Unicode
နှစ်ရက်၊ သုံးရက် နေထိုင်ပြီးသည့်အခါ ဤနေရာမှထွက်သွားဟူသော ထိုဒေါင်းအိုကြီး၏စကားတို့သည် အချည်းနှီးအတိုင်းသာ ဖြစ်နေခဲ့ပြီး ချီယွမ်၏သူငယ်ချင်းပီသသော တိဟွအပေါ်တွင် မသက်ရောက်နိုင်ခဲ့ချေ။ ထို့ကြောင့်ပင် ထိုသူသည် ပြင်ပသို့ ထွက်လာချိန်၌ တိဟွ၏နားပူစွာတိုက်တွန်းမှုကြောင့် တိဟွကိုပါ တပါတည်းခေါ်လာခဲ့လိုက်ရတော့လေသည်။ မျောလွင့်နေသော တောင်ကုန်းသည် ထိုဒေါင်းအိုကြီး၏ သီးသန့်ကမ္ဘာငယ်လေးဖြစ်ပုံရပြီး သူသည် ထိုအစီအရင်အပြင်ဘက်သို့ ရံဖန်ရံခါမှထွက်ပုံရသည်။
" ဝါး...ဒီနေရာက ဒဏ္ဍာရီထဲမှာ ပျောက်ကွယ်သွားပြီလို့ ပြောနေကြတဲ့ ဒေါင်းမျိုးနွယ်တွေ စုစည်းနေထိုင်ကြတာလား၊ တကယ်ကို အလှမျိုးစုံနေကြသလိုပဲ။ မသေခင်မြင်ရလိမ့်မယ်လို့ မထင်မိတာတော့ တကယ်ပဲ။
ကျွန်တော်က ကံကောင်းတဲ့မြေခွေးပဲ။"
"....."
တိဟွက မိစ္ဆာ၊ နတ်မျိုးနွယ် ဒေါင်းအနွယ်ဝင်တို့ လူသားအသွင်သဏ္ဍာန်ရှိနေကြသော ရွာသားများ၏ သာမာန်ဆန်ဆန်နေထိုင်နေကြပုံကိုပါကြည့်ရင်း ထူးဆန်းကာအံ့သြနေပါ၏။ သူ့ရှေ့တွင် အေးချမ်းစွာလမ်းလျောက်နေသော ဒေါင်းအိုကြီးကတော့ သူ့ကိုဂရုမစိုက်ပါချေ။ တပြိုင်နက်တည်းတွင်လည်း အနှီဒေါင်းမျိုးနွယ်ရွာသားများက တိဟွအားထူးဆန်းသည့် အကြည့်တို့ဖြင့်ကြည့်လိုက်၊ သူ့ရှေ့ရှိ ဒေါင်းအိုကြီးအား စိုးရိမ်သည့်အကြည့်ဖြင့်ကြည့်လိုက်နှင့် လုပ်နေကြသည်ကိုပါ သူသတိထားမိလိုက်လေသည်။ ကြည့်ရသည်က သူ၏မူလကိုယ်ခန္တာသည် မြေခွေးဖြစ်တာမို့ ငှက်မျိုးနွယ်ဖြစ်သည့် ၎င်းတို့ ထိတ်လန့်ကြသည်က ထူးတော့လည်း မထူးဆန်းပါချေ။
" သူ...သူတို့က...အင့် "
ဒေါင်းအိုကြီးရုတ်တရက် ရပ်လိုက်တာမို့ ဘေးဘီကိုသာငေးရင်း မေးခွန်းထူတ်ဖို့ကြံနေသည့် တိဟွသည် ထိုသူ၏ကျောပြင်ကျယ်အား ဝင်တိုက်မိပါတော့သည်။
" အကြီးအကဲ....မင်္ဂလာပါ။ ပစ္စည်းလာယူတာပါလား။ "
လူတယောက်က ဒေါင်းအိုကြီးအား ရိုသေစွာဂါရဝပြုနေသည်ကို တိဟွတွေ့လိုက်ရပြီး ဒေါင်းအိုကြီးကတော့ ခေါင်းကိုအသာငြိမ့်ပြလိုက်သည်။ တိဟွက ရုတ်တရက် ဒေါင်းအိုကြီးနောက်မှ သူ၏ကိုယ်တဝက်ကို စောင်းငဲ့ကာ ထိုလူအားလှမ်းကြည့်လိုက်လေတော့မှ ထိုသူက သူ့အားမြင်သွားပုံရကာ ထိန့်လန့်လျက် နောက်သိူ့ဆုတ်မိသွား၏။
JE LEEST
The Deal With A Demon King
Spiritueelမိစ္ဆာဘုရင်တစ်ပါးနဲ့ တနှစ်တာ စာချုပ်ချုပ်ဆိုပြီးတဲ့နောက်မှာ သူ့ရဲ့ကံတရားက စတင်ပြောင်းလဲလာခဲ့တယ်။ ဒါမှမဟုတ် သူ့အတွက် ကံတရားကသတ်မှတ်ထားပြီးသားလား......
