حوبه گلب سيد ج١+ج٢

البارت الثاني عشر

علي
*********
نايم وفززني صوت الموبايل📲 اخذته وشفته سيف وباوعت للساعه 12 فتحت الخط وقلت

📞...الوو

📞...الوو سيد اسف كعدتك من نومك

📞...لا سيف ما صار شي خير

📞...سيد اطلب منك طلب بس عليك هو جدك محمد ما تردني لخاطر شيبات ابوي وابوي بلمستشفى بين الحياه والموت

قهرني صوت سيف الي يبجي بحركه من الله لا ينطيج يا شهد على هل سالفه 📞...احجي خويه سيف امر

📞...الامر لله مولاي بس اريد منك هل شغله تسويها وبعد ما رايد منك شي

📞...صار يجرالج سيف مهما يكون شهد هم اسمها مرتي وما اكدر اجيب لروحي شبها صار ساعه ويمك اني

وسديت التلفون وبدلت ورحت حجيت لابوي وامي علسالفه لكلها الي سيف وابوي كال عين العقل هيج ما راح يكون عليكم اي حجي بعدين رحنا للمستشفي وبعد الاجرائات اخذنه شهد ورحنا للنجف ندفنها

(**حبايبي تره هيج اجتني القصه وما اضافلي السيد اي كلمه عن شنو الصار بوكتها بس كل الي كاله الي حاولي تختصرين هذي المرحله بسرعه و بعدين راح يتوضح الصار بهل فتره )

وبديت اوكف بلفاتحه ولمده 3ايام اني تعبت موت اني واهلي والناس والرايح والراد تعبت نفسيتي حيل واتاذيت بقيت معتكف بغرفه حوراء اختي لئن من ثاني يوم بلفاتحه طلعت اغراضي وملابسي من غرفتي ذيج ونقلتهن بهذي الغرفه ما اريد شي يذكرني بيها انام واكعد بدون صوت شغلي هملته اكلي قل نومي كثر الجكاره ما فاركت ايدي ابد مهما يكون صدماتي من شهد هوايه شكد حبيتها وشكد دللتها وشد تحملت لسانها واخلاقها الزفت كل شي يهون عندي وجان الرابح بكل شي هيه شهد وحتى من سمعتها تحجي وياه بلتلفون حاولت انسه اواتناسه لئن ما اكدر انزل راسي واكول مرتي خانتني واني سيد واهلي معروفين تصير سالفه جبيره عريضه وتروح بيها دموم اذا كانت تنكر بوكتها بس من وصلني الصور لا بعد ما تحملت لئن اثاري الخيانه مو بس بلسان وحجي تلفون لا جانت جسديه بدون ما ادري شكد دعيت عليها بذيج الفتره ااااه حركت قلبي وحتى من اخذها سيف من عدنه ردت اخابره واكوله خلي ترجع بس كرامتي ورجولتي ما سمحتلي انطويت على نفسي وبديت اكره الحياه جانت اغلب طلعاتي من البيت للزياره افرغ همي يم الائمه وادعي كون الله يبعد هل غمه مني •••••••

والحمد لله اتجاوزت الازمه بفضل الله واهل البيت ورجعت لشغلي

والحمد لله كدرت اوقف مره ثانيه بعد وكعتي وراحت ايام واني اتحسن يوم عن يوم بس لا روحي طاب جرحها ولا قلبي انجبر كسره اتناسه الي صار بيه والله الايام الي راحت ابد ما نسيت طعمهن والحنظل الي جرعته لساته مر بحلكي يجوز  تكولون ما مبين عليك الي صار ومر عليك شي عادي بس اقول والله محد يحس بلي عشته غير بس الي عايشه مثلي واسأل الله ان يبعدكم عنه ويحفظكم