حوبه گلب سيد ج١+ج٢

الحلقه ١١ ج٢

صباح الخير ورداتي الحلوات 💐

رجعت وياكم بلحلقه ١١ ج٢ من حوبه گلب سيد

اتمنى لكم متابعه ممتعه

لا تنسون التصويت والتفاعل بلقصه لئن مجاي اشوف اي تفاعل مع ذالك مستمره انزل 😔

نبدي بأسم الله ونبلش

🌺🌺🌺🌺🌺🌺

سديت التلفون بوجهه واني ارجف
نذل...
حقير...
حيواااان...

يساومني.... هيج وصلت بيه الدنائه والحقاره والسقوط يساومني

لطمت علی وجهي عزااااااا... عزااااااا..

شحجي شگولللللل.... شلون....

شلون...!!!
المن اكول.. والمن اشكي..
شگول اصلا...؟؟؟
ومنو يصدكني وهو عنده صوري...
والمحادثات مفربكهن اعرف بيه لئن اصلا اني ما عندي رقمه ولا عنده رقمي منين جاب رقمي والصور

بالله رقمي يكدر ياخذه من اخواته او مره عباس بس الصوررررر....!!!!

ضليت امشي بلغرفه وادك على وجهي.. صخام الصخمني.... شلون بيه شلووون؟؟؟

اكول لعلي بس خاف ميصدكني وعباله مثل شهد..! واتخبل لو اشوف نظره الشك بعينه

اكول لاهلي...خاف يسمع و يفضحني بين العالم هل نكس؟؟؟

وين اروح والمن اتجه؟؟؟

منو يصدك بيه لو حجيت..؟؟

اهلي شلون؟؟؟

بابا الي كلي لا تكسريني.... يكول تربيتي وتربيه غاليه ما تسوي شي غلط ... اجي اطين روسهم بسبب ابن اخوه...

زين وسيف اخويه الي رافع راسه بيه وكله يكول انه اخو نسمه من يحلف بيناتنا .. اجي بسوايه واحد منحط انزل راسه

وماما... ماما شيصير بيها لو يجون ويعايرونها بيه؟؟؟ ها بنتج ويه ابن عمها براس رجلها...

اااخ راسي راح ينفجر من التفكير

مستحيل... مستحيل اخلي احد يجيب طاريهم .. ما عندي حل غير لو انطيه الخمسه واني اصلا ما املك هيج مبلغ..

لو اروحله...!!!!

اموت كافره ولا اخلي نكس مثله يلمح خيالي

زين لو انتحرت هم راح يكولون ليش انتحرت... وشراح يصير بيهم من ورايه بكل الحالتين اني اأذيهم

ااااااااااه يااللللللللله... راححح اتخبلللللل

للعصر احس ضغطي وسكري علكن ثنينهم وعيوني بعد ما اشوف بيهم وخشمي احسه انسد انكطع عني الهوء

من سمعت صوت علي الي صاح بأسمي من جوه

: نسممممممه.....

رجعت بخطواتي بخوف الى ان انظربت بلميز مالت الجربايه على الميز كلاص كزاز وكع بلكاع وتطشر حسوني صرخ واني الرجفه لازمتني ونظري غوش
خفت...
خفت حيل لا سواها فراس ودز لعلي الصور..