يبو حسين *** هاي النهايه
يبو حسين *** مثل البدايه
يمنقذ يوسف امن الجب
ويالمعلم زليخه الحب
براكين الدموع اتصب
وكلشي الليله مستغرب
دمك من نزف يخطب
وعطوه للفرض يطلب
ركعتين *** بس مو كفايه
يبو حسين *** مثل البدايه
يبو حسين *** هاي النهايه
يبو حسين *** مثل البدايه
حقهه العالم اتحسدك
اعله حسن العاقبه العندك
بيهه اتميزت وحدك
لا قبلك ولا بعدك
من بيت الله ولمهدك
ومن بيت الله ولحدك
مقامين *** عدنه الروايه
يبو حسين *** مثل البدايه
يبو حسين *** هاي النهايه
يبو حسين *** مثل البدايه
جبل صفوان يالوصفك
وكفت وما وكف نزفك
علي وبس العلي ايعرفك
كل النبي من تكلف ايكلفك
جنه بالسلم عطفك
وجهنم بالحرب چفك
حصل وين *** رايه اعله رايه
يبو حسين *** مثل البدايه
يبو حسين *** هاي النهايه
يبو حسين *** مثل البدايه
السمه بسماك تتضلل
الهوه بهواك يتعلل
بكل فتنه السكوت افضل
وملكته بغيبة المرسل
الرابع لقب ما قلل
المهم عند الله انت اول
قوانين *** لكل قصه ايه
يبو حسين *** مثل البدايه
يبو حسين *** هاي النهايه
يبو حسين *** مثل البدايه
الوعد ما تكمل اسنينك
لحد السنه وستينك
فزت والله اربحت دينك
يحيدر عاشت ايمينك
تطلع للسمه بحينك
وعين الله على عينك
عشت بين *** زحمة رزايه
يبو حسين *** مثل البدايه
يبو حسين *** هاي النهايه
يبو حسين *** مثل البدايه
الزمن راح وخلص نحبك
وواقعنه تره ايشيبك
يفجرونه على حبك
وكبرنه احنه بكبر گلبك
تعبت وشيدت دربك
وحرام امضيعه تعبك
موالين *** حته المنايه
يبو حسين *** مثل البدايه
يبو حسين *** هاي النهايه
يبو حسين *** مثل البدايه
أنت تقرأ
كلمات لطميات باسم الكربلائي وغيره من الرواديد ٢
General Fictionكلمات لطميات باسم الكربلائي و غيره من الرواديد اجمل صوت في هذه الدنيا اكتبوا قصيدتكم المفضلة في التعليقات وان شاء الله اكتبهه الكم❤️😊
