت لنور ورجعت عاينت ليها مسكت يدي وطلعنا جنب الباب قالت: اسمك منو؟ وليه بتجي هنا عند جدو؟
- جدو؟.
هزت راسها وقالت: ابو بابا..
سكتت وعاينت لي قالت: ها ما قلت لي اسمك منو.
ابتسمت ليها وكنت ح اتكلم قاطعتنا نور قالت: غصون يا ماما انا صح قلت ليك ما تمشي مع حد ما بتعرفيه؟
غصون:بس ي ماما هو جاء عند جدو يعني بتعرفوه وكنت عايزة اعرفه منو
نور:طيب يلا
غصون: ماما م عايزة تسلمي عليه؟.
ابتسمت وقالت: ما بتكلم مع غرباء صح عارفة؟.
ابتسمت بسخرية وقلت: كأنه الغريب...
مسكت غصون ومشت بدون ما تسمعني كرهتها شديد غصون التفتت لي من بعيد واشرت لي بمعنى مع السلامة ابتسمت واشرت ليها رجعت البيت لقيتهم بختوا في الفطور ورام حايمة بتفتش فيني وشايلة منشفتها في يدها ومبوزة لم شافتني جات بزعل وقالت: بابااا.
شلتها وانا بضحك وبوستها امي جات نازلة بست راسها وقلت: ح انشف ليها شعرها والبسها وح انزل
- طيب ما تتأخروا هي كمان قالت جيعانة.
ابتسمت وهزيت راسي وطلعت مع رام نشفت ليها شعرها وقلت: رايك شنو نغير التسريحة الليلة؟.
هزت رسها بطيب ضفرته ليها اتنين لورا من قدام ومسكته ضنب حصان في النص ابتسمت ليها واخدتها ونزلنا بوست ايان ومحمد ومزن
مرام عاينت لي وبوزت قعدت اضحك وشلتها بوستها ونزلتها قعدنا فطرنا ماما قالت: رؤوف نور جاية الليلة عيد ميلاد غصون ح تفضل؟.
عاينت ليها وقلت: وليه ما افضل نور اذا عايزة ومتضايقة ما لي علاقة بيها في النهاية دا بيت ابوي.
ابتسمت بإستهزاء اريام قالت للأولاد: يلا رايكم شنو نمشي بسرعة نجيب حاجات للعيد ميلاد وهدايا غصون؟
رام:ماما اريام كم ح يكون عمرها؟.
اريام ابتسمت وعاينت لي وقالت: 7 سنوات.
رام قالت: طيب يلا.
جوا بوسوني علشان يطلعوا
اريام ضربوا ليها من الشركة طلعت وجات قالت: رؤوف لو سمحت اخدهم انت في موضوع ضروري طالعة ليه.
اتنهدت وقلت طيب بوستهم وطلعت طلعت غيرت ونزلت ليهم واخدتهم ومشيت كانوا مبسوطين شديد خليتهم كل واحد كان بختار ليها في حاجات مشيت طلبت الجاتو والبوالين والزينة والعاب ليهم رجعنا العصر طلعوا غرفهم وناموا طوالي من التعب نزلت الحاجات خالد جاء راجع من الشغل سلم علي قلت: يلا يلا اطلع غير وتعال تساعدني نجهز سرعة.
ضحك وقال: طيب.
طلع وتلفوني ضرب كانت ميلاء فيديو كول رديت ليها سلمت علي وهي مبسوطة سالت من رام وايان ليه ما بردوا عليها ضحكت وقلت: من جوا هنا لقوا مزن والاولاد رموا تلفوناتهم وم فتحوها.
ضحكت قلت: همم انتِ وين؟
- في الكافيه منتظرة ليام.
هزيت راسي وقلت
-- كيف الجامعة الليلة؟
- همم عادي بس عارف يا بابا اشتقت انو ارجع بعد الجامعة عندكم ورجعت الليلة بيت ناس زميد .
ضحكت وقلت: ي شيخة؟
- والله جد
-- طيب ولى يهمك شوية وبنرجع؟
- متأكد؟
-- امهم اساسا باقي شهر على مدارس الاولاد
- ايوا صح بعدين السودان ما حلو انا متأكدة ما عجب ايان.
قعدت اضحك عليها ليام جاء من وراء باس خدها وقال: حبيبتي اسف اتأخرت .
وشها ورد وهزت راسها بما مشكلة وعاينت لي قلت: طيب يلا حسي امشي وم اتتأخري وخلي بالك من نفسك بعدين ح اضرب ليك عايز اتكلم معاك.
ابتسمت وهزت راسها بطيب وقالت: حاضر.
ليام قال: بتتكلمي مع منو؟
ميلاء:بابا رؤوف.
جاء سلم علي وقفلت منهم امي جات نازلة سلمت عليها وكانت طالعة مع السواق خليتها طلعت وبديت مع خالد والعمال نجهز للبارتي شوية واريام جات ونور معاها اتخطيتهم وطلعت صحيت رام وايان .. ايان دخل يستحمى ورام جات حضنتني ولفت ايديها علي وهي نعسانة بست راسها وقلت: اخليك ترجعي تنومي يا بابا؟.
هزت راسها بﻷ ابتسمت ليها وشلتها وطلعت البلكونة شوية وايان جاء طالع وقامت دخلت هي نشفت ليه شعره وغيرت ليه حلقه وقلت: عايز تلبس شنو؟
-امم ما عارف.
طلعت ليه كم خيار نادى على رام قال: رام البس الشورت الازرق ولى الابيض؟ انا عجبني الازرق احلى صح؟.
فتحت الباب وجات طالعة بصابونها وقالت
ايان ﻷ انا العايزة البس الازرق انت البس التاني
ايان:ﻷ هو بتاعي انا انتي البسي بتاعاك البشبهه.
اتنهدت وقلت
- رام يا بابا مش قلت ليك كتير انو ما تطلعي كدا لانو ح تعيي؟
-- بس يا بابا هو عايز الشورت الانا مخططة ليه.
قعدت اضحك وقلت: طيب يا حبيبتي دا بتاع اولاد انتِ ادخلي حسي الحمام وح اجهز ليك حاجة حلوة.
هزت راسها بطيب ودخلت
