كلمات لطميات باسم الكربلائي وغيره من الرواديد ٢

١٣٢.[اشهك موت كل ساع-عمار الكناني]

اشهك موت كل ساع جيت ادفن سمه بگاع
يامنحر ادفنه يحجي وياي ويهيج عذابي
زينب وين ليش الوحدك جاي واحتار بجوابي

اليفقد واحد يعيش كل ايامه حيره
وانه ابظهرية وحده فاقدلي عشيرة
بديره حسين مذبوح واهلي بغير ديره
وذر خلنه السيوف لميته بحصيره
يناس الكسر ظهري عماتي اسيره
زينب تصعد النوگ تره هوايه جبيره
وزينب بيدها حبال
احسين بلا دفن ظال
وانه بين هاي وهاي ظليت كاتلني مصابي
اليسالني عله زينب شحجي وياه احتار بجوابي

شمخليه الشمس بي ابوي وماعرفته
يم حسين رديت بلا راس وشبگته
نحره يسولف وياي يا عالم سمعته
اعله راسه مانشدني يناشدني اعله اخته
زينب وين ما وين ضعنها وين عفته
عمت عيوني عليها مشت تبجيلي سكته
گلي بزينب اشلون
شنهى اخبار المتون
ماهمتني داست خيل فوگاي ولاشيب وخضابي
يبويه احجيلي زينب بالسبي وين واحتار بجوابي

تره اليدفن اخو يموت ويشوف المنيه
يعالم لا تلومون اخو يبجي عله خيه
دفنته بذن ايديه ومن حس بيه حنيت ظل يبجي علية
سالني كال وقال ياخوي صدك زينب سبية
صدك صاير بعدنه اسمهه الخارجية
من بعد الخدر خاف زينب طولهه انشاف
شكله وعمتي بين الخيل والنار و اتطفي بثيابي
يكلي الحرم خوما باجية هواي واحتار بجوابي

رضيع احسين شلته اغسلت بدموعي نحره
مثل عيسى بن مريم حجه وهيجلي حسره
يناس بصدر احسين يريد ايصير گبره
وابوي اقبالي بالخيل انطبك صدره اعله ظهره
قلت للوالده اعليك تبجي دموع حمره
يقلي عيف امي اعله زينب قلبي جمره
رضيع يصيح بال اه على زينب اويلاه
ابد ما انسه زينب وانه مذبوح دم تبجي لغيابي
صفه حته الطفل يسالني يا ناس واحتار بجوابي

بقه اعله النهر عباس متت يلا وصلته
بلا راس و يدور عله الجفين شفته
يقلي المثلي صعبه شمر يتوله اخته
الما لاكاني بالجيش شتم زينب سمعته
كال و سوط ال لاح المتون لهسه باذني طكته
الضرب زينب عله العين ضربني وماعرفته
منو يصدكهه يا ناس مسبية اخت عباس
اسمعتها اتصيح ما تلحك يعباس دنت نار لحجابي
شجاوبهه وسهم مكسور بالعين واحتار بجوابي