كلمات لطميات باسم الكربلائي وغيره من الرواديد ٢

١٤٤.[عمه شو هذه الشمر بهدومه دم ]

عمه شو هذه الشمر بهدومه دم
بيده راس و واكف ابباب الخيم
راس من هذه يعمه
شايله و يسيل دمه

من طلعت من المخيم شفته كدامي الشمر
شايل راس بجفوفه والدمه منه يخر
خفت من شفته يعمه وجيت اكلج بالامر
عمه عطره راس اشمه هذه اعرفنه العطر
مو غريب عليه يا عمه تره
عطر ابوي وجنت اشمه ابمنحره
هسه شو بالراس اشمه
عمه شو هذه الشمر بهدومه دم

يالله كومي وياي عمه نسال الشمر اللعين
راس من هذه التشيله
يجري دمه من الجبين
شوفي سبحانك يالهي من الشبه سوه اربعين
تباوعيله بروح اخيج عمه مو جنه الحسين
حطي عينج عالملامح عمتي
عمه شو توجعني گامت رگبتي
عمه واشتاگيت اضمه

عمه طگ صبري دخيلج بعد مابيه احتمل
سولفيلي شبي حبيبي مات لو بعده عدل
عمه هذه الراس ميت بس دمع عينه نزل
اسمع يگلي رقية صغيره انتي على الحبل

شو اشوفه دموعه يا عمه نصب
يگلي متنج ترف مايحمل ضرب
حالي يا عمه يهمه

شفته فك عينه عليه گبالي نزلت دمعته
نشغ من شافاني عمه و حالتي شو اذته
ايريد يشبگني احسه امحسب انه ابنيته
امن العطش ذابل شفاهه گوه يفتح شفته
عمه ذابل شفته من كثر العطش
خدوده صفره وصاير عليهن نقش
نقش ما اگدر افهمه

غوشت عيني يعمه انه ماشوفن بعد
جفوف خشنات وخبيثه گامت بعيني تسد
عمه شو واحد احسه حيل بجفوفي يشد
هيست كل حيلي مات وروحي ظلت تنمرد
عمه كليلي شنو الصار و حصل
الوادم يصيحون احسين انچتل
هذه ابوي الاسمع اسمه
هذه ابوج يا رقية