كلمات لطميات باسم الكربلائي وغيره من الرواديد ٢

١٢٥.[خل نستراح - حيدر السعد]

خليهم ينزلوني توجعني حيل امتوني
زحمة ابجي مابين الغرب
خل نستراح اهنانه عمه وعلي تعبانه
والناكه فحطها الدرب

عمه حاجي الحادي خل يوكف تعبنه
ذوله مابيهم ولا واحد يحبنه

والله لانشرد ولا نندل دربنه
احبالهم ما حاجه مشدوده برگبنه
ادري المن مگيدينه ياذنب المسوينه
َعالزلم مكتوبه الحرب

اه يا سهم الطفوف امنين اجاني
ابيا ذنب نيشن عله ضلوعي و رماني
عمه حاجي الحادي خل يوكف ثواني
والله مابيه امشي موجوعات اذاني

عمه اذني مدري اشبيهه
خل يوكف و شوفيهه
توجعني كل ما انضرب

اخذيني ذاك الرافع الراس ارد اكلمه
راس ابوي بيا ذنب يهتز يعمه

ارد احاجي بلكي اشوف بگلبه رحمه
راس مو راية تره امن الهز يلجمه
الراس خل يعيده والماي لا ماريده
شو مايهم ما ينشرب

انتي هم اتحمليني و قدري وضعي
والله توجع لسعة السوط اعله ظهري

عمه موجوعه انه واتكليلي صبري
امدلله ابين الاهل كضيت عمري
بسياطهم اذوني يبست يعمه امتوني
والمثلي بيمن تنطلب

عمه خل يوكفلي احلفج بالزجيه
لا اذب روحي و يحير الشمر بيه
راح اطيح وينجبر يوكف عليه
وانتي صيحي من الظعن طاحت رقية

لازم يرد بالناكه الوالدي مشتاكه
فدوه ارد احاجي عن قرب