صباح الخير ورداتي 💐
رجعت الكم بلحلقه 3 من الجزء الثاني من قصه حوبه گلب سيد
اوقات ممتعه اتمناها لكم
🌺🌺🌺🌺🌺🌺🌺🌺
ــــــــــــــــــــــــــــــــــــــــــ.…
رفعت راسي وجان اشوف علي واكف يمي وعاقد حواجبه : شبيج ليش هنا كاعده ؟؟؟
ابتسمت وكتله : ماكو شي حبيبي بس شويه اختنكت وطلعت اشم هوه
ضل يباوعلي وكأن ما مصدك كلامي
سألته وعيني تفتر على كل جسمه : مبدل !!!! وين طالع ؟؟؟
شمر جكارته بلكاع وداسها برجله وكال : اوصل عمتي واجي
بعدنا نحجي طلعت ايمان تتبسم وتقربت من سياره علي ووكفت يم باب الصدر وكالت بصوت مايع : هياتنه اجينه علييي
باوعت الها وراحت عيني على علي الي نكلب وجهه احمر وحسيته عرك عمته وامه وحوراء واكفين يكملون سوالفهم وما منتبهين الها
خزرته حيللل وكمت من مكاني وفتت من يمه ودخلت للبيت نااااار ياللله ناااااار محترك صدري من الصبح لهسه شبيه بس اريد اعرف رحت للسنك اكمل الي عفته الجو بارد والمي بارد بس ما جاي احس ببروده ابد
شويه ودخل علي لكاني اغسل تقرب مني وكال : شويه وراجع
ما حجيت ولا درت عليه اصلا
خله وطلع كملت شغلي ورحت لكيت عمتي بلصاله كاعده ويمها فرح ترسم
: عمه بس اسبح واجي فرح يمج
: اي يمه روحي ما عليها شي
رحت صعدت فوك اخذت ملابس ودخلت جوه الدوش مي بارد بس احسه يوكع على جسمي يصير جمر معقوله هيج نار الغيره تسوي ..وعليمن اغار ومنمن من ايمان ...زين ليش .. اهوووو هسه شكو اكل بكلبي
....جنت ناسيه قصه علي ويه ايمان مجانت تجي بالي ابد ولهذا ضليت اكل بنفسي واني جاهله سبب تصرف ايمان وياي ...
كملت سبح وبدلت لفيت المنشفه على راسي وطلعت شفت علي كاعد على الجربايه باوعلي وكال ببتسامه : نعيماً كلبي
كلت بهدوء : ينعم عليك
وكفت كدام المرايه وسحبت الكرسي كعدت عليه وعيني تروح وترجع عليه يباوعلي وعاكد حاجبه مستغرب من هدوءي
كال وهو يوكف ورايه : نسمه ؟؟
باوعتله من المرايه وكلت : همم !!!
: للمره لاخيره راح اسأل شبيج ؟؟
عيني بعينه وكلبي نارر بلعت ريك وكتله واني انزل راسي واخلي ايدي على المنشفه اوخرها من شعري : ما بيه شبيك.... بس يمكن مستبرده !
تقرب مني وخلى ايده على اديه وسحب المنشفه وخلاها على كتفي دنك باس راسي وكال : ولو مو مقنع كلامج... بس راح اعدي بمزاجي كملي ولفي راسج لا تخلينه هيج
YOU ARE READING
حوبه گلب سيد ج١+ج٢
ChickLitكسرتو قلبي وذليتوني وجنيتو عليه وانه سيد ومظلوم ومكسور قلب روحو عساها ما تعداكم واشوف بيكم الي يبرد كلبي
