سهام الحُب

البارت الثاني عشر

نذهب فى غرفه نوم نرى بثينه تلقى بولدها داخل فراشه بهدوء وتذهب الى دوره المياه

ويدخل الغرفه عمر ويلاحظ نوم ولده ويقوم بتغيير ملابسه الى ملابس النوم ويركض الى الفراش

وهى تغادر دوره المياه اندهشت لوجوده بل وخلوده الى النوم بكل هذه البساطه

بثينه : عمر ممكن اتكلم معاك

عمر بنبره نوم : انا عايز انام

بثينه وتجلس بجواره : انت عجبك اللى احنا وصلنا ليه يا عمر شوف حياتنا وصلت لفين

عمر : والله اسألي نفسك انا زى ما انا انتى اللى اتغيرتى وبقيتى واحده تانيه تردى وتزعقى وتتعصبى ليه كل ده

بثينه : بس انا اعتذرتك كتير وانت ماقابلتش الاسف بتاعى وكمان اتمديت فيها بقيت كأنى مش فى حياتك تاكل وتمشى على طول تنام فى ركن لوحدك حتى بودى بطلت تشيله زى الاول

عمر وينهض من ع الفراش : لا والله ما انتى كمان نكديه تشوفى النكد فين وتروحيلو انا واحد طالع عينه فى الشغل ليل ونهار وحضرتك مش تكونى معايا وجمبى لا ازاى تقومى تزودى عليا كمان بمشاكلك وكله كوم وحكايه انك ترجعى شغلك دى كوم تانى

بثينه : بس انا قفلت عليها مؤقت لحد ما بودى يكبر انا زهقت من قاعده البيت ونفسى ارجع الشغل تانى وصدقنى يا عمر هوفق بين شغلى وبين بيتى

عمر وينهض من الفراش ويركض الى مقعد بجانب السرير : وانا قلت يا بثينه مفيش شغل لانك مش هتعرفى توفقى بين مذاكره ملك ورعايه عبد الرحمن وانا طبعا ماهو انتى هتبقى مش فاضيه بقى يدوب هتيجى تقعدي شويه معانا وبعدين هتنامى ولما نتكلم تقولى شغلى بدرى صح ولا انا غلطان

بثينه وتذهب اليه : صدقنى هعرف اوفق بينكم وبين الشغل يا عمر انا ليا اصحابى كلهم متجوزين وعندهم بدل العيل 2 و 3 وقايمين بواجبهم مظبوط

عمر ويطلق تنهيده :وانا قلت مفيش شغل يا بنت الحلال عجبك الكلام ده عجبك مش عاجبك انتى حره وتصبحى على خير

ويركض الى باب الحجره ومنه متجه الى غرفه ابنته وينام هناك بجوارها

********ريهام********

وفى منزل اخر وحجره اخرى نرى زوجين فى اشد سعاده بالغه ويتناولون بعض انواع التسليه الخاصه بالسبوع

احمد ويفصص بعض الفول السودانى لزوجته : بالهنا يا قلبى

رهف التى تضع راسها ع قدميه : حلو اوى الفيلم ده بيفكرنى بــ بابا الله يرحمه

احمد : الله يرحمه اصلا كل افلام اسماعيل ياسين ما شوفتش احلى منها

رهف وتنهض وبدلع وتضع بفمه احدى واحدت الفشار : يعنى احلى منى انا يا اميرى