كلمات لطميات باسم الكربلائي وغيره من الرواديد ٢

٦٦.[يابو صالح ابد مانسيتك]

يابو صالح ابد مانسيتك
يابوصالح ابدنيتي لكيتك
يابو صالح حياتي نطيتك
يا اغله من العمر تره طال الصبر

سيدي يالعايش ابقلبي امل
بانتظارك ورد روحي ماذبل
وبدعاء الفرج رافع مستهل
ابدمي كل قطرة تناديك العجل

هذا صوتي رفعته بدعائي
هذه صوتي يأكد ولائي
هذه صوتي يوضح رجائي
اتانيك اشكثر تره طال الصبر

ادري بالجمعة احقق غايتي
يوم تظهر واعله ثغري بسمتي
مرت الجمعات وانه بحسرتي
وماشفت حته ابمنامي جمعتي

بانتظارك انشف دمعتي
بانتظارك اصبر مهجتي
بانتظارك اعيش بغربتي
ابمنامي ماتمر تره طال الصبر

يا امامي اليمته ابقه منحرم
ما اشوفك ليش حته بالحلم💔
بية جم يعقوب ماعندك علم
مو قميصك رايد اترابك اشم

يالقميصك يردلي حياتي
يالقميصك حلم امنياتي
يالقميصك ضوه لكل جهاتي
اخبرك وانتظر تره طال الصبر

انه بيك امجنن افكار العشق
مثل عابس رايد لثوبي اشق
وبدعاء الندبة قلبي يحترگ
ليت شعري لو گلتهه اختنگ

منك اسمع هتافا برضوى
منك اسمع حسيسا ونجوى
منك اسمع وابديك شكوى
الك شوگي جمر تره طال الصبر

ماقلتلي ليش تجري دمعتك
للقمر لو للعقيلة عمتك
اظن زينب عالهزيله ندبتك
جانت بجفهه تحامي رايتك

هذي زينب تورم متنهه
هدي زينب تصيح بحزنهه
هذي زينب غبت انت عنهه
تحشمك باليسر تره طال الصبر