(((قصيدة أربع تراتيل)))
قرأن بسفر واربع تراتيل
ماعندك خبر عنهم ياجبريل
دعيت الله ونبيه الوحي ينزل عليه
ماعندك خبر عنهم يجبريلعن طيبه طلع قران يسعي وهجرته الدنيا
هلغيبه علي طالت واكول تاخر بسعيه
وبريبه تموت من الرعب روحي وترد تحييه
شيجيبه كلت اسئل امين الله عله وحيه
بهاي القافله قران الحسين
ترتيلي اله بالاربع بنين
رفعت للرب اديه الوحي ينزل عليه
ماعندك خبر عنهم يا جبريلاسراري يجبريل بدت بالخلقه والمنشأ
بعباري اسئلك عن امامي وعلت المبدأ
افكاري تموج وكلبي بالشرصال يتنبأ
وبداري انه الي راح اكلك يالوحي اقرأ
اقرأ الي جرى بسم الله سواك
حسين شأخره ياسيد الاملاك
بحرائي هالمسيه الوحي ينزل عليه
ماعندك خبر عنهم يجبريلتعرفني واعرفك يالجنت عند الوصي خادم
شرفني علي بأم البنين وهلقب دايم
يكلفني رحيل حسين والله بحالتي عالم
وبجفني عله حدود البجي ظل دمعي متزاحم
يوم موادعه لازمله حراس
اهديت اربعه واوله عباس
وانه بهاي الهديه الوحي ينزل عليه
ماعندك خبر عنهم يجبريلمن حيدر حيادر بيهم الساحات ملزومه
للمنحر عله الرايه الكمر ماواحد يسومه
اتصور نزل ميكال عجج غبرت الحومه
عالمعبر نشر عزريل جنحه وعبست رسومه
بفدون الدمه ابنائي وصيت
ضنوت فاطمه يرجع تمنيت
ردت عن هالوصيه الوحي ينزل عليه
ماعندك خبر عنهم يجبريلكل حيلي انهدم ما ادري ليش بعاشر محرم
ارويلي اذا عندك درايه وبالسبب تعلم
ياويلي احس ابداري جن ريحت حرك تنشب
وبليلي اون بلا سبب ومتوني تتألم
من ارض النبي وديار الاحباب
اشعر بالسبي ما اعرف الاسباب
اريد لهل القضيه الوحي ينزل عليه
ماعندك خبر عنهم يجبريلضل حاير دليلي واليحير افكاره مو بيده
شصاير اشوف خيال دم يغرك البيده
ياساتر اخاف تكول امامي اتكطع اوريده
وباجر ترد مسبيه زينب ماهي بعيده
من ترجع الي ياخوفي احتار
ياهي بت علي تغيرت من الصار
واذا فعلا سبيه الوحي ينزل عليه
ماعندك خبر عنهم يجبريلعلغالي كبل مابشر ابن حذلم يجي وينعي
تعنالي الوحي وصوته الحزين يردد بسمعي
يقرالي ينفس المطمئنه للخلد رجعي
اوحالي اشك جيبي على حسين واهل دمعي
عرفت الفاجعه من هاي الايات
جن الله نعى حسين اليذي مات
ياريت بهل المنيه الوحي ينزل عليه
ماعندك خبر عنهم يجبريلقران بسفر واربع تراتيل
ماعندك خبر عنهم يجبريل
دعيت الله ونبيه الوحي ينزل عليه
ماعندك خبر عنهم يجبريل
YOU ARE READING
كلمات لطميات باسم الكربلائي وغيره من الرواديد ٢
General Fictionكلمات لطميات باسم الكربلائي و غيره من الرواديد اجمل صوت في هذه الدنيا اكتبوا قصيدتكم المفضلة في التعليقات وان شاء الله اكتبهه الكم❤️😊