كوم يا دفان واقصد كربله
واري اجساد البگت فوگ الثره
لاغسل واعله التراب اموثره
لملم بايدك عظام امكسره
صارت الخيل العده ميدانها
گوم يادفان واگصد كربله
صد يدفان لأرض الها الجسوم
ضارجه ياويلي ابحر الدموم
والسباع الضاريه عليهه تحوم
عاريه ابكفرت هجير ابدانها
گوم يادفان واگصد كربله
حين توصل كربله للطيبين
لين الگاع ابمصب دمعة العين
بيها احفر حفره لنصار الحسين
صفوه الشجعان من فرسانها
گوم يادفان واگصد كربله
تالي يا دفان بالون والنحيب
يمهه شگ لحدي لجن خله جريب
وادفن بوسط اللحد جثة حبيب
شيخ لانصار وزعيم اركانها
گوم يادفان واگصد كربله
تالي روح احفر گبر لاچن جبير
بيه دفن سباع طعش كوكب يصير
من بني هاشم ولا انهم نظير
اشراف كلهم من نسل عدنانها
گوم يادفان واگصد كربله
تالي روح للعلقمي وصد بالنظر
تلگه جن النجمين وگعن يم گمر
مو گمر عباس هذه اعله النهر
جثته ويمها اوگعن ذرعانها
گوم يادفان واگصد كربله
بالگبر واري يعقلي اجنازته
ما اوصيك ادفن اوياه رايته
بلجن اتخضر مناره امجانها
گوم يادفان واگصد كربله
تالي يادفان من المشرعه
حين عباس يتوارى ابمضجعه
روح لم حسين جسمه وجمعه
اموذره اعضاءه ابوسع گيعانها
گوم يادفان واگصد كربله
أنت تقرأ
كلمات لطميات باسم الكربلائي وغيره من الرواديد ٢
General Fictionكلمات لطميات باسم الكربلائي و غيره من الرواديد اجمل صوت في هذه الدنيا اكتبوا قصيدتكم المفضلة في التعليقات وان شاء الله اكتبهه الكم❤️😊
