سهام الحُب

البارت الثالث والعشرون

دخلت غرفتها فاوجدتها شارده الذهن وكانت وافقه بتنظر الى الحديقه

سارا: رهف

رهف نظرت اليها وكانت بها بعض الدموع

سارا: انتى بتعيطى ليه حصل حاجه

رهف ذهبت اليها مسرعا الى حضنها وبكت

سارا : مالك يا هوفه فيكى ايه حبيبتى

رهف ببكاء: انا تعبانه اوووى يا سارا

سارا باستغراب: تعبانه مالك قوليلى مش انا سارا اختك

رهف نظرت لها بحنان وببكاء اقل: يعنى هاتفهمينى

سارا وتاكدت مابها: اكيد تعالى نقعد على السرير واحكى لى

ذهبت رهف مع سارا على السرير وبدات ان تحكى لها عن حبها لاحمد وهى مش قادره تبعد عنه

*****************

صفيه: شريف نزلت ليه خليك قاعد مع سارا فوق

شريف: لا انا هاروح مشوار كده ومش هاغيب وكمان سارا عند رهف فى اوضتها

يارا تعقد حاجبها : عند رهف ليه فيه حاجه

شريف: هو لازم يكون فيه حاجه عشان تقعد معاها ده انتى غريبه يا يارا

يارا: طيب هاروح اشوفهم واقعد معاهم

صفيه: يارا لا استنى عايزكى

شريف: طيب هامشى انا ماما مش هاوصيكى على سارا

صفيه: مش محتاجه لوصيه سارا دى بنتى الثالثه

يارا: ها يا ماما كنتى عايزانى فى ايه

صفيه: اصبري على رزقك شويه

وتعالى نقعد فى اوضه الضيوف عشان محدش يسمعنا

يارا: محدش يسمعنا ليه هو احنا ها نحضر عفريت

صفيه: بت مش عايزه منقره ادخلى

يارا دخلت وجلست على كنبه: اممممممممم شكلها حاجه مهمه يا صفصف مش كده

صفيه وجلست بجوارها وقالت بهدوء : قوليلى بقه انتى ليه كلمتى تامر بالاسلوب الزباله ده النهارده

يارا وقفت وقالت بحده :نعم!! هو لحق يقول لمامته وتيجي تشتكيلك لالالا انا مش عايزه اتجوز البني ادم ده

صفيه: اقعدى عشان ما اتنرفز عليكى هو لعب عيال ولا ايه

يارا: ماما انا لسه ما قررتش انى اوفق ولا ارفض

صفيه: انا عارفه بس انتى هاتوفقى يا غبيه ده ولد وحيد وطيب وهاتجيبه من ايدك دى لايدك دى وعنده مال كثير وكمان هاكون مبسوطه لما تتجوزيه دى كفايه ان امه صحبتى عايزه حاجه غير كدا

يارا: ايدى ورجلى ايه بس ياماما انا محبش الطريقه دى وكمان انا عايزه اتجوز راجل له شخصيه زى اخواتى وابيه جمال اخو سارا مش انا اللى احركه زى ما طنط سميره بتعمل معاه وكمان دا مالوش شخصيه اساسا والدليل انه بعد ما قفلت معاه راح وحكى لمامته كل شى حصل فى المكالمه يبقى دا ايه بقه