كلمات لطميات باسم الكربلائي وغيره من الرواديد ٢

٣٩.ياروحي شگد صعبه

يا روحي شكد صعبه ضاع العمر بغربه
وباجر غربه نموت ريت الموت يتاني
وشوقي يجيب اخواني يشيلون التابوت

لو مماتي بين اخوتي مايهمني حته موتي

ناري نار فراق شايف هالمشتاك
لا يا موت الغربه العشنه وياهم وين
زينب واترجاك واني عشره وياك
او ماتاخذ روحي لحدماشوف حسين
هواي بعيد الشام رايد ممشى ايام
خوفي الدرب ياخره المشتاقتله العين
روحي و گلبي وياه لموتي ما انساه
شوف فراكه شسوه و بيه شسوه البين
ماريد اطبق رمشي لا يمشون بنعشي
وماكو ويايه عزاز ثاري البين اخوته
ماتصعب موتتهه لو خوها الجناز
امنياتي كل رجوتي لو مماتي بين اخوتي
...

شما تنزل دمعاتي يوكع دم و ماي
ليلي ليل غياب عيني تبجي عتاب
شما تنزل دمعاتي يوقع دم و ماي
ليش ايامي اتطيح ريشه بحضن الريح
وراسي و قلبي مشيب من ايام صباي
موت استعجل ليش وصار وياي يعيش
ليش وانه بصغري و عايش موتي وياي
نام بروحي احساسي بي ريحه عباسي
جاي ابلايه جفوفه و جايب لاخته الماي
جاي يوادع روحي وصوته ينوم جروحي التلجمني بفرقاه
ماي يگطر لاخته ذاك المن فارقته راحت روحي وياه
بكلامي وبسكوتي لو مماتي بين اخوتي

...

صوت انفاسي يكول ريت الليلة يطول
باجر سفرة موتي وماجوني الغيار
لاياموتي اشبيك كافي اتوسل بيك
رايد تاخذ روحي بلايه وداع احباب
بداعة روحي الفات لو تصبر ساعات
ساعة وجف احبابي راح يدك الباب
لو هسه امي اهنا صاحت وا ويلاه
جيتج يمه بضلعي المكسور و ماطاب
ياموت وشيلتها لو اشتم ريحتهه
تسويلك معروف
ساعة اتنشف دموعي وساعة تصيح ضلوعي
و ساعة بجرحي تروف و ساعة تسمع كل شكوتي لو مماتي بين اخوتي
...
واني بهذه الحال راح ابعث مرسال
خاتمته من اجروحي و كاتبته بدمعات
فوك جناح الطير يوصل لاهل الخير
صوب النجف وحيدر يتعذر هيهات
شلون تعوفه اهناك الروحه و گلبه وياك
ياغربه يدقنونه وهو بشوكك مات
بويه بنيتك هاي ريتك هسه وياي
ساعة موتي و صعبه يا گاضي الصعبات
لو يوصل مرسالي بويه وتعرف حالي توصل قبل الصوت
لو غربه يشيعوني بدونك و يدفنوني بويه ادريك تموت
بويه حيدر هذه صوتي لو مماتي بين اخوتي
...
بين فراق و بين شوق و غربه سنين
خوفي تطلع روحي واهلي مايدرون
روحي الماترتاح طيره ابلايه جناح
لاتقدر توصلهم لا من همه يجون
لو جوني من ابعيد نار جروحي تهيم
جان اشتم ريحتهم حته الموت يهون
راحوا نسمه صيف مامروني ابطيف
وراحت وي روحتهم مني اثنين اعيون
يانومي الماشفته يا سهر العاشرته
وياجرحي الماطاب ياريت بصفناتي
وي طيحة دمعاتي اسمع دكه باب
بكل دعائي كل قنوتي لو مماتي بين اخوتي
...

ريت اني وياريت واهوايه اتمنيت
موتي ابين احبابي و مابين اغله الناس
صار اكثر من عام عيني تشوف احلام
رايح لون الورده و ذاب العود الياس
خوفي من النسيان موت بلا دفان
لكن ما ينسوني بموتي و عندي احساس
شاغلني التفكير قبره اتمنه يصير
بين احسين الغالي ومابين العباس
ليليه يزورني وبهمي يواسوني و ينسوني اشصار
وانه اذكر الامي نار وحرق خيامي ويطفولي النار
ياكفيلي ويا قدوتي لو مماتي بين اخوتي
...
هاي اخر لحظات بيهه شگد حسرات
صار الطف بعيني وكرهني بدنياي
صاحت روحي بصوت ماخاف من الموت
واني صغيره بعمري وشفت الموت هواي
روحي بطف حسين ماتت بي مرتين
وحده بقطعة نحره ووحده بشاطي الماي
ثالث موته بروحي هاي البيهه جروحي
انه امشي مسبيه وروس اخواني وياي
ياموتي الماخذني بنار الشام اتذبني و تدري بدرب الشام
هاك احسب دمعاتي نار بگد خطواتي
عمري الليلة ايام جمره جمره بي خطوتي
لو مماتي بين اخوتي