Pretending Mrs. Acosta (COMPLETE)

Chapter Twenty-seven

Carlo's POV

            "Can you please smile?"

            Hindi ko pinansin si Charlotte habang panay ang ngiti niya sa harap ng camera at panay ang kislap ng flash sa aming dalawa. Dumampot ako ng shot glass mula sa dalang tray ng isang dumaan na waiter at mabilis kong tinungga iyon at ibinalik ang shot glass doon.

            "For Pete's sake, Carlo. Umayos ka naman." Ramdam na ramdam ko ang iritasyon sa boses ni Charlotte. Mabilis siyang ngumiti ng may dumaang bisita sa harap namin.

            "Why do I need to smile? Nakakuha ka na naman ng magagandang shots para sa Instagram mo. And this is your baby shower." Sagot ko sa kanya. Sumenyas ako sa waiter at muli akong nagsenyas na magdala pa ng alak sa akin.

            "Our baby shower." Pagtatama niya. "Anak natin ang ipinagbubuntis ko."

            Tumawa ako ng mapakla at kinuha ko ang iniabot na baso ng alak ng waiter. Tumingin ako sa paligid at parang gusto ko na talagang kumaripas ng takbo mula sa lugar na ito. This is just like our wedding. Staged. Fake. Everybody thinks that we have a perfect and successful married life. Katulad lang din ito ng social media accounts ni Charlotte. Isang malaking fake.

            "Congratulations."

            Hindi ako ngumiti kay Hans at kay Travis ng bumati sila sa akin. As far as I remember, hindi ko naman ininvite ang dalawang ito.

            "What the hell are you doing here?"

            Nagtinginan si Hans at Travis na parang nagulat sa tanong ko.

            "We heard that you are going to be a father so iko-congratulate ka namin," sagot ni Hans.

            Nasilaw ako sa biglang pag-flash ng camera at inis kong itinulak ang photographer na gumawa noon.

            "Get off my fucking face!" Inis kong sabi dito.

            "Hey. Hey. Stop it." Mabilis na awat ni Travis at sinenyasan ang nagulat na photographer. Si Travis na ang humingi ng pasensiya dito.

            "Medyo nakainom na at pagod. Pabayaan muna natin. Pasensiya na." Iyon ang narinig kong sabi niya.

            Napatingin ako sa gawi ni Charlotte at nakita kong seryoso lang siyang nakatingin sa akin.

            "What?" Baling ko sa kanya.

            "What the hell is wrong with you? Nakakahiya sa mga bisita." Sagot niya sa akin.

            "Anong nakakahiya dito? Ayaw mo bang malaman nila na fake lang 'to? Fine I got you pregnant pero alam mong hindi ko gusto 'yan."

            Gumuhit ang sakit at pagkapahiya sa mukha ni Charlotte. Nangingilid na rin ang luha niya.

            "And you got the shots that you need. May nai-post ka na sa socmed mo 'di ba? Nakita na ng madla na sobrang sweet tayo. Ano pang gusto mo? Halikan pa kita?" Wala na akong pakielam kahit marinig ng magulang ni Charlotte ang mga sinasabi ko sa anak nila.

            "Get out." Narinig kong sabi ni Travis at mabilis akong hinawakan sa balikat at patulak na pinapaalis doon.

            Hindi na ako sumagot at tinalikuran ko na si Charlotte. Painis akong lumabas doon. Bahala sila sa buhay nila. Magsaya sila hanggang gusto nila.

            "What the hell is wrong with you? Ganyan mo tratuhin ang asawa mo? What happened to you, Carlo?" Dama ko ang iritasyon sa boses ni Travis ng makalabas kami ng hall.