The Deal With A Demon King

Part 38

Unicode Ver

“ မင်း ချီယွမ်နဲ့ တွေ့ခဲ့ပြီလား။ “

ရှန်းဝူပိုင်က နျူးကိုတချိန်ကသူပေးခဲ့သည့်ဆံထိုးကို အချိန်တိုင်းသူ၏ဆံနွယ်များတွင် ထုံးထားလေ့ရှိသည်။ ထို့ဆံထိုးသည်လည်း နျူးနှင့်သက်ဆိုင်သည်ကိုသိတာမို့ ယခုသူ့လက်ထဲတွင်မရှိတော့ပါက သေချာသည်က ရှန်းဝူပိုင်သည် နျူးနှင့်တွေ့ဆုံပြီးပြီဖြစ်၏။

ရှန်းဝူပိုင်က ယွင်းရန်၏အမေးကြောင့် ထပ်မံကာ ခေါင်းမော့ကြည့်လာသည်။ ထို့နောက် အေးဆေးစွာပင်

“ နျူးလား….။

အင်း… ပြီးတော့ သူပိုင်ဆိုင်တဲ့ ဆံထိုးကိုလည်း ပေးခဲ့တယ်။ ငါ သူ့ကိုကောင်းကင်ဘုံကိုပြန်ခေါ်ဖြစ်မယ်။ အဲ့တာကြောင့်လည်း ငါသူ့ကိုလိုက်ရှာနေခဲ့တာ။ “

ရှန်းဝူပိုင်က ယွင်းရန်ရဲ့အကာအရံစည်းထဲတွင် နျူးရှိနေသည်ကို သိနှင့်ပြီးဖြစ်သည်။ စည်းကိုဖျက်လိုက်သည့်နှင့် တပြိုက်နက် နျူးကိုသူရှာတွေ့သွားခဲ့၏။

“ မင်း သူ့ကိုအဲ့လောက်ထိ ဂရုစိုက်တယ်ဆိုရင် ဘာ့ကြောင့် သူ့ရဲ့ကိုယ်နဲ့အမြုတေကို ခွဲထုတ်တဲ့အချိန်တုန်းက ခွင့်ပြုခဲ့တာလဲ။ အခုကျမှ မင်းက သူ့ကို မျက်နှာချင်းဆိုင်ရဲတယ်ပေါ့။ ပြီးတော့ ဘာတဲ့ သူ့ကိုမင်းဘေးမှာ ထပ်ထားအုန်းမယ် ဟုတ်လား။”

လက်ဖက်ရည်ခွက်အား ကိုင်ထားသည့်ရှန်းဝူပိုင်၏လက်များက ယွင်းရန်၏စကားကြောင့် အနည်းငယ်တုန်ယင်လာတော့သည်။ သူတို့နှစ်ယောက်ကြား ဖြည်းဖြည်းချင်းတိုက်ခတ်နေလေ့ရှိသော  လေညှင်းတို့က ရုပ်ချည်းငြိမ်သက်သွားကာ ပတ်ဝန်းကျင်ကို ပုံသေပန်းချီကားတစ်ချပ်အဖြစ် ရပ်တန့်လိုက်သလိုပင်။ ထို့နောက် လက်ဖက်ရည်ခွက်အား အသာချလိုက်ပြီး သူ၏ပြုမူနေကျပုံစံအတိုင်း ပြုံးလိုက်လေသည်။ ယွင်းရန်ကတော့ ခက်ထန်တဲ့အကြည့်တွေနဲ့သာ သူ့အားမျက်တောင်မခပ်တမ်းကြည့်နေရင်းမှ သက်ပြင်းတချက်ချကာ

“ ငါ့ အပေါ်မှာ မင်းဘယ်လိုပဲ လုပ်ခဲ့လုပ်ခဲ့ ငါအမြဲတမ်း ခွင့်လွှတ်ပေးခဲ့တယ်။ မင်းကြောင့်ပဲ ငါ့ရဲ့ နတ်ဘုရားဘဝကို စွန့်လွှတ်ခဲ့တယ်။ ထပ်ပြီး ငါမိစ္ဆာတိုင်းပြည်မှာ ရှိနေတဲ့အချိန်မှာလည်း မင်းက ငါ့ကိုထပ်ပြီး ပျက်စီးစေဖို့ နျူးကိုလွှတ်ခဲ့တယ်။ ငါအမြဲတမ်း မင်းကိုညီနောင် အနေနဲ့ရှိခဲ့ဖူးတဲ့အချိန်တွေကို တန်ဖိုးထားလို့ မင်းကိုအနိုင်ပေးခဲ့တယ် ။ ဒါပေမဲ့ မင်းငါ့ကိုမနိုင်ပါဘူး ဘယ်တော့မှလေ….”