كلمات لطميات باسم الكربلائي وغيره من الرواديد ٢

٢٤.اذكر انه من كم سنه

اذكر انه من كم سنه
ليله عشتهه للصبح دموعي تجري
سبعه بصفر طف مختصر
ثاني اخو عني مشه كسرلي ظهري
جانت بدايه وهاي النهايه

هاي اني بالخرابه و يومك ذكرته
ليل الينامه غيري اني سهرته
يبن امي والجيه عمري كرهته
زينب انه يخويه ظهري كسرته
ثاني كسرني لمن فقدته
محسن كسرتي اول والثاني انت
هل مدمعي بمجلس نعي
ماتم نصبنه باليسر ذكرنه حزنك
روس اخوتك لمصيبتك
كل من عله راس الرمح يواسي ابنه
ماتم سبايه هاي النهايه

هالليله خل اذكرك هالليلة سبعه
جنت انت وي عضيدم توصي و تودعه
اذكر اجيتك اركض وبقلبي صدعه
جيت الطم عله راسي يم بابك انعه
وانت صحت عضيدك خل يخفي دمعه
شيل الطشت تگله صوتك اسمعه
شفت الطشت و اذكر طحت
ياخويه وياك انتهه يا ريته عمري
انت رحت واني ضعت
ماتسوه دنيه بلا اخو يخويه تدري
ماكو حمايه هاي النهاية

خايف عليه خويه دمك انظره
ريتك تجيني للطف موقف تحظره
عالغبره شفت اخويه و شمر عله صدر
ينظر الي و يطبره طبره عله طبره
هو يحز وريده و عيني عله نحره
ضامي و سمعته يلهج يمه يزهره
خيل الغدر داست صدر
كون الذبح سبط النبي ذبحني يمه
خل انذبح راسي برمح
ولا انظر لذبحة طفل وتشوفه امه
ماتوا ضمايه وهاي النهاية

شيلو الطشت تنادي خايف علية
هذا الطشت اجاني واني سبية
ابذاك الطشت جبدتك يبن الزجيه
بالثاني راس اخويه جابوا الية
سمعوا رقيه تبجي ونطوه هديه
راس الحسين اجاهه وراحت رقية
من باسته من رقبته
قالتله ليش اتاخرت يبويه عني
شبقة يتيم مو بالحلم
قطعت نفسها وانتهت خذوهه مني
خنقوا ضوايه هاي النهايه

هيبه النعش يخويه من هيبة اهله
يبن امي عالاصابع نعشك تعله
واحد يقل للاخر اني الاحمله
لحدك يحفره اخوك ودمعه يهله
ريتك تشوفه عاري محد. يغسله
منهو الحفرله قبره ومنهو الفزعله
ماضل كتر مابي كسر
وي خنصر ايده المنقطع دليلي عفته
عفته بوضع يسوه الدمع
تحت الحوافر ياوسف اخويه شفته
عفته ورايه هاي النهايه

نعشك رموه يخويه و صابك حقدهم
سابقهم بوصيتك تعرف قصدهم
سل صارمه بو فاضل قرر يردهم
لوله الوصية والله بسيفه حصدهم
ريتك تشوفه بالطف لمن قصدهم
سبعين الف مقاتل سبعه يعدهم
والفاجعه عالمشرعه
شفت الجفوف مقطعه واجيت اودعه
كتله الخدر يم الشمر
حالف يخويه عالمتن صوته يقطعه
ماعدنه رايه هاي النهاية

يومك هضمني والله و فقدك مصيبه
بس الاشد والاصعب اختك غريبه
بت حيدره سبوهه هاي العجيبه
يا هاشميه قبلي صارت سليبه
سوط الشمر ذبحني وانه الحبيبة
قتله الكفلني وينه ومنين اجيبه
صوت السبي يجرح نبي
اشقف بيديه وحشمت كفيلي وينه
ولية نذل ماتنحمل
راس الكفالة باليسر عليه عينه
دمعي شكايه وهاي النهايه