سهام الحُب

البارت العشرون

مر اربع سنوات وكان هذا اليوم تحديدا ذكرى وفاه والده عمر وشريف التى ذهبت للقاء ربها بعد طلاق ابنتها رهف بــ10 شهور تقريبا

فذهبنا لنرى الوضع بالفيلا ماذا حدث لهم بعد ما الابناء فقدو والدتهم

كانت سارا جالسه فى مكتب زوجها تقرا كتاب , فأتت اليها ناهد حامله فنجان نعناع لها : اتفضلى يا ست سارا

سارا تقوم برفع نظارتها الطبيه : متشكره جدا يا ناهد ها محمد جه ولا لسه

ناهد : لا لسه بس ملك جت وطلعت فوق من شويه

سارا ترشف قليل من المشروب الساخن : ماشى يا حبيبتى روحى انتى عشان ما تتعطليش

وقبل ما تذهب ترجع لها مره اخرى

سارا تنظر لها بتعجب : فيه حاجه يا ناهد

ناهد بتعلثم متردد تقول: بـ بـ بصراحه اه , دعاء بنتى سخنه شويه لو ممكن يعنى اجبها عندى فى المطبخ بدل ما تقعد لوحدها فى البيت واقلق عليها

سارا : وانتى بتستئذينى يا ناهد ولا ايه , البيت ده بيتنا كلنا من اصغرنا لاكبرنا , وما تنسيش انها رغبه ماما الله يرحمها ان انتى وبنتك تقعدو فى الاوضه اللي فى الجنينه اللى كانت قاعده فيها داده سعاد الله يرحمها يعنى تيجى وتقعد معاكى لو تحب كمان تيجى هنا وتقعد معانا او تروح لملك اوضتها

ناهد بأبتسامه عريضه : يارب يخليكى ويكرمك ويفرحك بابنك يارب بعد اذنك

اسرعت لها ناهد لكى تفرحها بانها هتجلس معها : خدى اشربى ده هيريحك

دعاء وترشف مشروب دافى : يعنى واقفت يا ماما

ناهد : ايوه يا حبيبتى ست سارا دى حته سكره صدقت ستك الله يرحمها لما قالت انها تشبه ست صفيه فى شبابها الله يرحمها ويدى ست سارا العمر الطويل

دعاء : طيب وطنط بثينه افرضى شافتنى عند ملك زى المره اللى فاتت وزعقت تانى

ناهد : اهى دى بقى ربنا يهديها ويسامحها اقولك اتجنبيها خالص يلا خلصى الينسون واطلعى لملك كانت بتسألنى عليكى اول ما جت من مدرستها

دعاء : حاضر يا ماما

***********ريهام***********

كانت رهف منتظره المصعد لكى تصعد به الى الطابق العلوى لمكتبها

فوجدت احد ينادى عليها التفتت وظهرت ابتسامه رقيقه على شفتيها: ازيك يا رضوى

رضوى تسلم عليها وتعطى لها ورق : الله يسلمك يا بشمهندسه رهف

رهف نزعت عنها نظارتها الشمسيه وتتصفح الاوراق : تمام هاخدهم فوق واشوفهم لو فيه حاجه هكلمك

رضوى : تمام بعد اذنك

رهف وكانت بتضغط على زر المصعد وتصعد به الى مكتبها والتقت باحدى العاملين اثناء توجهها الى مكتبها