فوگ النهر من طحت .. غاب الگمر من غبت
شفت السمه بلا ضوه .. وبلا كفيل اصبحت
______________________وياك وياك .. لوماحياتك ماردت حياتي
نور نور .. وبنور وجهك تممت صلاتي
طاح طاح .. چف الردت يحفر گبر مماتي
راح راح .. اليشم ريحة علي بعباتيفگدك فلا ينحمل .. وجهك بعد مايهل
وانگطع عني الهوه .. وبلا كفيل اصبحت
______________________ليل ليل .. ياگمر ليش تروح وتخليني
وين وين .. عباس بعدك ياضوه يدليني
صوت صوت .. عالرمح راسك واسمع يحاچيني
آه آه .. ياخويه لاتبچن وتبچينيعباس حته الدمع .. لجلك صبح ينسمع
من شفته طاح اللوه .. وبلا كفيل اصبحت
______________________بيك بيك .. چنت بحياتي بشرفتك محشومه
ليش ليش .. واليوم من وجه الگمر محرومه
شوف شوف .. ماگلت من جرح الزمن ملچومه
طوگ طوگ .. مثل الجبل لكن احس مهدومهمثل الجبل عالأرض .. مثلت لاء الرفـض
رغم الدليل انچوه .. وبلا كفيل اصبحت
______________________ليك ليك .. ياساقي طف المگبره ورضعانه
ماي ماي .. تعرف الغيرك ماصحت عطشانه
حيف حيف .. طاحن حسين ابطيحتك درعانه
اوف اوف .. وانداس فوگ اعمامته وقرآنهوالشمر حز النحر .. من شاف ماكو گمر
وبخدي دمعي ارتوه .. وبلا كفيل اصبحت
______________________ليك ليك .. عندي عتب بس مالي عيب احچيلك
ميت ميت .. وانه ادري تسمع صوتي من اشكيلك
ريت ريت .. كون الدمع گد الحزن يكفيلك
عين عين .. انعمت كون الما عمت تبچيلكگلبي ودمعي ناظري .. صبري وجبر خاطري
بجفاك طاحن سوه .. وبلا كفيل اصبحت
______________________هاك هاك .. عباس اخذ وعد من عندي
نار نار .. نشعلها ثوره وما اخالف عهدي
سيف سيف .. صوتي على اصوات التضدك ردي
بيك بيك .. مرفوع راسي وشلت هيبة جديبعدك فگدت الأمل .. والفرح مات ورحل
طي السجل انطوه .. وبلا كفيل اصبحت
______________________فوگ فوگ .. الرمح انفاسك وانفاسي
صار صار .. راسك تره المرفوع رفعت راسي
هاذ هاذ .. چنـك عدل موميت هذا احساسي
دار دار .. دمي اعله دمك والعزم عباسيصح عني گالو مره .. بس لبوه من حيدره
بالروح والمحتوه .. وبلا كفيل اصبحت
______________________كلمات الشاعر - سـيد فاضـل الخرسـان
YOU ARE READING
كلمات لطميات باسم الكربلائي وغيره من الرواديد ٢
General Fictionكلمات لطميات باسم الكربلائي و غيره من الرواديد اجمل صوت في هذه الدنيا اكتبوا قصيدتكم المفضلة في التعليقات وان شاء الله اكتبهه الكم❤️😊