Talk Back and You're Dead!

Chapter Fifty-One

Chapter Fifty-One

"Samantha"

"Mm?"

"Sigurado ka bang... " pinagmasdan nya ako. "gusto mo pa ng isang order?"

"Oo naman! Ang sarap eh!"

Ngumiwi si Red at tumingin sa tatlong bowl ng mami na naubos ko.

"Manang! Pa-order pa nga po ng beef mami!" tawag ni Red.

"O sige hijo!" sagot ni manang.

"WOOOOHH!! Ang saraaaap!!" masayang sabi ko.

"Grabe napaka-takaw mo pala," natatawang komento nya.

"Hahaha!! Sinabi ko naman sa'yo eh. Gutom na gutom talaga ako!"

"Oh heto na.." dumating si Manang na dala ang order ko.

Tinitigan ko muna ang pagkain. Grabe! Amoy palang naglalaway na ako. Ang sabaw na mainit, ang itlog, ang pansit mike at ang karne ng baka! ANG SARAP TALAGA!! The best beef mami ever! o(≧▽≦)o

"Mabuti naman at nagustuhan mo hija ang special mami namin dito."

"Syempre naman po! The BEST ang luto nyo!!" sagot ko.

"Tss. Parang kanina lang kailangan pa kitang kaladkarin papas—OW!!" sinipa ko ang paa ni Red sa ilalim ng lamesa. Tinignan ako nang masama ni Red.

"Hahaha! Salamat. Sige maiwan ko muna kayong dalawa.." umalis na si Manang.

"Grabe ang sarap talaga nito!" \(*O*)/

"Sinabi ko naman sa'yo eh. Ayaw mo pang maniwala sa'kin."

"Hoy Red. Matagal ka na ba nakain dito?" tanong ko habang nakain.

"Oo matagal na, malapit lang 'to sa school eh. Tambay kami minsan dito kapag umuulan o kaya kapag trip lang ng tropa."

"Ahh. Ilang babae na ang nadala mo dito?"

"Tatlo. Si Audrey, Amarie at...si Aril."

"Ano?! Si Audrey pumunta dito?! Hahahaha!! Hindi ko maimagine. Si Amarie close kayo?"

"Oo naman, wala naman hindi ka-close 'yon."

"Kung sabagay tama ka. Napaka-friendly nya. Teka, sino naman si Aril?"

"Kapatid ni Seven at Six. Tapos ka na?"

"'To naman! Kalahati pa nga lang nakakain ko eh."

"Bilisan mo.." kinurot nya pisngi ko.

"Ow! Ow!" sinapak ko kamay nya. Kumain na ulit ako. "Ah! Ibig mong sabihin sa mga naging girlfriend mo wala ka pang dinadala rito?"

"Bakit ko naman gagawin 'yon?"

"Ch! Ako dinala mo rito tapos.."

Teka. Eh ano naman ngayon kung sa cheap na lugar nya ako pinakain? Ano naman kung tinitipid nya ako at yung mga ex nya hindi? Teka! Ano ba itong iniisip ko? Eeesh! Nagiging personal na yata ang mga tanong ko.

"Hindi kumakain sa mga ganito ang mga babaeng nakasama ko. Hindi sila lalapit sa mga ganitong lugar."

"Ahh. Okay."

"Mga special lang na tao ang dinadala ko rito."

"Special?"

"Mga piling babae na alam kong tatagal sa buhay ko."

Ngumiti sya habang nakatingin sa'kin. Ito na naman ang weird na feeling sa stomach ko.

"I want you to know me better Samantha. So that you can trust me."