كلمات لطميات باسم الكربلائي وغيره من الرواديد ٢

١٢٦.[امنيات رملة- عمار الكناني]

يا جمال الله العله اعيونك لكيته
يا حبيب امك قلبهه امك سبيته
بالمبارك يجاسم... يعريس الهواشم... احلى كلمات

فرحه وعيوني ترف
محوطه بسبعين الف
يبست الحنه يجاسم فوك ايديه
وحده يسيل الدمع يطفه بهداي الشمع
العبرة تخنك ضحكتي باحله مسيه
فدوه اروح الضحكتك بعلي يبني معوذتك
ياحلاة اعيونك يبسمن اليه
يبني يا تعب الصبه يا سهر ليل وربه
ياجمال ونازل من الله عليه
عطر خدك شليه ابريحه الياس
وشني ابيوسف جماله امعجب الناس
حسن ربك حلالك يحفظه الله جمالك احلى كلمات

يا كحل هذا الجفن يبني يا اجمل غصن
علقت روحي اعله وجنات الاماني
يا دللول المهد هيبة امك والضمت
يا جمال الله العله اعيونك سباني
حتى جلمات الغزل ماتت ابطولك خجل
ياحبيب امك يشوق الماله ثاني
باجر تبطلعة شمس... دمعة لو زفة وعرس
لو يجيبون الشمع يبني ابصواني
اهلهلك يجاسم واذب شوباش
ويهوسولك عمامك والفرح طاش
قمر هاشم يزفك... يهوس بيده عمك... احلى كلمات

ويه روحي منسبل اعيوني منك ماتمل
شلون املنه الهون البهداي اشمه
يا ملاك ومبتسم ضحكتك اجمل حلم
يا الذ جلمة حبيبي واحله يمه
اعيوني بيك امهيمه كل صباح معلمه
يا صباح الله بشفاهك احله بسمه
عمري ياجاسم ذبل انته لعيوني الامب
جرح المهود يا يمه لا تلجمه
يسباح الدليل امهوده الجروح
اخذ نبضة دليلي كونك تروح
اشيظل يمي بحياتي.. يموتن ذكرياتي.. احله جلمات

يلي نايم عالترب ابدم وريدك منخضب
عافيات بنومتك يبني تهنه
هايه زينب عمتك... اتشد ظعنهه رادتك
تالي جفهه وجفي من دمك تحنه
عمتك اربات الخدر ترضه تمشي لليسر
يحدي عماتك زجر ويسب حرمنه
ظهري يا وليدي انحنى چني فارقتك سنه
ياحبيب امك يامن كلك محنه
يغالي اجعودك و امخضبتهه الدموع
يايمه اشغيراهه ابساع الرسوم
يجاسم فدوه لاسمك.. فلا تنساهن امك... احله چلمات

المن گليبي يدك امغيره رسومك صدك
اقعد وحاچيني بعد ارسومي كلهه
لا عليك ابدمعتي يمه تحمل فرقتي
شلهه امك بالعمر لو راح املهه
الليله اشدن معصبي وباجر ابظعن السبي
سكنه اعصبهه البقه ابعمرج اقلهه
ترضه تسبيهه الزلم... حوفتك وانته الشهم
چف سكينه من الحبل يا هو اليحله
انسى ضحكاتك صدك وانسى المحاجي
لاعسه عيوني تطفيهه البواجي
واعوفن احله چلمه... حبيبي الغالي يمه... احلى چلمات

امهنى يالنومك حلى اشلون ايديك امسبله
وينه جرح الضاهدك خليني اشمه
نندفن يمه سوه يبني ياشمه هوه
من اضمك بين ايديه الموت يحله
باچر ابولية غرب حرمه و عيوني تصب
للسبي ضعن الفواطم يحدي رحله
ويحدي بالناقة النذل بجفي لو شد الحبل
يمه وبسوطه العدو متني يهدله
باجر ابولية زلم امشي اسيرة
لا اهل بالطف الية ولا عشيرة
غريبه و دهري ذبني... يظل ذكراهه يبني... احلى چلمات