بشفافي كلمات تهزني مشاعرها .. يا من إلك ذات عجيبة مفاخرها
إشراقة قدسية من باب الجنة .. هيبة إلهية بيها أتغنىأتضرع لوجه الله بيه أتوسل ، يمنحني بالحب و الجاه حتى أتأمل
عشق الـْ سحرني بمعناه رايد أتوصلجوهر عزته .. سره و هيبته .. ربي يمكني أعرف غايته
أنظر كراماته و أعرف معناها .. و أصغي لمناجاته و أفهم فحواها
***
شفتك شمس ما تنكسف .. شفتك قمر ما ينخسف .. نورك أبد ما ينعطف
سرك صعب ما ينكشف .. من بحرك شما أرتشف .. احساسي بيه ما ينوصف
يـَ الحيرتني بمعناك .. يا أبو الأكبر
شما أرد أوصفك ألقاك .. أكبر و أكبر
يـَ حسين كل الـْ يهواك .. بـِ اسمك تحير
***
(تبقى مساءك) للعين بالفخر تسطع ، و الـْ ما تشوفك يـَ حسين بالجهل ترتع
تلقى بعد مثلك وين طاهر المرضعيا سر الفَلك .. محراب الملك .. يا وتر المجد ثاني ما إلك
بساق العرش نورك و بلوح القدرة .. و حتى الـْ يجي يزورك يتشرف قدره
***
مو حقها ناس الـ حبتك .. تذوبها شمة تربتك .. تمشي تحت ظل رايتك
بـْ أخطر ظرف ما عافتك .. ترخص مهجها لـْ خدمتك .. من يوصل لحد ذروتك
ذوبت بالحب قلوب .. يا شبل حيدر
يا أغلى و أعظم محبوب .. منهلك كوثر
بالعرش اسمك مكتوب .. بأنواره يزهر
***
للثائرين الأحرار انت كعبتها ، باسمك بكل الأدوار تبقى هيبتها
تاج الفخر انت و صار إلها رتبتهاصرخة و تستمر .. بكل دور و عصر .. يا أعظم منهج و يا أطهر فكر
بسوح الشرف انت عنوان و محور .. نهج العدل صنته يـَ الـْ ما تتكرر
***
بيك الأمل و المرتجى .. منقذ مثيلك ما إجى .. أفكارك المتوهجة
ضد العقول الساذجة .. جدك محمد منهجه .. خطيته و كشفت الدجى
بسورة عروس القرآن .. كل من تدبر
يلقاك انت المرجان .. هيبتك جوهر
شخصك بكل الازمان ..لا ما تكرر
أنت تقرأ
كلمات لطميات باسم الكربلائي وغيره من الرواديد ٢
General Fictionكلمات لطميات باسم الكربلائي و غيره من الرواديد اجمل صوت في هذه الدنيا اكتبوا قصيدتكم المفضلة في التعليقات وان شاء الله اكتبهه الكم❤️😊