The Deal With A Demon King

Part 50

Unicode

ယွင်းရန်၏အမေးကြောင့် တိဟွသည် ကျောပေးထားလျက်ပင် ရပ်တန့်မိသွား၏။ အနည်းငယ်တွန့်ဆုပ်နေမိပြီးတဲ့နောက်တော့ သူယွင်းရန်ဘက်သို့လှည့်ကာ ပြုံးပြလိုက်ရင်း

" ကျွန်တော် အဆင်ပြေပါတယ်။ ဝံပုလွေတချို့နဲ့ တိုက်ခိုက်ခဲ့ရတာမို့ အမြုတေအစွမ်းက အနည်းငယ်အားနည်းနေရုံပါ။"

ယွင်းရန်က တိဟွကိုသေချာကြည့်ကာ မျက်မှောင်ကြုတ်နေရင်းမှ သူ၏မျက်နှာကို သာမာန်အတိုင်း ပြန်တည်လိုက်ရင်း

" မင်းမှာကိစ္စတစ်ခုခုရှိတယ်ဆိုရင် ငါ့ကိုပြောပြလို့ရတယ်ဆိုတာ မှတ်ထားပေး။ ငါလက်လှမ်းမမှီနိုင်တဲ့အရာဆိုရင်တောင် ငါအကောင်းဆုံး ဖြေရှင်းပေးမယ်။"

ယွင်းရန်၏စကားကြောင့် တိဟွသည် များများစားစားတွေးမနေတော့ပဲ သူ၏မျက်နှာက ချက်ချင်းပင် ဝင်းပသွားရင်း ယွင်းရန်ကို ဂါရဝပြုကာ

" ကျေးဇူးတင်ပါတယ် အရှင်ယွင်းရန်"

" အင်း ဒါဆို မင်းကောင်းကောင်းအနားယူလိုက်အုန်း"

ယွင်းရန်သည် တံခါးမှထွက်သွားပြီဖြစ်သော တိဟွကိုလှမ်းကြည့်နေရင်း သူ၏ပုလ္လင်တွင် ပြန်ထိုင်လိုက်သည်။ တိဟွမည်သို့သောအရာနှင့် ကြုံတွေ့ခဲ့သည်ကိုသူသိသည်။ ဝိညာည်ခွဲဓားမြှောင်ကို ပိုင်ဆိုင်သူသည် တချိန်ကစစ်နတ်ဘုရားဖြစ်ခဲ့သည့် တော်ဝင်ဥဒေါင်းမျိုးနွယ်ဝင် ပိုင်ယင်းချီဖြစ်ကာ ထိုသူသည် ဇာတ်မြုပ်နေခဲ့ပြီး သူ့ကိုတွေ့နိုင်ဖို့နည်းလမ်းသည် တစ်ခုသာရှိသည်။

*ထိုသူ့အား တွေ့ဆုံချင်သည့်သူသည် ဥဒေါင်းမျိုးနွယ်ဝင်သာဖြစ်ရမည်။ *

ပုံမှန်သာဆိုလျင် ယွင်းရန်က တခြားသောနည်းလမ်းကိုသာ လိုက်ရှာမိလိမ့်မည်ဖြစ်ပြီး  ချွင်းချက်အနေဖြင့် တိဟွသည် ထိုနတ်ဘုရား၏ အမှတ်အသားပြုထားခံရသူဖြစ်သည်။ ထိုအရာကို သူနှင့်တိဟွပြန်ဆုံသည့်အချိန်ကတည်းက သိနေခဲ့တာဖြစ်ပြီး တိဟွကိုယ်တိုင်ကတော့ သိပုံမပေါ်ခဲ့ချေ။ ထိုအချိန်က တိဟွ၏ကိုယ်၌သည်ကပင် မှတ်ဉာဏ်ဖျောက်ဖျက်ခံထားရသော အခြေအနေမှာရှိနေခဲ့ပြီး ထိုအချင်းအရာက တိဟွအား နှစ်တထောင်အတွင်း ဖြစ်ခဲ့သမျှမှတ်တမ်းများကို မသိနိုင်တောင်အောင် လုပ်ထားခဲ့ပုံရသည်။ သို့သော်လည်း တိဟွထံတွင် မည်သည့်ခံစားချက်၊ နာကျင်မှု ၊ မှတ်ဉာဏ်ရှုပ်ထွေးမှု တို့မျှမရှိအောင် သေချာဖျောက်ဖျက်ပေးထားမှန်းသိသာ၏။ ထိုကိစ္စမျိုးသည်ကလည်း ရှေးယခင်နတ်ဘုရားများသာလုပ်နိုင်မည့်ကိစ္စဖြစ်လေသည်။