حوبه گلب سيد ج١+ج٢

البارث الثامن والعشرين

نسمه

بعد صحيت بلمستشفى وشفت الكل كبالي تحمدولي السلامه والحت مامي ناهد (تحب اسميها هيج لئن صدق مثل امي جانت)
ان اكل واكلت شويه ودخل علي هو وايهاب وسلم عليه وما رديت السلام بس جنت مشتاقه لشوفته بكد رحمه الله وحجه ورد عليه ايهاب وبقو يظحكون واني بداخلي نار العشق تحرقني من قربه

لحد ما دخل الدكتور وفجر القنبله وطلع اني انصدمت
وعلي ما تحرك من مكانه والجميع بده يبارك اني كاعده علسرير وكبالي مامي ناهد وجنبي جانت لارا لافه ايدها على جتفي حاظنتني واليد الثانيه مخليتها بيدي علي دار وجهه عليه اني دفنت وجهي بصدر لارا وعصرت ايدها حيل ما ردت شي يقربني منه اكثر،وارجع انصدم مره لاخ

علي
بعدني بصدمتي من الخبر واشوف الجماعه تهنيني وتطلع درت وجهي واشوفها ضامه وجهه بصدر لارا ما اعرف شنو جان احساسي بس الي اعرفه صدمه اي صدمه بعدني ما مستوعب الخبر وقالت ست ناهد ...مبروك الكن اكتير فرحت بدو الله يجمعكون ما بدوياكم تتركو ابني علي انتبه لنسمه وحاولو تحلو مشاكلكو ...وراحت لنسمه وقالت ...نسمه انتي هلا صرتي ام ارجعي لبيتك ولجوزك والله يهنيكو سامحيه ونسي بنتي

نسمه درت وجهي عليها وقلت ...مستحيل ...مستحيل اسامحه او انسه الجرح الي جرحه الي خله اثر بنفسي قبل جسمي

علي اسمعها واتدمر صح غلطت وندمان بس الي صار صار قلت ...نسمه ارجوج سامحيني والله ما كنت صاحي تتوقعين اسوي هيج لو اني بوعيي

نسمه باوعت لمامي ناهد وقلت ...مستحيل اسامحه وثمره الغلط لا يمكن اجنيها

قالت ...استغفري الله نسمه شو الي عم بتولي ها ابنك من جوزك مو مهم كيف خلئ المهم هلا هوي نفس داخلك لا تكفري بنتي

علي نار صعدت لراسي ورحت عليها دنكت عليها وحجيت بصوت ناصي ...لج انتي شنو اتوسل بيج على حقي عليج ...

نسمه باوعتله بخزر وقلت ...اتزوجنا غصب وعشنا حيات همه قرروها وصار كلشي فوق ارادتنا ليش بعد نصلح الغلط بلغلط سيدد

علي خزرت عليها وكلتلها بعصبيه ...شوفي الصبح اجي اخذج للبيت وكافي عاد مصختيها

نسمه ...يا اخي ليش تلح ما اريد ارجع وياك

علي اتقربت عليها حيل ودنكت الها خليت ايد علحايط وايد خليتها يمها علسرير وتقربت يم اذنها وقلت ...باجر الصبح اجي اخذج افتهمتي

نسمه تقرب مني حيل واسمع انفاسه وعطره دخل بخشمه درت وجهي بغضب عليه وقلت ...واذا ما رجعت

باوعلي بعيون نار وقال ...اراويج وجهي الثاني نسمه خليني ماسك نفسي

ووخر وقال ....اياني واياج ما الكاج هنا  ...رجع باوعلي وقال ...صبري بده يخلص نسمه

خله وطلع واني درت وجهي وبجيت بحركه يا اخي انته شنو من باب خايف عليه ومشتاق ومن باب يهدد ويتوعد اااه شنو من قابليه عنده