Talk Back and You're Dead!

Chapter Fifty

Bakit nga ba? Eesh! Naalala ko na! Lechugas! Ah! Ang sakit ng ulo ko. Pero mas masakit ang puso ko. Kung kaya lang sana itong gamutin katulad ng hangover.

"Bakit di mo ako pinigilan?" tanong ko sa kanya.

"Inaagaw ko sa'yo yung bote pero nag-wawala ka."

"Eeesh! Excuses! Excuses!"

Nandito kami sa bahay namin at kasalukuyang nag-aalmusal. Dito pinatulog ni Mama si Red nang ihatid nya ako kagabi. May sasabihin daw si Mama sa amin ni Red. May pakiramdam ako na masamang balita 'yon para sa'kin.

"Hi Ma! Good morning!"

"Good morning po Tita."

"Good morning din sa inyo." Umupo na si Mama at pinagsalin sya ng coffee ng maid namin.

Si Papa kasama ni kuya at inaasikaso nila ang business namin. Lagi nalang business, kailan kaya sila magbabakasyon mula sa trabaho?

"After Christmas may pupuntahan tayo, kasama ka Jared."

"Nasabi na po sa akin ang tungkol sa bagay na yan kahapon."

"Good. Si Samantha nalang pala ang hindi pa naka-ready."

"Bakit po Mama? Saan tayo pupunta after Christmas?"

"Sa France."

What the-?! Ilang segundo akong natigilan.

"Kung ganon Mama sa France po tayo mag-cecelebrate ng New Year?"

"Hija.. your father and I decided that you two should live there too with us."

"I don't—I don't understand Mama."

"Pupunta tayo sa France at titira na tayo roon...for good."

"For... good? You mean to say.. doon na tayo titira? Hindi na tayo babalik dito?"

"Yes. Aren't you excited? Matagal mo na kaming kinukulit para tumira sa France kasama kami di'ba?"

"W-What about school?"

"Naka-enroll ka na sa isang sikat ng school sa France, kasama na rin si Jared," nakangiting paliwanag ni Mama. "Ang isa pa pumayag ang St Celestine na pakuhanin ka nalang ng final exam sa France. Magpapadala sila roon ng isang instructor."

"Pero Ma—" naputol ang sasabihin ko. Tumunog ang cellphone ni Mama.

"Excuse me. I have to take this call. We'll talk about this later. Jared ikaw na muna ang bahala sa baby ko," tumayo si Mama at umalis.

Tumingin ako kay Red.

"Sasabihin ko sana sa'yo kahapon."

"For good? Hindi na tayo babalik dito?"

"Hindi ko alam. Depends."

"On what?"

"Kung gusto mo pang bumalik."

Tumambay muna kami sa balcony. Iniisip ko ang sinabi ni Mama. Kung pupunta kami ng France hindi ko na makikita si Timothy. At may pag-asa na makapagsimula ako ng bagong buhay doon. Pwede ko syang makalimutan. Pwede ko na rin matutunan mahalin si Red. Siguro?

"Red, wala ka bang balak lumayas sa bahay ko?"

"Sabi ng Mama mo ako raw muna ang bahala sa'yo." Binuklat buklat nya ang magazine na hawak nya.

"Hindi naman nya sinabi na bantayan mo ako eh."

"Uy! Si ano to ah—si... Tsk! Sino nga pala 'to?" tanong nya sa sarili habang nakatingin sa babaeng cover model ng magazine.