كلمات لطميات باسم الكربلائي وغيره من الرواديد ٢

١١٢.شمعة شبابك

شمعة شبابك تكتب مصابك
هاي المسية ويه الزجية
تكتب مصابك

عرفنه الكل صعب لازم
يجيه الاصعب يقهره
اذا مرحب صعوبه يطيح
اكو حيدر علي ايشطره
واذا عالعلقمي الاف
اكو عباس دق صدره
غرور المعتصم يحتاج
تواضع هاشمي يكسره
يكسر غروره ابروحه الصبوره
اونفس الابيه ويه الزجيه

اتاك امن الصبه حكمك
مثل يحيى يبو الهادي
شبه عيسى و بعد اكرم
يمن قبل البشر بادي
زغير الماعرف حجمك
لذلك ايعرف ايعادي
لانك عالقمم قمه
اكيد ايحسدك الوادي
صار اغتيالك من اقرب عيالك
هاي الرزية ويه الزجية

ابو الهادي و رسول الله
تشابه بالالم والهم
نتاج الزوجه من تغدر
اكيد البيت يتهدم
هذيج اعله الجمل قادت
حرب ضد الوصي الاعلم
واجت ام الفضل تكمل
مسيرتها وتدوس السم
لعنة نبيهن ضلت عليهن
سيد البرية وي الزجية
تكتب مصابك

وجه خصمك وجه صحراء
وانته امورده اغصانك
واشوف المعتصم فرعون
وافاعي السحر عدوانك
عصا موسى و يسجدولك
اذا يتحرك السانك
سلاطين الحقد ضاعت
وانت الباقي سلطانك
هاي الاشاره ابيوم الزيارة
والرافضية وية الزجية
تكتب مصابك

امام اتنصبت وانت صبي و تسلمت امرك
اذا تمهيد للمهدي اتاك الحكم من صغرك
اليكول المهدي خمس سنين وجوب اناقشه بعمرك
تكلم بالمهد عيسى عليمن شكوا ابسرك
عمرك علامة ثبت امامة
والمهدوية ويه الزجية
تكتب مصابك

ابروحك كربلا انطبعت مثل دمعات البخدك
بجيت اهواي عالضامي و متت ضامي مثل جدك
ثلث ايام ما مدفون تحت حر الشمس وحدك
اميه قطعوا جسمه هذوله قطعوا جبدك
تعرف جروحه بالتضمه روحه
صوت المنية ويه الزجية
تكتب مصابك

ابضماك اتذكرت جدك وهو اينازع عله الغبره
ينادي يا خلك عطشان وحق الهادي والزهره
بقت عينه على زينب وبن جوشن على صدره
وزينب لطمت وصاحب يعباس انقطع نحره
حتى بمماته عينه البناته
واخته السبية وي الزجية
تكتب مصابك