حوبه گلب سيد ج١+ج٢

البارت الحادي عشر

نسمه
*****
بعدني بمحرم الصلاه وطلعت شويه من باب الغرفه اشوف منو اجه هسه واسمع صوت عمه ام عباس  تصرخ :يبووووووو

ركضت بدون وعي وعثرت بمحرم الصلاة ووكعت بلكاع وصرت كبال عباس ابن عمي صاح وهو يدنك يشيلني من الكاع...:الله ...الله خو ما تعورتي

خليت ايدي على صدره وقتله بخوف :عباس بابا بيه شي فدوه لا تقولي مات

قلي وهو ينزل عينه بلكاع :لا نسمه  عمي ما بي شي وعلى حالته ....بس

بوكتها كل الافكار مرن من راسي وتذكرت ماما عدها سكر وظغط دموعي صبن ووساحت روحي بين اديه :ماما

شالني وقال :نسمه خويه شبيج لا عمي ولا عمتي

عمه ام عباس بعدهي تصرخ وتبجي :ولج يمه شهوده يمه راحت بعدهي بعز شبابها

انصدمت من الخبر كعدت بلكاع وقلت :شهد ..باوعت لعباس :شهد شلون عباس شهد شبيها

عباس :ما اعرف بس الي اعرفه صاير عدها نزف وما ملحكيها بلمستشفى

بوكتها صرخنه وبجينه واخذنا عباس لبيتهم لئن النسوان بيت عمي والزلم بلحسينيه الي كدام الفرع مالتنا

طبينا للبيت وشويه ونكلبت الدنيا كلاب التمنت العالم وصريخ والاطم مله البيت ونعي النسوان واني ابجي عليها وعلى شبابها الي راح واتحسب على رجلها الي ما شافت وياه يوم حلو وابجي علي حظي المصخم المفروض هاي اللمه اليوم بيتنا وبدل اللطم والبجي ضحك وهلاهل
وبدل الجنازه الي راحو يدفنوها اني اجي من الصالون بدلتي الزيتيه الي اشتريتها وبدل هذا النعي من يدخلن النسوان هوسات فرح من يلبسني سلام نيشاني
بس شسوي هاي الحياه رغم جانت شهد مغروره وما تحبنه اني وامي بس جانت اسمها اختي وبت عمي لليل رجعت للبيت ويه ماما وحسين سبحت وبدلت وخليت راسي علمخده واخذت تلفوني وفتحته جان مطفي واجني اشعارات اتصال من سلمى اخت سلام 20ومن سلام 15ورسائل كومه من صديقاتي تعزيه ومنهن من سلام

1💬 ها حبيبي البقيه بحياتج ان شالله اخر الاحزان

2💬 وين انتي جاي تخابر عليج سلمى

3💬 نسوم انتي بلبيت ليش ما جاي تدرين

4💬حبيبتي من تفتحين الرسائل رديلي ضل بالي عليج طمنيني عليج

اخذته وخليته بحضني وقلت بحزن:اه يابعد كلبي ما مقسوملنه نفرح المفروض هسه احنا عاقدين واني اتسمه مرتك
شويه وهز جهازي باوعتله شفت
💬كاعده

رديت 💬 بلي

💬البقيه بحياتج حبيبي

💬حياتك الباقيه عمري

💬شلونج

💬😭مو زينه

💬😲ليش حبيبي