حوبه گلب سيد ج١+ج٢

الحلقه ١ ج٢

بين اديه واحس انك بعيد

تذوب بحضاني مثل قطعه جليد

علم العشاق كيف الحب يكون

بلا حواجز احلى طعم الحب اكيد

*************

الاغنيه الي جانت تعم بلقاعه ولهفتنا وشوكنا واضح علينا
راسي على صدره ومحوط خصري بأديه ونركص سلو

وكأنو لوحدنه بلقاعه نسينا اهلنا والمعازيم من تلاقت عيونه بعيون بعض بدخوله وهو يغني ضمني

راسي على صدره وعطره يتغلغل بانفاسي

غدرتني الذاكره ورجعت بيه ليوم الي اجيت بيه من المدرسه اني ونغم نركض هربانات من المطر الي هاجمنا فجاه
وضحكاتنا الي جانت تارسه وجوهنا وملابسنا الي تبللت الطين الي دمرهن من الركض

بين مفترق الافرع تفارقنا اني ونغم راحت لبيتهم ركض واني دخلت الفرع مالتنا اتختل من المطر الي كل ما جايله يقوى مغطيه وجهي بلجنطه وامشي سريع لحد ما حسيت بنفسي عثرت باحد بيباب جوارينا وهيه عثره وهيه وكعه بس ما لحت الكاع حسيت على روحي وكعت بحضن شخص رفعت راسي واجتي عينه بعيني توترت وابتعدت بسرعه منه ورجعت اركض للبيت وصلت لباب بيتناودرت وجهي اله وجان اشوفه واكف بلباب مالتهم درت وجهي بمستحه ودخلت للبيت

هذي جانت اول خطوه بمعرفتي بسلام الى ان وكعنا بشباك الحب جنت بوكتها ادرس ثاني متوسط

وعدت السنوات لحد ما انطاني الرساله وبدت حكايه حبي وياه

بس ما كنت اعرف ان مو من حقي احب وان اعيش سعيده مع من اختاره كلبي

ومر على بالي كلشي صار لحد موت شهد الي اجه باحلى وقت كنت اتمناه يكمل وافرح بخطوبتي من سلام

ومر عليه موقف سلام وطعنه بيه وبشرفي وتركني بوقت كنت بحاجته

وزواجه واستشهاد حسين وزواجي برجل شهد وسفري لامريكا

وحياتي الي بديتها مع شخص كنت اكره اسمع اسمه

وبغربه وبدايه حبي لعلي حربي ويه نفسي من اجل كسب علي

وحملي بفرح وطلاكي ورجوعي للعراق

كل هذا مر عليه واني بحضن علي غوركت عيوني بدمعه حسره رفع وجهي بيده وكال بقلق ...شبيج حبيبتي

دنكت راسي وكلت ...ماكو شي حبيبي لا تخاف

خلصت الاغنيه ورجعنا كعدنه على الكوشه واباوع لعلي شون فرحان وشايل فرح بيده

والكل يضحك عليه ويكولوله.... بنتك فرحانه بعرس امها وابوها

واتذكر قبل كم يوم بلمهر مالتنا هم جانت فرح تركص واتذكر نظرات علي الي بيومها بس خلص المهر والحفله وراحو نزعت البدله وغسلت وجهي من المكياج وسمعت الباب يندك فتح سيف الباب واجه يضحك ويكول ...لج نسمه هذا المخبل يكول اريد مرتي ...