××××××××××❤❤❤❤×××××××××××
نسمه
خليت الاغراض علميز ورفعت راسي وشفت سلام كدامي كاعد علكرسي وره الميز ووجه مبتسم
اني توترت
درت وجهي على كل الجهات اخاف واحد يشوفنه
قال وهوه ميت من الظحك
:شبيج جنج واحد مسوي مكسوره ليكون تردين تاخذين الاغراض وتنهزمين
باوعت عليه :وشكلولك عليه حراميه
...اي حراميه وشفت بعيني ما سمعت
اني انصدمت شنو هذا شديكول :شنو ...اني شبكت بله
باوعلي وقرب وجهها الي وهمس :اي انتي بكتي قلبي مني بعيونج هذي الي يموتن
احس صخنت وصارت حرارتي 1000 ودنكت راسي :سلام لا يجي احد
قال وهو يرفع وجهي بايده :عيون سلام ...ارفعي راسج ولا تخافين امامن المكان
دفعت ايده بخجل ...شلون مامن ...وانته شسوي هنا وين العامل الي يشتغل هنا
قال وهو يكعد علكرسي كبالي :مي خصج شلون مامن وثاني شي شلج بلعامل وصاحب الاسواق قدامج
بصدمه كلت :صدكك
باوع عليه وهو يقلدني :اي صدكك
كتله بخجل ....اسفه ما ادري بيها الك يله احسن بعد ما اشتري منا
قال وهو يمسك ايدي حيل ...شحدج غير يوميه ادز اغراض بيد سجاد العامل واخليه يكول ..بتكم نسمه وصتنه عليها ونطلبها فلوس
خليت ايدي على حلقي ::يمه غير يعدموني
ابتسم ::غير افجرهم كلهم بس واحد يمس شعره منج
قتله واني متعجبه وجوده اليوم بلاسواق :شعجب هذي اول مره اشوفك هنا كل مره اجي ما اشوف بس سجاد
قال :اني ما اجي هنا بس من اتسوق للاسواق ومن اجي انطي للولد رواتبهم حتى الوارد همه يجيبو الي للبيت
بس من جنتي تسولفين ويه امي بلباب سمعتج تردين تجين فاني رحت من داخل الجامع وطلعت من الباب الثاني علمود اوصل قبلج واخلي سجاد يروح يعمرلي ناركيله
ابتسمت عليه :شكد مراوغ
...اي غير علمود اشوف هل كمر
...يله فدوه حاسبني خليني اروح هسه ماما تكلب الدنيا عليه اذا اتاخر
اشو خله الاغراض بلعلاقه ومدها الي ...واصل حبيبتي
دفعتها اله وكتله :لا سلام اذا ما تاخذها تره بهد ما اشتري منكم
..كلي وهو يخزرني بعيونه الصفر :ولي لج اخذ منج فلوس هم عوزها
...:لعد ما اريدهم
صاح ...نسمه اسمعي الكلام ويله كبل للبيت ماكو لامنا ولا منا واني طالع وراج
ضحكت على طبعه بسرعه تغير من العاشق الولهان لابو بيت وخايف على مرته باوعت عليه بدلع وكتله واني اخذ الاغراض واشمر الفلوس علميز
:تدلل سلومي
ESTÁS LEYENDO
حوبه گلب سيد ج١+ج٢
Chick-Litكسرتو قلبي وذليتوني وجنيتو عليه وانه سيد ومظلوم ومكسور قلب روحو عساها ما تعداكم واشوف بيكم الي يبرد كلبي
