حوبه گلب سيد ج١+ج٢

الحلقه ٥ ج٢

صباح  الخير ورداتي 💐

رجعت وياكم بلحلقه ٥ ج٢ من حوبه گلب سيد

اتمنى لكم اوقات ممتعه

لا تنسون التصويت والتفاعل لئن مجاي اشوف اي تفاعل 😔

نبدي بأسم الله

🌺🌺🌺🌺🌺🌺🌺

مشت الايام بينا واحنا يوم زينين ويوم لا ...
ويه كل يوم يمر تمر فتره من حياتي بين زوجي وبنتي وطفلي الي داخل احشائي الي يكبر يوميه ..ويه عائلتي العلويه والسيد الناس الفقره الي خايفين الله والي جنا نفسنا نكرههم كره العمه بسبب حقد شهد عليهم
كرهتنه بيهم وبكلشي يخصهم بنفاقها وجذبها ...
من عاشرت علي بامريكا عرفت شهد على حقيقتها وبعد ما سولفلي عنها شكد جنت احبها كرهتها ومن تطلكنا اني وعلي عرفت باهلي يعرفون بيها بس شيسوون سدو السالفه من ذاك اليوم الي اندفنت بيه وخلص عمرها

غيرتي على السيد علي تزيد ويه كل مره تجينا بيها ايمان او يرحون بيها الهم مرات هوااااي تتصل عليه بحجه محتاجه مساعدتك بفد حاجه وتضل تسولف حتى هو كام يلاحظ مو بس اني شون جاي تتقرب منه اكثر
ويه افتتاح عيادتها قلت جياتها النا بس كثرت الو هواي
ويه علي
وبيوم الي تفتح بيه العياده وتستقبل اول مريض سوو غده لوجه الله تعالى وعزمو الكل

: نسمه عيب عمتي عزمت العائله كلها شنو ما ترحين

جنت كاعده ارتب الملابس على الجربايه ويمي فرح تخرب بيهم : علاوي كتلك من يوم الي عزمت بيه لا تحسب حسابي

واكف بعصبيه يم الباب ويحجي : ولج عيب تدرين شنو عيب !!

باوعتله وكلت : روح انته ...ما اريد اروح اني ...ولا تنسى ايمان اكدت على جيتك الك ..اني ما اتحمل اروح لهناك

تقرب مني وكال : شنو هل حجي !!!

: اني احجي الحقيقه علي ..رفعت عيني بعينه وكملت كلامي : ما اكدر اروح لمكان وادري اكو وحده تحب رجلي ..علي نار تسعر بيه من اشوف نظراتها الك لو اسمع صوتها يتدلع عليك ..خليني هنا لا من شاف ولا من دري وانته روح

كعد كبالي : هل كلام عدينا احنه مو ..كتلج ما اشوف غيرج بحياتي ليش نعيد ونزيد بهل كلام ؟

: هذا اني وانته عدينا بس غيرنا ينتظر اقرب فرصه تتقرب منه وانته لاحظت شكد تتصل عليك بلصغيره والجبيره

: ابن عمتها واخوها ما بيها شي

: ابن عمتها صح بس اخوها لا ...علي انته تشوفها اخت بس هيه لا ..افهمني ولو لحظه علي لحظه وخليك بمكاني لونفرض  مثلا عرفت بشخص يحبني .......

بعدني ممكمله كلمتي جرني من ايدي وخزرني : هييييي ..لسانجججج

جريت ايدي وكمت : كتلك مثلااا مثلااااا ...