Talk Back and You're Dead!

Chapter Fifty-One

"Trust you?"

"This is my favorite place. Komportable ako rito, mas gusto ko rito kaysa sa isang first class restaurant. Wala naman 'yon sa ganda ng lugar eh. Nasa atmosphere 'yon at syempre.." itinuro nya ang pagkain sa harap namin.

"Kung ganon kailangan ko palang mag-thank you sa'yo dahil dinala mo ako sa isang 'komportableng' lugar."

"You're welcome," ngiti nya.

Tumawa kami. Nakakagaan sa pakiramdam ang samahan namin ni Red. Komportable kami sa isa't-isa sa kabila ng sitwasyon namin. Natutuwa ako kahit papaano na sya ang napili para sa akin ng mga magulang ko. Natutuwa ako na hindi. Mali parin kasi. Ipinilig ko ang ulo ko, ayokong mag-isip ng ibang bagay na makakapagpalungkot sa akin. Hangga't kaya kong tumawa hindi ako dapat bumalik sa pagiging iyakin. Walang magandang maidudulot 'yon para sa akin.

"Red Dela Cruz sinasabi ko na nga ba dito ka namin makikita."

May dalawang lalaki ang lumapit. Yung isang lalaki may cast ang kanang braso. Yung isa naman may band-aid sa may kaliwang kilay.

"Alam mo naman pala bakit hindi ka pa umiwas?" tanong ni Red.

"Sinadya kita rito. Natatandaan mo pa ang ginawa mo sakin?" turo nya sa braso nya

"Oo naman. Nag-enjoy akong ilampaso ang mukha mo sa putikan eh. Akala ko magtatanda ka na pero.. Nagkamali pala ako." Ngumisi si Red.

"Abat taran*ado ka pala eh!"

Tumayo si Red. Biglang nanliit yung dalawang kausap nya.

"Hwag kang magmura rito. Hindi mo ba nakikita na may kasama akong babae?" Tumingin sa'kin ang dalawang lalaki. Hinarangan ako ni Red. "Hwag nyo syang tignan. Bawal."

"S-Sa labas! Maghihintay kami!" sabi ng isa sa mga lalaki. Lumabas na silang dalawa. HALAAAAAAA.

"Hoy! Ano 'yon? Sino mga 'yon?" tanong ko.

"Wala. Manang magkano po lahat 'to?"

"P350 lahat hijo."

"Ito po oh," abot ni Red ng bayad. "Pwede po bang makagamit ng restroom nyo dito?"

"Oo naman hijo."

"Sige po salamat. Samantha tara bilis." Hinila nya ang kamay ko. Pumasok kami sa restroom.

"Red! Ano'ng gagawin natin dito?!" gulat na tanong ko.

"Sshh!" Pumunta sya sa may bintana.

"Ano'ng ginagawa mo?!"

"Tatakas tayo." Nakangiting sabi nya.

"Ano? Tatakas?" di makapaniwalang tanong ko. Ano bang kalokohan nito?

"Oo." Binuksan nya ang bintana. "Dali dito."

"Gusto mo akong dumaan dyan?!"

"Oo bilis na!"

Naman oh! Tinignan ko ang bintana. Parang sa sinauna 'yon. Parang sa kubo? May nakasuportang mahabang kahoy para nakabukas ang bintana. Dumaan na ako don. Nasa eskinita kami. Naramdaman kong lumundag si Red sa tabi ko.

"Bakit tayo tumatakas?"

"Dahil..."

"Hindi mo sila kaya? Eh mukha naman silang lampa eh. Kayang kaya ko nga silang patumbahin!"

Hinawakan nya ang pisngi nya. "Ayoko lang magkaron ng gasgas ang mukha ko ngayon."

Nanlaki ang mga mata ko. "Anooo?"