The Deal With A Demon King

Part 9

ဒီဥယျာဉ်တစ်ခုလုံးက ပန်းရောင်မက်မွန်ပန်းတွေ၊ ပွင့်ရွက်ကြွေလွှာတွေနဲ့ပြည့်နှက်နေကြတယ်။ ဘယ်လောက်လှလိုက်သလဲ။လူ့ပြည်မှာရော ဒီလိုနေရာရှိမယ်လို့မင်းထင်လား။"

ရှန်းဝူပိုင်ကသူမကို ပြုံးလျက်ကြည့်ကာမေးမြန်းလိုက်သည်။သူမက ရှန်းဝူပိုင် အားမသိမသာပြန်ကြည့်လိုက်ပြီးနောက်ပြန်ငုံ့ကာသွားသည်။ချန်ဟွားဖန်း သည် ပန်းလောက၏နတ်သမီးတစ်ပါးဖြစ်သည်။ သူမ၏ရွှေအဆင်းသဖွယ်တင့်တယ်ကာဘယ်သောအခါမှညိုးနွမ်းမသွားနိုင်လောက်သည့်ပန်းတစ်ပွင့်သဖွယ်လှပလွန်းသည်။
သူမသည် သုံးလောကအလည်ရှိအမတ ပန်းဥယျာဉ်တွင်နေထိုင်သည့်ဘုရင်မတစ်ပါးလည်းဖြစ်သည်။

သူမ၏အချိန်အများစုကို ကောင်းကင်ဘုံတွင်သာဖြတ်သန်းလေ့ရှိသည်။အဓိကအကြောင်းအရင်းကမူရှန်းဝူပိုင်ကြောင့်ပင်။သူမရှန်းဝူပိုင်အား လွန်ခဲ့သည့် နှစ်ငါးထောင်ခန့်ကသူမ စတင်ဖြစ်ပေါ်ခဲ့သည့်အချိန်မှစတင်၍ မြင်မြင်ချင်းနှစ်သက်မြတ်နိုးစွဲလမ်းခဲ့မိသည်။

ထို သူ၏ ဝေယျာဝစ္စ များကိုသူမအတတ်နိုင်ဆုံးလုပ်ပေးရသည်ကိုသူမကနှစ်သက်သည်။ရှန်းဝူပိုင်က ယခုအချိန်ထိသိပုံမရသေးပေ။သူက မိမိ၏လက်အောက်ငယ်သားသဖွယ်သာသူမကိုဆက်ဆံလေ့ရှိသည်။ထို့အပြင် ကောင်းကင်မင်းကြီး သည်ဘယ်သောအခါမှ ခက်ထန်သည့်မျက်နှာထားမျိုးမရှိခဲ့ဖူးပေ။ အမြဲတမ်းလိုလိုတည်ကြည်နေတက်သော်လည်းသူ၏ အပြုံးကိုမကြာခဏတွေ့ရတက်သည်။

ရှန်းဝူပိုင်၏ မျက်နှာသွင်ပြင်သည်အလွန်ချောမောခန့်ညားတည်ကြည်လှသည်။သုံးလောကတွင် အခန့်ညားဆုံးနတ်သား တစ်ပါးဟုပြောစမှတ်ပြုရမည့်သူမျိုး။

သူသည်အရာရာတွင် နံပါတ်တစ်သဖွယ်။ယွင်းရန်သည်ပင် သူနှင့်ယှဉ်လျင် နံပါတ်နှစ်နေရာရောက်ပေးလိမ့်မည်။သို့သော်နှစ်ဦးလုံးက ဤသည်ကို စိတ်မဝင်စားပေ။

ရှန်းဝူပိုင်က အဖြူရောင် ဝတ်ရုံလွှာကြီးကိုခန့်ညားတင့်တယ်စွာဝတ်ဆင်ထားသည်။ဝတ်ရုံ၏လက်နှင့်အချို့အောက်ခြေအနားတို့တွင်ရွှေရောင်ရောယှက်ထားသောကနုတ်ပန်းခတ်တို့က ဝတ်ရုံကို နဂါးတစ်ကောင်သဖွယ် ကပ်တွယ်နေကြသည်။ရှန်းဝူပိုင်၏ဆံနွယ်များသည် မီးခိုးရောင်သဖွယ် နှင့် အဖြူရောင်ဆံသားတို့ကပါပါဝင်နေသေးသည်။