The Deal With A Demon King

Part 42

Unicode Ver

ချီယွမ့်ကို သူရှာတွေ့ခဲ့သည့်အကြောင်းမှာ ချီယွမ်သည် သူ၏စွမ်းအင်ကိုအသုံးပြုလိုက်ချိန်တွင် ယွင်းရန်၏စွမ်းအားတို့ကပါ ရောယှက်ပါဝင်နေခဲ့ပြီး ယွင်းရန်ထံသို့ပါ လာရောက်ထိခက်သွားတာမို့ဖြစ်သည်။ အစဦးကတည်းက ယွင်းရန်သည် ချီယွမ့်အားထပ်မတွေ့တော့ရန်နှင့် ထိုကောင်လေး၏လူ့ဘဝကို အရှိအတိုင်းဆက်လက်ရှင်သန်စေနိုင်ရင် သူသည်လက်လွှတ်ပေးလိုက်ဖို့ ဆုံးဖြတ်ခဲ့သည်မို့ ကောင်လေးနှင့်ပတ်သတ်သမျှ အားလုံးကိုရေစက်ဖြတ်ပစ်ခဲ့သည်။ ထို့ကြောင်ပင် ရှန်းဝူပိုင်နှင့် နျူး၏နောက်ကွယ်ကအကြောင်းအရင်းတို့ကိုသိလိုက်ရပြီးသည့်နောက် လူ့လောကတစ်ခုလုံးကို ရှာခဲ့သော်လည်း အရိပ်အယောင်ပင် မတွေ့ခဲ့ခြင်းဖြစ်၏။ အကြောင်းကား ချန်းရှသည် ချီယွမ့်အား ဖမ်းခေါ်သွားခဲ့တာမို့ပင်။ သူတို့ကြား တိုက်ခိုက်မှုအနည်းငယ်ဖြစ်ခဲ့ပုံရပြီး ချီယွမ်ကို သူရှာတွေ့ချိန်၌ ချီယွမ်သည် အလွန်ပင်ပန်းနေချေပြီ။ နျူးရော/ ချီယွမ်ပါ သူ့ကြောင့်နှင့် ဤသို့သောဖြစ်ရပ်မျိုးကို ကြုံတွေ့ကြရသည်မှာ အမှန်ပင်။ ယွင်းရန်သည် ၎င်းတို့နှင့်ပတ်သတ်၍ အပြစ်ရှိစိတ်ခံစားရမိသည်။

သူသည် မိစ္ဆာတိုင်းပြည်ရှိ မိမိ၏အိပ်ဆောင်အတွင်းကုတင်ထက်၌ ငြိမ်သက်စွာလဲလျောင်းနေသေးသော ချီယွမ်ကို ကုတင်အစွန်းနားတွင်ထိုင်နေရင်း အချိန်အတော်ကြာထိကြည့်နေခဲ့မိသည်မှာ ချီယွမ့်ကိုယ်ထဲရှိ သူ၏စွမ်းအင်တို့ကို ပြန်လည်ကုသကာထိုကိုယ်ထဲ၌ပင် ဆက်လက်ရှင်သန်စေပြီး ချီယွမ်၏အသက်အန္တာရာယ်မစိုးရိမ်ရတော့မှန်း သိပြီးသည့်အချိန်မှစ၍ပင်။

ချီယွမ်၏အသားအရေတို့သည် သူ၏လူသားကိုယ်ခန္တာထက်ပိုမိုကာဖွေးဥနေလေပြီး သူ၏ဆံနွယ်မျှင်တို့သည်လည်းအဖြူရောင်သို့ ပြောင်းလဲသွားခဲ့လေပြီ။ အကြောင်းမှာ ပြန်လည်တည်ရှိသွားခဲ့ပြီဖြစ်သော သူ၏အမြုတေကြောင့်ပင်။ သူ၏မူလအသွင်ဖြစ်သော ပုံစံသို့ပြန်လည်ရောက်ရှိသွားခဲ့ပြီ ဖြစ်သည်။

ယွင်းရန်သည် ချီယွမ်၏ နှဖူးတဝိုက်ဆံနွယ်များကိုထပ်မံကာ သပ်တင်လိုက်ပေးလိုက်ရင် ကုတင်ဘေးတွင်ရှိသော စားပွဲပေါ်၌ ချီယွမ်၏ရင်ဘတ်ဝတ်ရုံထဲတွင်ရှိခဲ့သည့် ဆံထိုးကိုလှမ်းကြည့်လိုက်သည်။ ထိုဆံထိုးသည် နျူး၏မှတ်ဉာဏ်များပင်။ ယခုအချိန်တွင်တော့ မည်သို့ပင်ဖြစ်စေ သူသည် ချီယွမ့်အား နျူးအဖြစ်ရှိခဲ့သည် သူ၏အတိတ်ဘဝက ရင်နာစရာကောင်းခဲ့သည့် မှတ်ဉာဏ်များကို ပေးသိချင်စိတ်မရှိတော့ပါချေ။ ယခုအချိန်တွင် သူသည် ထိုကောင်လေးအား သူ့ဘေးတွင်သာ ထာဝရရှိနေရုံနှင့်ပင် ကျေနပ်နိုင်ချေပြီ။ သူ၏မျက်လွှာကိုတချက်ချလိုက်ပြီးတဲ့နောက် နေရာမှထကာ ထိုဆံထိုးကို ကောက်ယူလိုက်ပြီး သူ၏လက်ထဲတွင်ပင် စွမ်းအင်သုံးကာဖျောက်ထားလိုက်၏။ ထို့နောက် သူ၏ခေါင်းကိုအနည်းငယ်စောင်းလိုက်ရင်း