كلمات لطميات باسم الكربلائي وغيره من الرواديد ٢

٣٥.زينب وما ادراك ما زينب

زينب *يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب

گبل لا يخلق الله للخليقه اعيون
خلق ستر العقيله حتى لا ايشوفون
أضن بالليل أوجدها إله الكون
او عجن طينتها من ماي الخدر والصون
كانت في خدر السما حتى اذا بانت
عفافا فاطميا وبه ازدانت
زين الام حوراء وزين الاب
$$$$$$$$$$$$$$$$$$$$$
زينب *يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب

صفت يا قوته ربانيه بالاصلاب
انصاغت من ذهب والناس كلها اتراب
استقرت بالزچيه او علي داحي الباب
او من حجاب امها الله مفصل الها احجاب
طه بحر أهله فلك بهم باها
{بسم الله مجراها ومرساها }
وام الخدر لهم نتسب
$$$$$$$$$$$$$$$$$$$$
زينب * يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب

تولاها الدهر من الزغر بالهم
نرمت سهمين من قنفذ وابن ملجم
وإجت جعده تكمل هالرزايه ابسم
او ختمها ايزيد من غرگ شمسها ابدم
ويلي قلب زينب داسوه بالخيل
امست بعده في وحشة الليل
لا نور سوى نار الخبا تلهب
$$$$$$$$$$$$$$$$$$$
زينب *يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب

ربيبة غيرة الله اتحير الاذهان
الحصى اتدوسه ايتحول لؤلؤ اومرجان
هضيمه اشلون وياها الزمن لو خان
عگب خيمة ابو فاضل تطب ديوان
قسرا سوط الشمر قد ادخلها القصرا
ينادي يا يزيد استقبل البشرى
هذه زينب بحبلنا تسحب
$$$$$$$$$$$$$$$$$
زينب * يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب

گبل موتتها ماتت باليسر مرتين
كوفه او شام تذبح غير ذبح احسين
اليمد ايده عليها اتشاگفه ابإيدين
لچن شتشاگف ايمد عليها العين
تبكي وللعباس عن مأساتها تحكي
سبينا مثل سبي الروم والترك
وإن صحنا بكعب رمحهم نضرب
$$$$$$$$$$$$$$$$$$
زينب * يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب

بعد شجرة اخوها ابيا وضع تبقه
ابممات الشجرة لازم تذبل الورقه
غمض منها الجفن بالونه والشهگه
او راحت للأجل بمتونها الزرگه
لهفي للموت مضت مسودة الكتف
وحز الحبل في الساقين والكف
واثار السبا في جسمها المتعب
$$$$$$$$$$$$$$$$$$
زينب * يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب

مصر لو شام ميهم وين مرقدها
المهم ابگلب ابو فاضل گبر عدها
المهم اعله الحزن قادر اساعدها
انا اللي انعه وهيه التخمش ابخدها
انعى عطاشى قد قضوا في كربلا صرعى
اواسي زينب لو اجرت الدمعا
معا نرثي نبكي معا ننحب
زينب *يا قلب وما ادراك ما زينب
صون الرب بل كانت حجاب الرب
صارت للمآسي والبكا مذهب